বিধ্বংসকাৰী হেলেন ! বৰ্তমানলৈকে প্ৰাণ হেৰুৱালে ১৫০ৰো অধিক লোকে
আমেৰিকা বিধ্বংসকাৰী হেলেন ঘূৰ্ণীবতাহৰ তাণ্ডৱ। হেলেনৰ ফলত আমেৰিকাত বৰ্তমানলৈ ১৫০ জনতকৈ অধিক লোকৰ মৃত্যু হৈছে। প্ৰায় ৪০ লাখ লোক গৃহহীন হৈ পৰিছে।
ইফালে মেক্সিকোত ঘূৰ্ণীবতাহ জন বিধ্বংসী ৰূপ ধাৰণ কৰিছে। দক্ষিণ-পশ্চিম মেক্সিকোত হাজাৰ হাজাৰ লোকে প্ৰাণৰ মমতাত ঘৰ এৰি পলায়ন কৰিবলগীয়া হৈছে। আমেৰিকাত এই ধুমুহাৰ গতি আনকি ফ্ল’ৰিডাৰ উপকূলত প্ৰতি ঘণ্টাত ২২৫ কিলোমিটাৰ পৰ্যন্ত হৈছে।
ক’লৰাডো ষ্টেট ইউনিভাৰ্চিটিৰ হাৰিকেন গৱেষক ফিল ক্লটজবাকৰ মতে, পশ্চিম কেৰিবিয়ান সাগৰৰ ওপৰত কম চাপৰ বহল অঞ্চল চেণ্ট্ৰেল আমেৰিকান গাইৰৰ পৰা হেলেন গঠন হয় আৰু প্ৰতি বছৰে এই সময়ৰ আশে-পাশে হাৰিকেনৰ জন্ম দিয়ে।
এইবাৰ এই হেলেন ধুমুহাই ২০১৭ চনত মাৰিয়া হাৰিকেনৰ পিছত আমেৰিকাক প্ৰভাৱিত কৰা আটাইতকৈ মাৰাত্মক তথা বিধ্বংসকাৰী ধুমুহাত পৰিণত হৈছে। ২০০৫ চনত কেটৰিনা হাৰিকেনৰ পিছত আমেৰিকাত এইটোৱেই আছিল আটাইতকৈ মাৰাত্মক হাৰিকেন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
