অসম লাইভ২৪ঃ সমাগত শাৰদীয় দূৰ্গোৎসৱ। কাইলৈ ষষ্ঠী। পূজা উপলক্ষে মহানগৰীৰ যান-বাহন আৰক্ষীয়ে বাট-পথত যান-জঁট নহ’বৰ বাবে বিশেষ কিছু নিৰ্দেশনা জাৰি কৰিছে।
দূর্গা পূজা আৰু T20 খেলকলৈ যান বাহন আৰক্ষীয়ে সংবাদমেলযোগে নিয়মসমূহ উল্লেখ কৰিছে। ২ অক্টোবৰ আৰু পূজাৰ সময়ত চলিব লগা বাহনৰ নীতি নিয়মসমূহ হৈছে- চাৰি চকীয়া আৰু তাতকৈ অধিক চকাৰ বাহন অৰ্থাৎ বাণিজ্যিক সামগ্ৰী কঢ়িওৱা বাহনসমূহ ২৭ নং ৰাষ্ট্ৰীয় ঘাইপথ আৰু ২৯ নং ৰাষ্ট্ৰীয় ঘাইপথেৰে আহ-যাহৰ ক্ষেত্ৰত জাৰি কৰা হৈঠছে নিৰ্দেশনা। ২ অক্টোবৰৰ পুৱা ৯ বজাৰ পৰা ৩ অক্টোবৰৰ ২ বজালৈ গধুৰ বাহনৰ চলাচলত নিষেধাজ্ঞা। ৬চকীয়া বা তাতকৈ অধিক চকাৰ সামগ্ৰী কঢ়িওৱা বাহনৰ ১, ৩, ৪, ৫ তাৰিখে ৰাতিপুৱা ৯ বজাৰ পৰা ৰাতি ১১.৩০ বজালৈ চলাচল বন্ধ থাকিব। বৰ্ষাপৰা তিনিআলিৰ পৰা ধীৰেণপাৰা তিনিআলিলৈ কেৱল পাছ থকা গাড়ীহে যাব পাৰিব। গাড়ী পাছ নাথাকিলে ধীৰেনপাৰা তিনিআলিৰ পৰা ভিতৰলৈ সোমাব নোৱাৰিব কোনো বাহন। লখৰাৰ পৰা ধীৰেণপাৰালৈ আহিবলগা গাড়ী সমূহৰ ক্ষেত্ৰত কিছু কিছু নিষেধাজ্ঞা প্ৰদান কৰা হৈছে। ধীৰেণপাৰাৰ পৰা বর্ষাপৰা ষ্টেডিয়াম তিনিআলি, বৰ্ষাপাৰাৰ পৰা লখৰালৈ কেৱল চিংগল ৰোড কৰা হৈছে।
মহানগৰ ভিতৰত চলাচল কৰিব লগা বাছ সমূহৰ নীতি নিয়ম সমূহ-বশিষ্ট চাৰিআলিৰ পৰা জালুকবাৰী লৈ যাবলগা বাছসমূহ বশিষ্ঠৰ পৰা ত্ৰিপুৰা গলি হৈ জয়ানগৰ চাৰিআলি মাজেৰে ৬মাইল হৈ VIP ৰোডৰ সহায়ত নাৰেঙ্গী, নুনমাটি, চান্দমাৰী হৈ ওলাব পাৰিব। বশিষ্টৰ পৰা ধাৰাপুৰলৈ যোৱা বাছসমুহ ত্ৰিপুৰা গলি, জয়ানগৰ, ৬মাইল হৈ GS ৰোডেৰে ধাৰাপুৰলৈ যাব। হাতীগাঁওৰ পৰা আমিনগাঁৱলৈ যোৱা বাছসমূহ ত্ৰিপুৰা গলি হৈ VIP ৰোড, নাৰেঙ্গী, নুনমাটি হৈ চান্দমাৰী ওলাব পাৰিব। পাঞ্জাবাৰীৰ পৰা ধাৰাপুৰলৈ যোৱা বাছসমূহ VIP ৰোড নুনমাটি হৈ চান্দমাৰী, MG ৰোড হৈ ধাৰাপুৰ যাব পাৰিব।
ইপিনে নামনি অসমৰ পৰা অহা বাছসমূহ আদাবাৰীত ৰখাব লাগিব। মহানগৰৰ ভিতৰত এই বাহনসমূহ প্ৰৱেশ কৰিব নোৱাৰিব। উজনিৰ পৰা অহা বাছসমূহো ISBT-ত ৰখাব লাগিব, এই বাছসমূহো মহানগৰৰ ভিতৰলৈ প্ৰৱেশ কৰিব নোৱাৰিব।
আনহাতে পূজাৰ সমান্তৰালভাৱে ক্ৰিকেটৰ বাবেও কিছু পথ নিৰ্দেশনা দিয়া হৈছে। ক্ৰিকেটৰ ক্ষেত্ৰত ৬ খন গেট দৰ্শকৰ বাবে মুকলি কৰা হ’ব। ইয়াৰে গেট নম্বৰ ১B অতিথিৰ বাবে খোলা থাকিব। ২ নং গেটলৈ যাবলৈ হ’লে বৰ্ষাপৰা তিনিআলি হৈ AK আজাদ ৰোডেৰে ভিতৰলৈ যাব পাৰিব। ৩ নম্বৰ গেটলৈ যাবৰ বাবে RG বৰুৱা পথেৰে গডৰেজ গলি বা ৰোলিং ৰোডহৈ AK আজাদ ৰোডেৰে ভিতৰলৈ যাব পাৰিব। ৪ নম্বৰ গেটলৈ যাবলৈ ৰোলিং মিল ৰোড তিনিআলিৰ পৰা AK আজাদ ৰোডেৰে যাব পাৰিব। ৫ নম্বৰ আৰু ৬ নম্বৰ গেটলৈ যাবলৈ ভূপেন হাজৰিকা পথেৰে ৰঘুনাথ পথ হৈ AK দেৱ ৰোডেৰে ভিতৰলৈ যাব পাৰিব । ৭ নম্বৰ গেটলৈ যাবলৈ বৰ্ষাপাৰা তিনি আলি হৈ AK আজাদ ৰোডৰ সহায়ত ভিতৰলৈ যাব পাৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
