অসম লাইভ২৪ঃ বিশ্ব স্বাস্থ্য সংস্থাৰ মতে বিশ্বৰ ৩৬০ নিযুত লোকে শ্ৰৱণ সমস্যাত ভুগি আছে। ভাৰতৰ জনসংখ্যাৰ প্ৰায় ৭ শতাংশ লোকেৰই শ্ৰৱণজনিত সমস্যা আছএ। শ্ৰৱণ সমস্যাও ভূগি থকা বেছিভাগেই জন্মৰ পৰাই বধিৰ। ৬ বছৰৰ তলৰ ১০০ জন লোকৰ ওপৰত চলোৱা গৱেষণাত পোৱা গৈছে যে ১০০-ৰ ভিতৰত দুজন লোকেই বধিৰ হয়। আন এক সূত্ৰই প্ৰকাশ কৰা অনুসৰি ভাৰতৰ ১০০০ নৱজাতকৰ ভিতৰত ১ ৰ পৰা ৪ জনে কাণেৰে নুশুনে।
জন্মৰ পিছত, শিশুটোৰ জন্মৰ সময়ত শ্ৰৱণ সমস্যা আছে নেকি চাবলৈ OAE আৰু BERA পৰীক্ষা কৰিব পাৰি। OAE পৰীক্ষা জন্মৰ ৪৮ ঘণ্টাৰ ভিতৰত কৰিব লাগে। শিশুটিৱে কাণেৰে শুনেনে এই পৰীক্ষাৰ পৰাই গম পাব পাৰি। যদি এই পৰীক্ষাত শিশুটিয়ে কাণেৰে শুনেন সেই কথা ধৰিব নোৱাৰি তেন্তে ৭ৰ পৰা ১০ দিনৰ পিছত BERA পৰীক্ষা কৰিব লাগে। এই দুটা পৰীক্ষাতেই শিশুটিৰ শ্ৰৱনজনিত সমস্যা ধৰা পৰিলে শিশুটিৰ বয়স ৩ বছৰ হোৱাৰ পূৰ্বেই চিকিৎসকৰ পৰামৰ্শ লোৱাটো অত্যন্ত জৰুৰী। আমাৰ দেশত শিশু এটাৰ জন্মৰ পিছত OAE পৰীক্ষা এতিয়াও বাধ্যতামূলক নহয়। গতিকে বেছিভাগেই এই সমস্যা জন্মৰ লগে লগেই ধৰিব নোৱাৰে। যদি শিশু এটাই কাণেৰে নুশুনে তেতিয়া সি কথাও ক’ব নোৱাৰে। তিনি বা চাৰি বছৰ বয়সৰ পাছতো যেতিয়া শিশুটোৱে কথা ক’ব নোৱাৰে তেন্তে শ্ৰৱণ সমস্যা হোৱাটো প্ৰায় নিশ্চিত।
গৰ্ভধাৰণৰ পৰা বা জন্মৰ পৰা শুনা শব্দবোৰে শিশুৰ মগজুত পৃথক শ্ৰৱণ কেন্দ্ৰৰ সৃষ্টি কৰে। শ্ৰৱণ শক্তিৰ সৈতে মুৰৰো বিকাশ হয়। এনেকৈয়ে শিশুৱে লাহে লাহে ‘দেউতা’, ‘মা’ আদি শব্দবোৰ ক’বলৈ লয়। যেতিয়া শিশুটোৱে কাণেৰে নুশুনে আৰু তাৰ চিকিৎসাও চাৰি বা পাঁচ বছৰ বয়সতহে আৰম্ভ হয় তেতিয়া শিশুটোৰ সহজে শ্ৰৱণ শক্তি ঘূৰাই অনা সম্ভৱপৰ নহয়গৈ।
শিশু এটাৰ কি কি কাৰণত শ্ৰৱণ সমস্যা হ’ব পাৰে?
৫০ শতাংশ শিশুৰ ক্ষেত্রতেই এইয়া জন্মগত জিনীয় সমস্যা।গর্ভাৱস্থাত মাতৃগৰাকী ৰুবেলা ভাইৰাছ, অট’টক্সিক ড্রাগছ খালে, এণ্টি মেলেৰিয়াৰ ঔষধ খালে, হাই প্রেছাৰৰ ঔষধ নিয়মীত সেৱন কৰিলে শিশু এটাৰ কাণৰ সমস্যাই দেখা দিব পাৰে। জন্মৰ সময়ত শিশু এটাৰ ওজন ডেৰ কিঃগ্ৰাঃ ৰ তলত হ’লেও কাণৰ সমস্যাই দেখা দিব পাৰে। জন্মৰ কিছুসময়ৰ পিছতেই শিশুটিৰ ব্ৰেইনত যদি অক্সিজেনৰ পৰিমান কমি যায় তেন্তে কাণৰ সমস্যা হ’ব পাৰে।সদ্যোজাত কোনো শিশুৰ ডাউন চিন্ড্ৰম বা অন্য কোনো জন্মগত ত্ৰুতি থাকিলে শ্ৰৱণ সমস্যা হ’ব পাৰে। এনে শিশুৰ জন্মৰ পিছতেই OAE বা BERAটেষ্ট কৰাটো জৰুৰী। পৰিয়ালৰ কোনো ব্যক্তিৰ এই সমস্যা থাকিলেও শিশু এটিৰ ক্ষেত্ৰত এই সমস্যা আহিব পাৰে।
শিশু এটিৰ শ্ৰৱণ সমস্যা আছে বুলি কেনেকৈ গম পোৱা যায়?
শিশু এটা শুই থকাৰ সময়ত ঘৰৰ ভিতৰত প্ৰচণ্ড জোৰে শব্দ হ’লেও শিশুটোৰ টোপনি নাভাঙে বা শিশুটোৱে কন্দা-কটা নকৰে নতুবা পিছফালৰ পৰা শিশুটিক মাতিলেও যদি কোনো অভিব্যক্তি ব্যক্ত নকৰে তেন্তে শিশুটিৰ শ্ৰৱণজনিত সমস্যা থকাটো ধুৰূপ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
