মুখ্যমন্ত্ৰী হিমন্ত বিশ্ব শৰ্মাই কৰিলে সদৰি- বিজেপিলৈ যোৱালৈ খাটাং, ৩০ আগষ্টত গেৰুৱা শিবিৰলৈ চম্পাই সোৰেণ
ঝাৰখণ্ডৰ প্ৰাক্তন মুখ্যমন্ত্ৰী চম্পাই সোৰেণে অহা ৩০ আগষ্টত ৰাঁচীত আনুষ্ঠানিকভাৱে ভাৰতীয় জনতা পাৰ্টিত যোগদান কৰিব। এই বিষয়ে সদৰি কৰে মুখ্যমন্ত্ৰী হিমন্ত বিশ্ব শৰ্মাই। নিজৰ অফিচিয়েল এক্স একাউণ্টত পোষ্টৰ জৰিয়তে এই খবৰ জানিবলৈ দিয়ে। পোষ্টত এখন ফটো শ্বেয়াৰ কৰি এই বিষয়ে জনাই, যি ফটোত কেন্দ্ৰীয় গৃহমন্ত্ৰী অমিত শ্বাহ, চম্পাই সোৰেণ, মুখ্যমন্ত্ৰী হিমন্ত বিশ্ব শৰ্মাক দেখিবলৈ পোৱা যায়।
উল্লেখযোগ্য যে চম্পাই সোৰেণে সোমবাৰে নতুন দিল্লীত উপস্থিত হৈ বিজেপিৰ জ্যেষ্ঠ নেতাসকলক সাক্ষাৎ কৰে। সাক্ষাতৰ পাছত নতুন বিকল্প বিচাৰি উলিওৱাৰ কথাও কয় সোৰেণে।
ইয়াৰ পূৰ্বে দিল্লীত উপস্থিত হোৱাৰ লগে লগে চম্পাই সোৰেণে ছচিয়েল মিডিয়াত এটা পোষ্টৰ জৰিয়তে তেওঁক অপমান কৰাৰ অভিযোগ উত্থাপন কৰিছিল দলৰ নেতৃত্বই। পোষ্টটোত তেওঁ লিখিছে যে নিৰন্তৰ অপমানজনক আচৰণৰ বাবে আৱেগিক হৈ পৰাৰ পিছত মই ৰাজনীতিত এটা নতুন বিকল্প গ্ৰহণ কৰাৰ সিদ্ধান্ত লৈছো।
চম্পাই সোৰেণে তেওঁৰ দুখৰ ভাগ বতৰা কৰি কয় যে নিৰন্তৰ অপমান আৰু অৱজ্ঞাৰ পিছত ৰাজনীতিৰ পৰা অৱসৰ লোৱা, নিজাকৈ সংগঠন স্থাপন কৰা বা নতুন সংগীৰ সৈতে ভ্ৰমণ কৰাৰ বিকল্প তেওঁৰ হাতত থাকি গ’ল। বিধানসভা নিৰ্বাচনলৈকে যাত্ৰাৰ বাবে মোৰ বাবে বিকল্প মুকলি। অপমান আৰু প্ৰত্যাখ্যানৰ বাবে মই বিকল্প পথ বিচাৰিবলৈ বাধ্য হ’লোঁ। আজিৰে পৰা আৰম্ভ হ’ব মোৰ জীৱনৰ এটা নতুন অধ্যায়।
উল্লেখ্য যে ধন সৰবৰাহৰ গোচৰত ঝাৰখণ্ডৰ মুখ্যমন্ত্ৰী হেমন্ত সোৰেণক গ্ৰেপ্তাৰ কৰাৰ পিছত চম্পাই সোৰেণক ঝাৰখণ্ডৰ মুখ্যমন্ত্ৰী হিচাপে নিযুক্তি দিয়া হৈছিল। ফেব্ৰুৱাৰীৰ পৰা জুলাইলৈ মুখ্যমন্ত্ৰী হিচাপে কাৰ্যনিৰ্বাহ কৰিছিল তেখেতে। ২০০৫ চনৰ পৰা প্ৰতিটো নিৰ্বাচনতে তেওঁ বিধানসভালৈ নিৰ্বাচিত হৈ আহিছে। কিন্তু হেমন্ত সোৰেণ পুনৰ জেলৰ পৰা উভতি অহাৰ পাছত চম্পাই সোৰেণক পদত্যাগ কৰিবলৈ বাধ্য কৰোৱা হয় আৰু পুনৰ মুখ্যমন্ত্ৰীৰ পদত অধিস্থিত হয় হেমন্ত সোৰেণ।
যি কথাতে জ্যেষ্ঠ নেতা চম্পাই সোৰেণে অপমান পোৱাৰ দৰে হয়। চলিত বৰ্ষৰ শেষৰ ফালে ঝাৰখণ্ডত বিধানসভা নিৰ্বাচন অনুষ্ঠিত হ’ব। সেই নিৰ্বাচনলৈ মাজত মাথো দুটামান মাহো অপেক্ষা নকৰি চম্পাই সোৰেণে তেনেদৰে পদত্যাগ কৰিব লগা হোৱাত অপমান পাই এতিয়া বিজেপিলৈ গমণ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
