প্ৰতিটো গ্ৰহই নিৰ্দিষ্ট সময়ত অন্তৰালত ৰাশি পৰিবৰ্তন কৰে৷ যাৰ প্ৰভাৱ পৰে ১২ ৰাশিৰ ওপৰতেই৷ আগন্তুক ১৬ নৱেম্বৰৰ বিয়লি ৩বাজি ১৭ মিনিটত চন্দৰৰ ৰাশি বৃষত প্ৰৱেশ কৰিছে৷ ইয়াৰপাছতেই ১৮ নৱেম্বৰৰ পুৱা ৪বাজি ৩১ মিনিট পৰ্যন্ত তাতেই থাকিব চন্দ্ৰ৷ অন্যহাতে বৃহস্পতিয়ে ইতিমধ্যেই বৃষ ৰাশিত অৱস্থান কৰিছে৷ তেতিয়াই চন্দ্ৰ আৰু দেৱগুৰু বৃহস্পতিৰ মিলনত গজকেশৰী যোগ তৈয়াৰ হ’ব৷ এই সময়ত ৪ৰাশিৰ জীৱনত বৃহৎ পৰিবৰ্তন আহিব পাৰে৷ হাতৰ মুঠিত থাকিব সাফল্য, অৰ্থ, মান, যশ কাৰ কাৰ উপচি পৰিব?
বৃষ ৰাশি
গজকেশৰী যোগ বৃষ ৰাশিৰ বাবে শুভ হ’ব৷ যি কোনো কামত সাফল্য আহিব পাৰে৷ বহু দিন ধৰি ৰৈ থকা কাম এইসময়ত শেষ হ’ব৷ আয় বাঢ়িব৷ নিশাৰ ভিতৰতেই বৃহৎ অংকৰ ধন পোৱাৰ যোগ আছে৷ যিসকলে চাকৰি বিচাৰি আছে তেওঁলোকে নতুন চাকৰি লাভ কৰাৰ যোগ আছে৷ ব্যৱসায়ীসকলে লাভৰ মুখ দেখিব৷ সংসাৰত অৰ্থনৈতিক পৰিস্থিতিৰ উন্নতি হ’ব৷ স্বাস্থ্য পূৰ্বতকৈ ভাল হ’ব৷ পৰিয়ালত থকা বিবাদ দূৰ হ’ব৷
কৰ্কট ৰাশি
বৃহস্পতি চন্দ্ৰৰ মিলন কৰ্কট ৰাশিৰ বাবে লাভজনক হ’ব৷ কৰ্মক্ষেত্ৰত উন্নতি হ’ব পাৰে৷ চাকৰিত সহকৰ্মীসকলৰ সহযোগীতা পাব৷ ব্যৱসায়ীসকলে বৃহৎ কোনো চুক্তি কৰিব পাৰে৷ যি ভৱিষ্যতত লাভৰ সম্ভাৱনা আছে৷ কৰ্মজীৱনৰ বাবে সময় অনুকূল হ’ব৷ কামত পৰিশ্ৰমৰ ফল পাব৷ যি কোনো নতুন কাম কৰাৰ বাবে শুভ সময়৷ পৰিয়ালত সকলোৰে সৈতে ভাল সময় কটাব৷
ধনু ৰাশি
গজকেশৰী যোগে ধনু ৰাশিৰ বাবে সুদিন আনিব পাৰে৷ আয় বাঢ়িব৷ নতুন আয়ৰ উৎস পাব পাৰে৷ অৰ্থনৈতিক অৱস্থাৰ উন্নতি হ’ব৷ চাকৰিত পদোন্নতি হ’ব পাৰে৷ আয় আৰু ব্যয়ৰ ভাৰসাম্যৰ ফলত সঞ্চয় বাঢ়িব৷ বহু দিন ধৰি কোনো ধন পাবলগীয়া থাকিলে এই সময়ত লাভ কৰিব৷ ঋণ শোধ কৰিব পাৰে৷ কৰ্মক্ষেত্ৰত পৰিশ্ৰমৰ ফল পাব৷ দূৰলৈ যোৱাৰ পৰিকল্পনা থাকিলে সফল হ’ব৷
মীন ৰাশি
চন্দ্ৰ আৰু বৃহস্পতিৰ মিলনে মীন ৰাশিৰ ভাগ্য সলনি কৰিব৷ কৰ্মক্ষেত্ৰত সাফল্যৰ যোগ আছে৷ আত্মবিশ্বাস বাঢ়িব৷ চাকৰি আৰু ব্যৱসায়ত উন্নতিৰ যোগ আছে৷ অৰ্থনৈতিক পৰিস্থিতি উন্নত হ’ব৷ পাৰিবাৰিক জীৱনৰ সমস্যা দূৰ হ’ব৷ সংগীৰ সৈতে সম্পৰ্ক আৰু মজবুত হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
