প্ৰস্ৰাৱ কৰাটো শৰীৰৰ এটা সাধাৰণ প্ৰক্ৰিয়া। এই প্ৰক্ৰিয়াই শৰীৰৰ লেতেৰা পদাৰ্থক দূৰ কৰাত সহায় কৰে। কিন্তু ইয়াৰ পৰিমাণ নিৰ্ভৰ কৰে আপোনাৰ শৰীৰ কিমান হাইড্ৰেটেড হৈ আছে। অধিক পানী থকা খাদ্য গ্ৰহণ কৰিলে সঘনাই প্ৰস্ৰাৱ অনুভৱ হ’ব পাৰে। মূত্ৰাশয়ত প্ৰস্ৰাৱ পৰ্যাপ্ত পৰিমাণে জমা হৈ থাকিলে প্ৰস্ৰাৱ কৰাৰ অনুভৱ হয়। মূত্ৰাশয় আধা ভৰ্তি হোৱাৰ পিছতহে প্ৰস্ৰাৱ কৰাটো প্ৰয়োজনীয় বুলি মগজুৱে সংকেত লাভ কৰে। কিন্তু প্ৰস্ৰাৱৰ কথা আহিলে প্ৰশ্ন উত্থাপন হয় যে বহি নে থিয় হৈ প্ৰস্ৰাৱ কৰিব লাগে।
সাধাৰণতে পুৰুষে থিয় হৈ প্ৰস্ৰাৱ কৰে, কিন্তু কিছুমানে বহিবলৈ অধিক আৰামদায়ক বুলি বিবেচনা কৰে। কিন্তু স্বাস্থ্য বিশেষজ্ঞসকলে আঙুলিয়াই দিয়ে যে একেটা স্থিতি সকলোৰে বাবে উপযুক্ত নহয়। নতুন দিল্লীৰ ছাৰ গংগা ৰাম হাস্পতালৰ ইউৰ’লজী বিভাগৰ ভাইচ চেয়াৰমেন ডাঃ অমৰেন্দ্ৰ পাঠকে কয় যে আঁঠু, গাঁঠি বা হাড়ৰ সমস্যা থকা লোকৰ বাবে বহি থকাটো এটা সমস্যা হ’ব পাৰে।
বিশেষজ্ঞসকলে কয় যে, যদি কোনো ব্যক্তিৰ ইতিমধ্যে আঁঠুৰ বিষ, বাতবিষ, হাড়ৰ দুৰ্বলতা আদি সমস্যা আছে, তেওঁলোকে প্ৰস্ৰাৱৰ অৱস্থাৰ প্ৰতি সাৱধান হ’ব লাগে। সঠিক অভ্যাস গ্ৰহণ কৰিলে বহুতো শাৰীৰিক সমস্যাৰ পৰা ৰক্ষা কৰিব পাৰি। কিন্তু প্ৰায় মানুহে এই কথাটো উপেক্ষা কৰে যে দৈনন্দিন সৰু সৰু অভ্যাসবোৰেও তেওঁলোকৰ স্বাস্থ্যৰ ওপৰত প্ৰভাৱ পেলাব পাৰে।
ইয়াৰ অসুবিধা কি কি?
যিকোনো বেয়া অভ্যাসৰ প্ৰভাৱ তৎক্ষণাত দেখা নাযায়। দীৰ্ঘ সময় বহি থাকিলে আঁঠু আৰু কঁকালত অতিৰিক্ত চাপ পৰিব পাৰে, যাৰ ফলত বাতবিষ বা হাড়ৰ লগত জড়িত অৱস্থা আৰু বেয়া হ’ব পাৰে। যিসকলৰ ওজন বেছি বা ইতিমধ্যে আঁঠুৰ বিষত ভুগিছে তেওঁলোকৰ বাবে এই অৱস্থা আৰু অধিক গুৰুতৰ হ’ব পাৰে। এনেদৰে দীৰ্ঘ সময় বহি থাকিলে গাঁঠি জঠৰ হৈ পৰে, যাৰ ফলত বিষ আৰু ফুলা বাঢ়িব পাৰে।
ৰক্ত সঞ্চালনতো ব্যাঘাত
ভুলকৈ বহিলে শৰীৰৰ তলৰ অংশত ৰক্ত সঞ্চালনতো প্ৰভাৱ পৰিব পাৰে। ইয়াৰ ফলত আঁঠু দুৰ্বল হোৱাৰ সম্ভাৱনা বৃদ্ধি পাব পাৰে। হাড়ৰ দুৰ্বলতা, অষ্টিঅ’পৰ’ছিছ বা বাতবিষত আক্ৰান্ত লোকৰ বাবে এই অভ্যাস আৰু অধিক বিপদজনক হ’ব পাৰে। প্ৰস্ৰাৱ কৰাৰ সময়ত বহি থাকিলেও পৰি যোৱাৰ সম্ভাৱনা বৃদ্ধি পাব পাৰে।
মনত ৰখা এটা কথাঃ
চিকিৎসকে কয় যে আঁঠু বা গাঁঠিৰ সমস্যা থকা লোকসকলে প্ৰস্ৰাৱ কৰাৰ সময়ত বহি থকাৰ পৰা বিৰত থাকিব লাগে। এনে ব্যক্তিয়ে থিয় হৈ থকা অৱস্থাত প্ৰস্ৰাৱ কৰিব পাৰে বা চিকিৎসকৰ পৰামৰ্শ অনুসৰি সঠিক অৱস্থান বাছি লওক। যদি আঁঠুৰ স্থায়ী বিষ, ফুলা বা অন্যান্য সমস্যা থাকে তেন্তে পলম নকৰাকৈ বিশেষজ্ঞৰ পৰামৰ্শ লওক আৰু উপযুক্ত চিকিৎসাৰ লগতে সুস্থ জীৱনশৈলী গ্ৰহণ কৰক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
