অসম লাইভ ২৪ঃ ভাৰালৈ দিব পাক প্ৰধানমন্ত্ৰীৰ চৰকাৰী আৱাসগৃহ। সাধাৰণ জনতাই ভাৰাত ল’ব পাৰিব প্ৰধানমন্ত্ৰীৰ আৱাসগৃহ ‘বনী গালা’। ইয়াৰ উপৰি সাংস্কৃতিক, শিক্ষামূলক অনুষ্ঠান, ফেশ্বন অনুষ্ঠান আদিৰ বাবেও ভাৰালৈ ল’ব পাৰিব ‘বনী গালা’। বিত্তীয় মন্দাৱস্থাৰ পৰিপ্ৰেক্ষিতত এই সিদ্ধান্ত গ্ৰহণ কৰে পাকিস্তানৰ প্ৰধানমন্ত্ৰী ইমৰাণ খানে। অন্য দেশৰ পৰা প্ৰতিমুহূৰ্তত সহায় ভিক্ষা কৰা পাকিস্তানে আত্মনিৰ্ভৰ হ’বৰ বাবেই এই সিদ্ধান্ত গ্ৰহণ কৰিছে বুলি উল্লেখ প্ৰধানমন্ত্ৰীগৰাকীৰ। কেৱল প্ৰধানমন্ত্ৰীৰ আৱাসগৃহই নহয়, ৰাজ্যপালৰ চৰকাৰী আৱাসগৃহও ভাৰালৈ ল’ব পাৰিব পাকিস্তানী জনতাই। চাৰে সাত একৰ ভূমিত নিৰ্মিত বিলাসী ‘বনী গালা’ত আছে ব’টানিকেল গাৰ্ডেন, ছুইমিং পুল, টেনিছ ক’ৰ্টৰ লগতে মনোৰঞ্জনৰ সকলোবোৰ সা-সুবিধা। উল্লেখ্য, বিত্তীয় মন্দাৱস্থাৰ বাবে পূৰ্বেও ইমৰাণ খানে ২০১৮ চনত ৮ টা ম’হ বিক্ৰী কৰি ২৩ লাখ টকা সংগ্ৰহ কৰাৰ লগতে ১০২খন বাহন নিলাম কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
