ভাদ মাহৰ শুক্লপক্ষৰ চতুৰ্থী তিথিত পালন কৰা হয় গণেশ চতুৰ্থী৷ পশ্চিম ভাৰতত মহাধুমধামেৰে পালন কৰা হয় গণেশ চতুৰ্থী পালন কৰা হয়৷ আমাৰ ৰাজ্যতো বিগত কেইবাবছৰ ধৰি গণেশ পূজা পালনৰ আগ্ৰহ বৃদ্ধি পাইছে৷ হিন্দু ধৰ্ম অনুসৰি গণেশ হৈছে অগ্ৰপূজ্য অৰ্থাৎ সকলো দেৱতাৰ পূৰ্বে তেওঁক আৰাধনা কৰা হয়৷ গণেশৰ পূজা কৰিলে মনৰ সকলো ইচ্ছা পূৰণ হয় আৰু সকলো বিপদৰ পৰা মুক্তি পোৱা যায় বুলি প্ৰচলিত বিশ্বাস৷
গণেশ চতুৰ্থী কেতিয়া?
ভাদ মাহৰ শুক্লপক্ষৰ চতুৰ্থী তিথিৰ পৰা আৰম্ভ হয় গণেশ পূজা৷ মুম্বাইসহ পশ্চিম ভাৰতৰ বিভিন্ন স্থানত ১০ দিন ধৰি এই উৎসৱ চলে৷ এই বছৰ চতুৰ্থী পৰিছে আগন্তুক ৬ ছেপ্টেম্বৰ শুকুৰবাৰৰ ১২ বাজি ৯ মিনিটত৷ চতুৰ্থী থাকিব ৭ ছেপ্টেম্বৰ শনিবাৰে বিয়লি ২বাজি ৬ মিনিট পৰ্যন্ত৷ অৰ্থাৎ দেখা গৈছে যে এই বছৰ দুদিন ধৰি চতুৰ্থী থাকিব৷ উদয়া তিথি মানি গণেশ চতুৰ্থী পালন কৰা হ’ব আগন্তুক ৭ ছেপ্টেম্বৰত৷
গণেশ চতুৰ্থীত শুভ যোগ
এই বছৰ গণেশ চতুৰ্থীত একাধিক শুভ যোগ পৰিছে৷ এই শুভ যোগ মানি পূজা কৰিলে ব্যক্তিৰ দ্বিগুণ লাভ সম্ভৱ৷ পঞ্জিকা অনুসৰি গণেশ চতুৰ্থীত থাকিব সৰ্বাৰ্থ সিদ্ধি যোগ, ৰবি যোগ আৰু ব্ৰহ্মা যোগ৷ এই তিনিটা যোগেই অত্যন্ত শুভ৷ গণেশ চতুৰ্থীত গণেশৰ আৰাধনা কৰি কোনো নতুন কাম আৰম্ভ কৰাৰ বাবে এই দিনটো অত্যন্ত শুভ৷
গণেশ মূৰ্তি স্থাপনৰ শুভ সময়
আপুনি গণেশ মূৰ্তি ঘৰত স্থাপন কৰিবলৈ ৭ ছেপ্টেম্বৰ শুভ সময়৷ এইদিনটোত উপবাসে ৰখা জৰুৰী৷ এইদিনটোত সৰ্বাৰ্থ সিদ্ধি যোগ পৰিব পুৱা ৬বাজি ২ মিনিটৰ পৰা বিয়লি ১২ বাজি ২৩ মিনিট পৰ্যন্ত এই শুভ সময় থাকিব৷ এই সময়ৰ মাজত গণেশ মূৰ্তি স্থাপন কৰিলে শুভ ফল পোৱা সম্ভৱ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
