অসম লাইভ২৪ঃ গৌতম আদানীৰ পাছত হিণ্ডেনবাৰ্গে উদঙাই দিছে আন এক বৃহৎ সংস্থাৰ দুৰ্নীতি। আমেৰিকাৰ ইকান এণ্টাৰপ্ৰাইজৰ বিনিয়োগ আৰু লেনদেনত বিশেষভাৱে নজৰ ৰাখিছে হিণ্ডেনবাৰ্গে। ইকানৰ বিৰুদ্ধে কৰ চুৰি কৰাৰ অভিযোগ আনিছে হিণ্ডেনবাৰ্গে। মঙলবাৰে হিণ্ডেনবাৰ্গৰ তৰফৰ পৰা প্ৰকাশ হোৱা প্ৰতিবেদনত কৰ চুৰিৰ কথা উল্লেখ আছে। অৰ্থাৎ হিণ্ডেণবাৰ্গৰ পৰৱৰ্তী টাৰ্গেট এতিয়া ইকান। ইকান এণ্টাৰপ্ৰাইজৰ প্ৰতিষ্ঠাতা হৈছে কাৰ্ল ইকান। তেওঁ ফ্লৰিডাৰ বাসিন্দা।
আমেৰিকাৰ ধনী উদ্যোগপতিসকলৰ ভিতৰত অন্যতম এজন হৈছে কাৰ্ল ইকান। একাধিক কোম্পানীত তেওঁৰ বিনিয়োগ আছে। হিণ্ডেনবাৰ্গক অভিযোগ অনুসৰি, ইকানৰ সংস্থাৰ মুঠ সম্পত্তিৰ পৰিমান ৭৫ শতাংশলৈ বৃদ্ধি পাইছে। শ্বেয়াৰ বজাৰচো নিজৰ দৰ বৃদ্ধি কৰিছে। কৰ চুৰি কৰিয়েই ধনী হৈছে ইকান বুলি প্ৰকাশ পাইছে হিণ্ডেনবাৰ্গৰ ৰিপৰ্টত। ইকান এণ্টাৰপ্ৰাইজৰ বিনিয়োগ সংক্ৰান্তীয় তথ্য আৰু নথিত প্ৰকাশ পোৱামতে হিণ্ডেনবাৰ্গৰ হাতত তেওঁলোকৰ বিৰুদ্ধে উপযুক্ত প্ৰমাণ আছে। ইয়াৰোপৰি এয়া সাম্প্ৰতিক সময়ৰ সকলোতকৈ ডাঙৰ দুৰ্নীতিৰ ভিতৰত এটা বুলিও প্ৰকাশ কৰিছে হিণ্ডেনবাৰ্গে।
ফ্লৰিডাৰ ছানি ইছলেছ বীচত ইকান এণ্টাৰপ্ৰাইজৰ প্ৰধান সদৰ। আমেৰিকাৰ অন্যতম সফল বিনিয়োগকাৰী সংস্থাসমূহৰ ভিতৰত এটা হৈছে ইকান। সংস্থাটোৰ প্ৰতিষ্ঠাপক কাৰ্ল ইকান আমেৰিকাত এতিয়া যথেষ্ট জনপ্ৰিয়। হিণ্ডেনবাৰ্গে তেওঁৰ বিৰুদ্ধে এই ৰিপোৰ্ট প্ৰকাশ কৰিছিল মঙলবাৰে। তাৰপাছতেই শ্বেয়াৰ বজাৰত প্ৰভাৱ পৰা আৰম্ভ হৈছে ইকানৰ। সূত্ৰৰ খবৰ অনুসৰি এদিনতেই ইকানৰ শ্বেয়াৰৰ দাম ১০ শতাংশলৈ হ্ৰাস পাইছে।
উল্লেখ্য যে বহুতেই আদানীৰ দৰেই ইকানৰো শ্বেয়াৰ নামি আহিব বুলি সন্দেহ কৰিছে। হিণ্ডেনবাৰ্গৰ ৰিপোৰ্টৰ প্ৰসংগত এতিয়ালৈকে ইকানে কোনো তথ্য প্ৰকাশ কৰা নাই। বিগত মাৰ্চ মাহৰ পৰাই আমেৰিকান ধনকুবেৰৰ কাৰ্যত নজৰ ৰাখিছিল হিণ্ডেনবাৰ্গে। টুইটাৰৰ অন্যতম প্ৰতিষ্ঠাতা তথা প্ৰাক্তন চিইঅ জেক ডৰছিৰ সংস্থা ‘ব্লক’তো হিণ্ডেনবাৰ্গৰ হাঁতোৰা পৰিছিল। এদিনতেই ব্লকৰ শ্বেয়াৰ ৪ হাজাৰ ৩০০ কোটিলৈ নামি আহিছিল। ব্লকৰ পূৰ্বে ভাৰতীয় ধনকুবেৰ আদানীৰ সংস্থাত হিণ্ডেনবাৰ্গৰ চকু পৰিছিল। হিণ্ডেনবাৰ্গৰ ৰিপোৰ্টৰ পাছতেই বহু লাখ কোটি টকা হানি হৈছিল আদানীৰ। বিশ্বৰ ধনী ব্যক্তিৰ পৰা নাম কাট খাইছিল আদানীৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ