প্ৰধানমন্ত্ৰীৰ কনভয়ক লৈ নতুন সিদ্ধান্ত লোৱাৰ পাছত এইবাৰ আলোচনালৈ আহিছে তেওঁৰ নিৰাপত্তাত থকাক বাহনৰ সংখ্যাক লৈ৷ সম্প্ৰতি পেট্ৰল ডিজেলৰ ব্যৱহাৰ কমোৱাত আহ্বান জনাইছে প্ৰধানমন্ত্ৰী নৰেন্দ্ৰ মোদীয়ে৷ সেয়ে তেওঁ নিজৰ কনভয়ৰ বাহনৰ সংখ্যাও অৰ্ধেক কৰাৰ নিৰ্দেশ দিয়া বুলি জনা গৈছে৷ ইয়াৰোপৰি কনভয়ত বৈদ্যুতিক যানবাহন অন্তৰ্ভুক্ত কৰাৰ কথাও কোৱা হৈছে৷
এই সিদ্ধান্তৰ পাছতেই স্বাভাৱিকভাৱেই প্ৰশ্ন উঠিছে প্ৰধানমন্ত্ৰীৰ কনভয়ত ঠিক কিমানখন বাহন থাকে আৰু নিৰাপত্তাক লৈ কেনেকৈ কাম কৰে?
কনভয়ৰ বাহনৰ সংখ্যা কিমান?
প্ৰধানমন্ত্ৰীৰ কনভয়ত বাহনৰ নিৰ্দিষ্ট কোনো স্থায়ী সংখ্যা নাই৷ স্থান, নিৰাপত্তা আৰু পৰিস্থিতিৰ ওপৰত ভিত্তি কৰি কনভয়ৰ গঠন পৰিবৰ্তিত হয়৷ কেতিয়াবা যদি কম হয় কেতিয়াবা আকৌ ৰোড শ্ব’ বা ভ্ৰমণৰ ক্ষেত্ৰত কনভয়ৰ সংখ্যা ডাঙৰো হ’ব পাৰে৷ সাধাৰণভাৱে দেখা যায়, কনভয়ত প্ৰায় ১৩ৰ পৰা ১৭খন বাহন থাকে৷ পৰিস্থিতি অনুসৰি এই সংখ্যা কম বেছি হ’ব পাৰে৷
নিৰাপত্তা আৰু বাহনৰ ধৰণ
কনভয়ত একাধিক স্তৰৰ নিৰাপত্তা ব্যৱস্থা থাকে৷ য’ত ৰাজ্যৰ আৰক্ষী আৰু এছ পিজিয়ে যৌথভাৱে কাম কৰে৷ ইয়াত থাকে বুলেটপ্ৰুফ এছ ইউ ভি, যেনে ৰেঞ্জ ৰোভাৰ, য’ত প্ৰধানমন্ত্ৰীয়ে যাতায়াত কৰে৷ ইয়াৰোপৰি জেমাৰ যুক্ত নিৰাপত্তা বাহন, যোগাযোগ যান, এম্বুলেন্স আৰু সহায়ক ভেনো থাকে৷
কনভয়ৰ কাঠামো কেনেকৈ সজোৱা হয়?
কনভয়ৰ আৰম্ভণিতে থাকে পাইলট বাহন, যি সাধাৰণতে পুলিছ অফিচাৰসকলে চলায়৷ ইয়াৰপাছতেই থাকে নিৰাপত্তা বাহিনীৰ বাহন আৰু ৰুট ক্লিয়াৰেন্স যান৷ যিয়ে ৰাস্তা পৰ্যবেক্ষণ কৰে৷
মাজৰ অংশত থাকে প্ৰধানমন্ত্ৰীৰ বিশেষ বাহন আৰু এছপিজি কমাণ্ডোৰ নিৰাপত্তা বলয়৷ ইয়াৰ পাছতেই থাকে অতিৰিক্ত নিৰাপত্তা যানবাহন৷ যিয়ে সম্পূৰ্ণ কনভয়ক অনুসৰণ কৰে৷ সৰ্বশেষত থাকে ট্ৰেফিক আৰু সমন্বয় ৰক্ষাকাৰী বাহন৷ যিয়ে সম্পূৰ্ণ ৰুটৰ নিৰাপত্তা নিশ্চিত কৰে৷
কনভয়ৰ বৈশিষ্ট্য
সম্পূৰ্ণ কনভয় সাধাৰণতে ক’লা ৰঙৰ নিৰাপত্তা যানবাহন দি গঠিত হয় আৰু প্ৰতিখন বাহনে নিৰ্দিষ্ট নিৰাপত্তা প্ৰটকল মানি চলে৷ এই ব্যৱস্থা অত্যন্ত সুসংগঠিত আৰু বহুস্তৰীয় নিৰাপত্তা নিশ্চিত কৰাৰ বাবে তৈয়াৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
