ডিজিটেল ডেস্কঃ কা আন্দোলনক লৈ জুবিন গাৰ্গ আৰু ড০ সমুজ্জ্বল ভট্টাচাৰ্যৰ ভূমিকাক লৈ এইবাৰ মুকলিকৈ তীব্ৰ কটাক্ষ কৰিলে বিশিষ্ট বুদ্ধিজীৱি ড০ হীৰেন গোহাঁয়ে। পোনপতীয়াকৈ দুয়োগৰাকীকে কটাক্ষ কৰি হীৰেন গোহাঁয়ে কয় যে, বিজেপিত থাকি জুবিন গাৰ্গ আৰু সমুজ্জ্বল ভট্টাচাৰ্যই কা বিৰোধিতা কৰি লাভ নাই।
ইফালে জুবিনে কা আন্দোলনক লৈ প্ৰদান কৰা মন্তব্যৰ বিৰোধিতা কৰি তেওঁ কয় যে, কা আন্দোলন কেৱল জুবিন গাৰ্গে কৰা নাছিল। তেওঁলোকে কোৱা কা আমি নামানো শব্দৰ অৰ্থ কি বুলিও প্ৰশ্ন কৰে ড০ গোহাঁয়ে। জুবিন আৰু সমুজ্জ্বল ভট্টাচাৰ্যৰ ভূমিকা দুভাগ্যজনক বুলি অভিহিত কৰি তেওঁ লগতে কয় যে, সমুজ্জ্বল ভট্টাচাৰ্যই অগপ, বিজেপিৰ লগত থাকি কা আমি নামানো বুলি কৈ লাভ নাই।
উল্লেখ কৰা প্ৰয়োজন যে, সংবাদমেল সম্বোধন কৰি বিশিষ্ট বুদ্ধিজীৱি গৰাকীয়ে ৰাজনীতি সদায় দুষ্ট মানুহৰ কাৰবাৰ বুলিও আক্ষেপ প্ৰকাশ কৰে। এতিয়া হীৰেন গোহাঁইৰ এই মন্তব্যক লৈ জুবিন গাৰ্গ আৰু সমুজ্জ্বল ভট্টাচাৰ্যই কি প্ৰত্যুত্তৰ দিয়ে সেয়া লক্ষ্যণীয় হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
