ইমতিয়াজ আলী কেৱল পৰিচালকেই নহয়, চেলুলয়ডৰ এজন দাৰ্শনিক আৰু কবি। তেওঁৰ ‘ৰকষ্টাৰ’হওক বা ‘তামাছা’ৰ হওক – পৰ্দাত তেওঁৰ নাৰী চৰিত্ৰবোৰ সদায় অবিশ্বাস্যভাৱে ফুটাই তোলে। কিন্তু এইবাৰ কোনো ছবিৰ চিত্ৰনাট্যৰ ওপৰত নহয়, বাস্তৱ জীৱনত ‘বোৰ্খা’ বা ওৰণি পৰম্পৰাৰ ওপৰত বিস্ফোৰক মন্তব্য কৰি তীব্ৰ বিতৰ্কৰ মাজলৈ আহিছে এইগৰাকী পৰিচালক। ইমতিয়াজৰ স্পষ্ট কথা – বোৰ্খা পিন্ধি আৰাম দাবী কৰাসকল আচলতে দমনীয় মানসিকতাৰ বলি।
শেহতীয়াকৈ বিভাজনৰ পটভূমিত নিৰ্মিত ইমতিয়াজ আলীৰ নতুন ছবি ‘মেইন ৱাপছ আউংগা’ মুক্তিৰ পিছৰে পৰা বাতৰিৰ শিৰোনাম দখল কৰি আহিছে। ইতিমধ্যে নেটিজেনৰ এটা অংশই ছবিখনক ‘ৰাষ্ট্ৰবিৰোধী’ বুলি অভিহিত কৰি পৰিচালকক লক্ষ্য কৰি লৈছে। অৱশ্যে ট্ৰলিঙক আওকাণ কৰি ইমটিয়াজে নিজৰ স্থিতিত অটল হৈ আছে। এই পৰিবেশত তেওঁ এটা অনুষ্ঠানত অংশ লৈ মুছলমান সমাজত পৰ্দা পিন্ধা প্ৰথাক লৈ ক্ষোভ প্ৰকাশ কৰে।
বাৰে বাৰে নিজৰ ধৰ্মক লৈ প্ৰশ্নৰ সন্মুখীন হোৱা এই মুছলমান পৰিচালকজনে বোৰ্খা সন্দৰ্ভত কয়, “যেতিয়া এগৰাকী মহিলাই কয়, ‘মই মোৰ বোৰ্খাত আৰামত আছো, মই মোৰ ওৰণিত আৰাম পাইছোঁ,’ তেতিয়া মই সেই কথা শুনি একেবাৰেই ভাল নাপাওঁ। এইটো মূলতঃ এটা অৱক্ষয়ী সমাজৰ চিন। যদি কোনো মহিলাই সঁচাকৈয়ে তেনেকুৱা অনুভৱ কৰে, তেন্তে মই ক’ম যে তেওঁ আচলতে চৰম মানসিক নিৰ্যাতনৰ বলি, যিটো তেওঁ নিজেই বুজি পোৱা নাই।”
পৰিচালকগৰাকীৰ এই মন্তব্যই মঞ্চত বিতৰ্কৰ সৃষ্টি কৰে। উদ্যোক্তাসকলে প্ৰতিহত কৰি কয় যে প্ৰতিটো সম্প্ৰদায়ৰ নিয়ম আৰু সংস্কৃতি বেলেগ বেলেগ, গতিকে কোনেও নিজৰ ইচ্ছামতে সাজ-পোছাক পৰিধান কৰাৰ স্বাধীনতাত বাধা দিব নোৱাৰে।
ইয়াৰ উত্তৰত ইমতিয়াজ আলীয়ে যুক্তি দিছিল, “মই কাকো জোৰকৈ ৰখাৰ কথা কোৱা নাই। মই কাৰো ঘৰলৈ গৈ নিষেধাজ্ঞা আৰোপ কৰা নাই। অৱশ্যে সামাজিক সত্তা হিচাপে আমি সকলোৱে সহনশীলতা আৰু সংযম থকা উচিত। আজিকালি পৰিস্থিতি এনেকুৱা হৈছে যে সকলোৱে উগ্ৰ হৈ পৰিছে। সুস্থ আলোচনা কৰাটো কঠিন হৈ পৰিছে। মই কাৰো শত্ৰু নহয়, মই কেৱল মোৰ স্পষ্ট চিন্তা প্ৰকাশ কৰিছো।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
