অসম লাইভ২৪ঃ হৃদযন্ত্ৰ হৈছে শৰীৰৰ আটাইতকৈ গুৰুত্বপূৰ্ণ অঙ্গবোৰৰ এটা। এই অংগটোৱে সমগ্ৰ শৰীৰত তেজ চলাচল কৰা প্ৰক্ৰিয়াত কাম কৰে। অক্সিজেন সমৃদ্ধ তেজ সমগ্ৰ দেহত প্ৰবাহিত কৰি ৰখাৰ একমাত্ৰ অংগই হৈছে হৃদযন্ত্ৰ। কিন্তু দিনকদিনে পৃথিৱীৰ সমান্তৰালকৈ আমাৰ দেশতো বৃদ্ধি হৈছে হৃদৰোগীৰ সংখ্যা। হৃদযন্ত্ৰই সঠিকভাৱে তেজ পাম্প কৰিব নোৱাৰাৰ ফলত ব্যক্তি একোগৰাকী মৃত্যুৰ দিশলৈ গতি কৰে।
হৃদৰোগ সঠিক সময়ত ধৰা পৰিলে মৃত্যু সম্ভাৱনাৰ পৰা কিছু আঁতৰত অৱস্থান কৰিব পাৰি। কিন্তু এই পৰীক্ষাৰ ক্ষেত্ৰত বিশেষ অত্যাধুনিক যন্ত্ৰ নাছিল যাৰ বাবে বহুসংখ্যক হৃদৰোগীয়েই অকাল মৃ্ত্যুক সাবটি ল’ব লগা হৈছে। শেহতীয়াভাৱে হৃদৰোগ সম্পৰ্কত চলি থকা গৱেষণাৰ অন্তত বিজ্ঞানীসকলে এবিধ বিশেষ অত্যাধুনিক যন্ত্ৰ আৱিষ্কাৰ কৰিবলৈ সক্ষম হৈছে। Four-dimensional Flow MRI- নামৰ যন্ত্ৰবিধৰ সহায়ত অচিৰেই হৃদৰোগ ধৰা পেলাব পাৰিব বুলি দাবী কৰিছে বিজ্ঞানী মহলে।
হৃদযন্ত্ৰ যেতিয়া বিফল হয়, হৃদযন্ত্ৰই সঠিকভাৱে তেজ পাম্প কৰাত সমস্যা আহি পৰে। এই ক্ষেত্ৰত, হৃদযন্ত্ৰৰ পেশীসমূহো জঠৰ হৈ পৰে। সেয়ে হৃদযন্ত্ৰই সমগ্ৰ শৰীৰত স্বাভাৱিক পৰিমাণৰ তেজ যোগান ধৰিব নোৱাৰে। হৃদযন্ত্ৰৰ এই বিফলতা সোনকালে চিনাক্ত কৰিলে ৰোগীজন প্ৰয়োজনীয় চিকিৎসা দিয়াত সহায়ক হয়।
Four-dimensional Flow MRI-এই নতুন প্ৰযুক্তি আবিষ্কাৰ কৰিছে ইউনিভাৰচিটি অৱ এঞ্জেলীয়াই। এই নতুন প্ৰযুক্তিৰে মাত্ৰ ৮ মিনিটৰ ভিতৰতেই হৃদযন্ত্ৰ বিফলতা সম্পৰ্কে জানিব পৰা যায়। হাৰ্টৰ বিফলতা মানেই ৰোগী একোগৰাকীৰ মৃত্যু ঘটিব এনে নহয়। উপযুক্ত সময়ত চিকিৎসা পালেই ৰোগী একোগৰাকীয়ে পুনৰ স্বাভাৱিক জীৱন-যাপন কৰিব পাৰে। এই নতুন প্ৰযুক্তিৰে কেতিয়া পৰীক্ষা কৰিব সেই সম্পৰ্কেও বাখ্যা দাঙি ধৰিছে উদ্ভাৱক দলটোৱে।
এম আৰ আইৰ ওপৰত নিৰ্ভৰ কৰি CAT-ARC, 4D Flow MRI আদি কৰা হয়। এইসমূহ চিকিৎসা বিজ্ঞানৰ একোটা নৱ সংযোজনেই। এম আৰ আইত প্ৰায় ৩০ মিনিট ধৰি হাৰ্টৰ স্কেন কৰিলে কি হৈছে জানিব পৰা যায়। এইসমূহো একোটা আধুনিক পদ্ধতি। কিন্তু ৮ মিনিটত হাৰ্ট স্কেন কৰিব পৰা
Four-dimensional Flow MRI-ৰ আৱিষ্কাৰক দলটোৰ প্ৰধান গৱেষক পংকজ গৰ্গে প্ৰকাশ কৰা অনুযায়ী হাৰ্টৰ ওপৰত বেছিকৈ প্ৰেছাৰ থাকিলে হাৰ্ট ফেইল হোৱাৰ সম্ভাৱনা বৃদ্ধি পায়। নতুন প্ৰযুক্তিৰ জৰিয়তে হাৰ্টৰ ভিতৰত চলি থকা তেজৰ চলাচল সম্পূৰ্ণকৈ ধৰা পেলাব পাৰি। এই চলাচল অস্বাভাৱিক দেখিলেই লগে লগে চিকিৎসকৰ কাষ চাপিব লাগে।
হৃদযন্ত্ৰ বিকল হোৱাৰ প্ৰধান লক্ষণসমূহৰ ভিতৰত হৈছে হৃদযন্ত্ৰটোৱে দ্ৰুত গতিত ক্ৰিয়া কৰিব পাৰে। কাঁহৰ সমস্যাই দেখা দিব পাৰে। পোট ফুলা, শ্বাস-প্ৰশ্বাসত কষ্ট পোৱা, ভোক নলগা, দূৰ্বল অনুভৱ হোৱা, ভৰি ফুলি উঠা, অনিয়মীতভাৱে প্ৰেছাৰ উঠা-নমা হোৱা, হঠাতেই দেহৰ ওজন বৃদ্ধি হোৱা আদি লক্ষণে দেখা দিব পাৰে।
আনহাতে হৃদযন্ত্ৰ সম্পূৰ্ণ বিকল হৈ পৰাৰ প্ৰধান কাৰণসমূহ হৈছে- কৰনাৰী আৰ্টাৰীৰ সমস্যা, কাৰ্ডিয়মায়পেথি, কনজেটিটেন হৃদৰোগ, হাৰ্টৰ ভলবৰ সমস্যা, অনিয়ন্ত্ৰিত হাৰ্ট বিট, হাই ব্লাড প্ৰেছাৰ, ডায়াবেটিছ, এইছআইভি, এনিমিয়া, কেমোথেৰাপি, নিদ্ৰাহীনতাই হৃদযন্ত্ৰ বিকলত প্ৰধান ভূমিকা পালন কৰে।
হৃদযন্ত্ৰ ভালে ৰখাৰ ক্ষেত্ৰত আমাৰ নিয়মিত জীৱন-ধাৰণৰ যিসমূহ ভুল-ত্ৰুতি আছে সেয়া সালসলনি কৰিব লাগে। নিয়মিত ব্যায়াম কৰা, শৰীৰৰ ওজন কমোৱা, সময়মতে খোৱা-বোৱা কৰা, সঠিক সময়ত নিদ্ৰা, মদ্যপানৰ অভ্যাস ত্যাগ কৰা, ধূমপানৰ অভ্যাস ত্যাগে হৃদৰোগৰ সমস্যা বহু পৰিমানে কমাব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
