কেন্দ্ৰীয় চৰকাৰৰ কৰ্মচাৰীসকলৰ বাবে আহিছে সুখবৰ৷ অষ্টম দৰমহা কমিছন কাৰ্যকৰ হোৱাৰ পূৰ্বে অন্তত দুবাৰকৈ মহাৰ্ঘ ভাট্টা বা ডি এ পাব কৰ্মচাৰীসকলে৷ জানুৱাৰীতে প্ৰথমটো ঘোষণা হোৱাৰ সম্ভাৱনা আছে৷ সাধাৰণতে সমগ্ৰ ভাৰত শিল্প শ্ৰমিকৰ বাবে ভোক্তা মূল্য সূচকৰ ওপৰত ভিত্তি কৰি এই ডি এ ঘোষণা কৰিছে চৰকাৰে৷
বিগত বছৰ অৰ্থাৎ ২০২৫ চনৰ জুলাই মাহত মহাৰ্ঘ ভাট্টাৰ অংক ৫৫ৰ পৰা ৫৮শতাংশ কৰে কেন্দ্রই৷ নতুন বছৰত বৰ্তমান পৰ্যন্ত ২০২৫ চনৰ ডিচেম্বৰৰ মুদ্ৰাস্ফীতিৰ পৰিমাণ ঘোষণা কৰা নাই চৰকাৰে৷ সেই পৰিসংখ্যা প্ৰকাশ পালে ডি এ কিমান বাঢ়িব পাৰে তাৰ আন্দাজ কৰিছে অৰ্থনীতিবিদসকলে৷ ৫০.১৪ লাখ কেন্দ্ৰীয় চৰকাৰৰ কৰ্মচাৰী আৰু ৬৯ লাখ পেঞ্চনভোগীৰ কিমান বাঢ়িব পাৰে দৰমহা?
মহাৰ্ঘ ভাট্টাৰ সৈতে পৰিবহন ভাট্টাও সংযোগ হৈ আছে৷ কাৰণ কৰ্মচাৰীসকলৰ ডি এৰ সৈতে টি এ কো সংযুক্ত কৰে চৰকাৰে৷ অন্যহাতে মহাৰ্ঘ ভাট্টা বাঢ়িলেও ঘৰ ভাট্টা আৰু এইচ আৰ এৰ বা হাউছ ৰেণ্ট এলাউন্সৰ দৰে অন্যান্য ভাট্টাসমূহৰ কোনো পৰিবৰ্তন নহয়৷ কেৱলমাত্ৰ মূল দৰমহা ঠিক কৰাৰ সময়তেই এইসমূহ নিৰ্ধাৰণ কৰা থাকে৷
কেন্দ্ৰীয় চৰকাৰৰ কৰ্মচাৰীসকলৰ মহাৰ্ঘ ভাট্টা বা ডি এ হিচাপ কৰাৰ এক সুনিৰ্দিষ্ট পদ্ধতি আছে৷ প্ৰতিমাহে সমগ্ৰ ভাৰতত শিল্প শ্ৰমিকৰসকলৰ বাবে ভোক্তামূল্য সূচক প্ৰকাশ কৰে শ্ৰম মন্ত্ৰণালে৷ ইয়াৰ ওপৰত ভিত্তি কৰিয়ে ডি এ নিৰ্ধাৰণ কৰে অৰ্থ মন্ত্ৰণালয়ে৷ ২০২৫ চনৰ নৱেম্বৰত এ আই চি পি আই- আই ডব্লিউ আছিল ১৪৮.২৷ বিশেষজ্ঞৰ দাবী ডিচেম্বৰত এই অংক অপৰিবৰ্তিত থাকিলে কেন্দ্ৰীয় কৰ্মচাৰীসকলৰ পাঁচ শতাংশ পৰ্যন্ত বাঢ়িব পাৰে ডি এ৷ সেই ক্ষেত্ৰত ইয়াৰ পৰিমাণ ৫৮শতাংশৰ পৰা বাঢ়ি ৬৩শতাংশ হ’ব৷
বৰ্তমান সপ্তম দৰমহা কমিছন মানি দৰমহা লাভ কৰি আছে কেন্দ্ৰীয় চৰকাৰৰ কৰ্মচাৰীসকলে৷ তাতেই ৰাজ্যভেদে পৃথক পৃথক হয় পৰিবহন ভাট্টা আৰু টি এ নিৰ্ধাৰণ৷ দেশৰ চহৰসমূহক আকৌ এক ৱাই আৰু জেড এই তিনিটা শ্ৰেণীত ভাগ কৰিছে চৰকাৰে৷ ইয়াৰ মাজত এক্স চহৰৰ কৰ্মীসকলক সৰ্বোচ্চ পৰিবহন ভাট্টা দিছে অৰ্থমন্ত্ৰণালয়ে৷ এই টি এ প্ৰতি মাহে এক নিৰ্দিষ্ট পৰিমাণে লাভ কৰে কৰ্মীসকলে৷ যাৰ ওপৰত আৰু ডি এ বা মহাৰ্ঘ ভাট্টা নিৰ্ধাৰিত হয়৷
সপ্তম দৰমহা কমিছন কাৰ্যকৰ কৰাৰ সময়ত সৰ্বনিম্ন পৰিবহন ভাট্টা আছিল ১৮০০ টকা৷ পাছত সেয়া সংশোধন কৰি ২৮৪৪ টকা কৰা হয়৷ সপ্তম দৰমহা কমিছনৰ নিয়ম অনুসৰি ডি এৰ অংক বাঢ়ি ৬৩ শতাংশ হলে কৰ্মচাৰীসকলৰ সৰ্বনিম্ন টি এ হ’ব ২৯৩৪ টকা৷ এই বছৰৰ ফেব্ৰুৱাৰীৰ প্ৰথম সপ্তাহত এ আই চি পি আই-আই ডব্লিউ ঘোষণা কৰিব পাৰে কেন্দ্ৰীয় শ্ৰম মন্ত্ৰণালয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
