১ জুলাইৰ পৰা কেইবাটাও উল্লেখযোগ্য বিত্তীয় পৰিৱৰ্তন কাৰ্যকৰী হ’ব। এইবোৰৰ প্ৰভাৱ পৰিব কৰদাতা, বেংকৰ গ্ৰাহক, ক্ৰেডিট কাৰ্ড ব্যৱহাৰকাৰী, পাছপ’ৰ্ট আবেদনকাৰী, আৰু আধাৰ কাৰ্ডধাৰী। জুলাই মাহৰ পৰা কাৰ্যকৰী হ’বলগীয়া ছটা ডাঙৰ পৰিৱৰ্তনৰ বিষয়ে অন্বেষণ জানো আহক।
ITR-1 আৰু ITR-2 দাখিল কৰাৰ শেষ তাৰিখ
২০২৫-২৬ বিত্তীয় বৰ্ষৰ (মূল্যায়ন বৰ্ষ ২০২৬-২৭) আইটিআৰ-১ আৰু আইটিআৰ-২ দাখিলৰ অন্তিম তাৰিখ ৩১ জুলাই, ২০২৬।সময়ৰ ভিতৰত ৰিটাৰ্ণ দাখিল নকৰিলে জৰিমনা বিহা হ’ব পাৰে। ইয়াৰ উপৰিও কিছুমান কৰ ব্যৱস্থা বাছনি কৰাত অসুবিধা হ’ব পাৰে, আৰু কিছুমান লোকচান পৰৱৰ্তী বছৰবোৰলৈ আগবঢ়াই নিয়াৰ ক্ষমতাও বন্ধ কৰা হ’ব পাৰে।
আধাৰত ইমেইল আপডেট এতিয়া বিনামূলীয়া
১ জুলাইৰ পৰা কাৰ্যকৰী হোৱাকৈ ভাৰতীয় একক পৰিচয় কৰ্তৃপক্ষই আপোনাৰ আধাৰ কাৰ্ডৰ সৈতে পঞ্জীয়ন কৰা ইমেইল আইডি আপডেট কৰাৰ বাবে ৭৫ টকা মাচুল সাময়িকভাৱে ৰেহাই দিছে। এই সুবিধা ১ জুলাইৰ পৰা ৩১ ডিচেম্বৰ, ২০২৬লৈ সম্পূৰ্ণ বিনামূলীয়া হ’ব। ইউআইডিএআইৰ মতে অহা ছমাহৰ বাবে আধাৰ মোবাইল এপৰ জৰিয়তে আপোনাৰ ইমেইল ঠিকনা আপডেট কৰাৰ বাবে কোনো মাচুল নাথাকিব।
SBI ক্ৰেডিট কাৰ্ডৰ নিয়ম
SBI কাৰ্ডে PhonePe SBI Credit Card PURPLE আৰু PhonePe SBI Credit Card SELECT BLACK ৰ বাবে পুৰস্কাৰ পইণ্টৰ সৈতে জড়িত নিয়ম সলনি কৰিছে। ১ জুলাইৰ পৰা কাৰ্যকৰী হোৱাকৈ এই কাৰ্ডসমূহত পুৰস্কাৰ পইণ্ট লাভ কৰাৰ ক্ষেত্ৰত সীমা থাকিব, আৰু কিছুমান অতিৰিক্ত লেনদেনে আৰু পুৰস্কাৰ পইণ্ট লাভ নকৰে।
HDFC ক্ৰেডিট কাৰ্ডত বিমানবন্দৰৰ লাউঞ্জত প্ৰৱেশৰ নতুন নিয়ম
১ জুলাইৰ পৰা কিছুমান এইচডিএফচি বেংকৰ ক্ৰেডিট কাৰ্ডধাৰীয়ে প্ৰতিটো কেলেণ্ডাৰ ত্ৰৈমাসিকত তিনিটাকৈ বিনামূলীয়া ঘৰুৱা বিমানবন্দৰ লাউঞ্জ ভ্ৰমণ লাভ কৰিব যদিহে তেওঁলোকে পূৰ্বৰ ত্ৰৈমাসিকত কমেও ৬০,০০০ টকা খৰচ কৰিছে। এই নিয়ম ত্ৰিমাসিকভাৱে প্ৰযোজ্য হ’ব।
পাছপ’ৰ্ট লোৱাটো ব্যয়বহুল
১ জুলাইৰ পৰা সাধাৰণ আৰু জৰুৰী দুয়োটা পাছপ’ৰ্টৰ মাচুল বৃদ্ধি পাব।বিদেশ মন্ত্ৰালয়ে ভাৰত আৰু বিদেশ উভয়তে পাছপ’ৰ্ট সেৱাৰ নতুন মাচুল কাৰ্যকৰী কৰাৰ সিদ্ধান্ত লৈছে।
বেংকৰ ভুল বিক্ৰীৰ নিয়ম
ভাৰতীয় ৰিজাৰ্ভ বেংকে অহা ১ জুলাইৰ পৰা বেংকে গ্ৰাহকক বিত্তীয় সামগ্ৰী ভুলকৈ বিক্ৰী কৰাৰ ক্ষেত্ৰত নতুন নিয়ম কাৰ্যকৰী কৰিব। নতুন নিয়মৰ অধীনত যদি কোনো গ্ৰাহকক ভুৱা তথ্য ব্যৱহাৰ কৰি কোনো সামগ্ৰী বিক্ৰী কৰা হয় তেন্তে তেওঁলোকে সম্পূৰ্ণ ধন ঘূৰাই পাব আৰু যিকোনো লোকচানৰ ক্ষতিপূৰণ লাভ কৰিব। ইয়াৰ ফলত বেংকৰ গ্ৰাহকৰ অধিকাৰ শক্তিশালী হ’ব।
(এই প্ৰতিবেদন যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
