স্বাস্থ্যৰ অৱনতি, প্ৰাক্তন প্ৰধানমন্ত্ৰী মনমোহন সিঙক এইমছৰ জৰুৰীকালীন ৱাৰ্ডত ভৰ্তি
প্ৰাক্তন প্ৰধানমন্ত্ৰী ডাঃ মনমোহন সিঙৰ স্বাস্থ্যৰ অৱনতি। ততাতৈয়াকৈ তেখেতক চিকিৎসালয়ত ভৰ্তি কৰোৱা হৈছে। দিল্লী এইমছত জৰুৰীকালীন ৱাৰ্ডত ভৰ্তি কৰোৱা হৈছে প্ৰাক্তন প্ৰধানমন্ত্ৰীগৰাকীক। চিকিৎসকৰ এটা দলে অহৰহ নিৰিক্ষণত ৰাখিছে তেখেতক।
জানিব পৰা মতে, আজি বৃহস্পতিবাৰে সন্ধিয়া প্ৰায় ৮ বজাত প্ৰাক্তন প্ৰধানমন্ত্ৰীগৰাকীক এইমছলৈ অনা হয়। জৰুৰীকালীন ৱাৰ্ডত চিকিৎসাধীন হৈ আছে।
তথ্য অনুসৰি বৃহস্পতিবাৰ ২৬ ডিচেম্বৰ তাৰিখে হঠাতে প্ৰাক্তন প্ৰধানমন্ত্ৰী ড০ মনমোহন সিঙৰ স্বাস্থ্যৰ অৱনতি ঘটে। ইয়াৰ পিছতে তেওঁক খৰখেদাকৈ দিল্লী এইমছৰ জৰুৰীকালীন ৱাৰ্ডত ভৰ্তি কৰা হয়। জানিব পৰা মতে, উশাহ-নিশাহ লোৱাত অসুবিধাৰ সন্মুখীন হোৱাৰ পিছত তেওঁক এইমছলৈ অনা হয়, য’ত তেওঁ বৰ্তমান চিকিৎসাধীন হৈ আছে।
প্ৰধানমন্ত্ৰীৰ কমাণ্ড লোৱাৰ পূৰ্বে মনমোহন সিং ভাৰতৰ বিত্তমন্ত্ৰী আৰু বিত্ত সচিবও আছিল। নৰসিংহ ৰাওৰ চৰকাৰৰ দিনত অৰ্থনীতিৰ উদাৰীকৰণত তেওঁ গুৰুত্বপূৰ্ণ ভূমিকা গ্ৰহণ কৰা বুলি বিবেচিত হৈছে। মনমোহন সিং আৰ বি আইৰ ৰাজ্যপালৰো দায়িত্ব পালন কৰি আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
