অসম লাইভ ২৪ঃ সলনি কৰা হ’ল উচ্চতৰ মাধ্যমিকৰ চূড়ান্ত পৰীক্ষাৰ সূচী। কাৰিকৰী অসুবিধাৰ বাবে সলনি কৰা হ’ল উচ্চতৰ মাধ্যমিকৰ চূড়ান্ত পৰীক্ষাৰ ‘MIL’ আৰু ‘Alternative English’ৰ সূচী। দুয়োটা বিষয়ৰ পৰীক্ষা ১৯ মে’(বুধবাৰ)ৰ পৰিৱৰ্তে অনুষ্ঠিত হ’ব ৫ জুন(আগবেলা) তাৰিখে। এক জাননীযোগে এই কথা প্ৰকাশ কৰে অসম উচ্চতৰ মাধ্যমিক শিক্ষা সংসদে। লগতে উচ্চতৰ মাধ্যমিকৰ প্ৰথম বৰ্ষৰ ‘Computer Science & Application’ আৰু ‘Music Group C’ ৰ পৰীক্ষাৰো সূচী সলনি কৰিছে শিক্ষা সংসদে। পূৰ্বৰ ১৯ মে’(বুধবাৰ)ৰ পৰিৱৰ্তে পৰীক্ষা অনুষ্ঠিত হ’ব ১৭ মে’(সোমবাৰ) তাৰিখে পাছবেলা। অৰ্থাৎ পূৰ্বৰ তাৰিখতকৈ দুদিন পূৰ্বে অনুষ্ঠিত হ’ব পৰীক্ষা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
