৩৫ বছৰৰ পাছত গৰ্ভধাৰণক সাধাৰণতে হাইৰিস্ক প্ৰেগনেন্সি হিচাপে গণ্য কৰা হয়৷ এই বয়সৰ পাছত গৰ্ভধাৰণৰ সুযোগ লাহে লাহে কমিব ধৰে৷ আইভিএফৰ দৰে চিকিৎসাৰ সহায়ত অৱশ্যে গৰ্ভধাৰণ কৰিব পাৰিব৷ বয়স বাঢ়িলে গৰ্ভপাতৰ ভয়ো বহু পৰিমানে বাঢ়ি যায়৷ হাইপাৰ টেনছনৰ দৰে একাধিক শাৰীৰিক সমস্যাই দেখা দিব পাৰে৷ নৰমেল ডেলিভাৰিও প্ৰায় অসম্ভৱ হৈ পৰে৷ শেষ উপায় হিচাপে ছিজাৰ আনকি সময়ৰ পূৰ্বে নানান জটিলতাইয়ো দেখা দিব পাৰে৷
পঢ়াশুনা, কেৰিয়াৰ, পাৰিপাৰ্শ্বিক চাপ সকলো মিলি মাতৃ হোৱাৰ সম্ভৱনা কমাই দিছে বহু নাৰীৰ৷ এতিয়া সন্তান ধাৰণৰ গড় বয়স হৈছেগৈ প্ৰায় ৩৩-৩৫ বছৰ৷ কোনো কোনো লোকৰ ক্ষেত্ৰত এই বয়স আৰু বেছি৷ বহুতেই এতিয়া ৩৫ বছৰ বয়সৰ পাছতহে মাতৃ হৈছে৷ ফলত বাঢ়িছে বিভিন্ন সমস্যাও৷
৩৫ বছৰৰ পাছত গৰ্ভধাৰণৰ ক্ষেত্ৰত নৰমেল গৰ্ভধাৰণৰ চাঞ্চ মাত্ৰ ৮শতাংশ৷ সেয়ে চিকিৎসকৰ পৰামৰ্শ মানি আগুৱাব লাগে৷ গৰ্ভধাৰণৰ সিদ্ধান্ত লোৱাৰ পাছতেই নিজৰ জীৱনযাপনৰ পৰিবৰ্তন কৰিব লাগে৷ খোৱাবোৱা নিয়ন্ত্ৰণ, মদ্যপান, ধূমপান সম্পূৰ্ণ বন্ধ, পিছিওডি, পিছিওএছ থাকিলে নিয়ন্ত্ৰণ কৰিব লাগে ওজনো৷ নিয়মিত শৰীৰচৰ্চাও ভীষণ জৰুৰী৷ আৰ্লি টু বেড এণ্ড আৰ্লি টু ৰাইজকেই জীৱনৰ মূল মন্ত্ৰ হিচাপে লওক৷ এই সময়ত ষ্ট্ৰেছক কোনোধৰণেই নিজৰ জীৱনত এন্ট্ৰী মাৰিবলৈ নিদিব৷ ষ্ট্ৰেছ গৰ্ভধাৰণৰ অন্যতম বাদা৷ ৪০-৪২ বছৰত মাতৃ হ’ব খুজিলে নিজকে মানসিকভাৱে তৈয়াৰ কৰক৷
প্ৰয়োজনত প্ৰি প্ৰেগনেন্সি কাউন্সেলিং কৰক৷ চিকিৎসকৰ পৰামৰ্শ অনুসৰি, গৰ্ভধাৰণৰ পূৰ্বেই মানসিকভাৱে মাতৃ হৈ উঠাৰ প্ৰয়োজন৷ প্ৰি প্ৰেগনেন্সি ডিপ্ৰেছন থাকিলে পোষ্ট পৰ্টেম ডিপ্ৰেছন অহা স্বাভাৱিক৷ চিকিৎসাৰ মাধ্যমেৰে এই সমস্যা সমাধান কৰা সম্ভৱ৷
সন্তানৰ কোনো জিনগত, জন্মগত শাৰীৰিক ত্ৰুটি আছে নেকি এই সন্দৰ্ভতো মাতৃগৰাকী সচেতন হোৱা প্ৰয়োজন৷ ডাউন চিণ্ড্ৰোম আক্ৰান্ত নেকি পৰীক্ষা কৰি জানি লোৱা প্ৰয়োজন৷ মাতৃ সম্পূৰ্ণ সুস্থ হয়নে সেয়াও জনা দৰকাৰ৷ মাতৃৰ হাৰ্টৰ অৱস্থা জানি লোৱাটো অত্যন্ত প্ৰয়োজনীয়৷ পৰামৰ্শ লৈ এইসমূহ দিশত আগবঢ়া জৰুৰী৷ বাৰে বাৰে চিকিৎসক পৰিবৰ্তন নকৰিব৷ ঘৰৰ ওপৰিও চিকিৎসক বা হাস্পতালৰ ইমাৰ্জেন্সি ফোন নম্বৰ ৰাখিবই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
