সকলোৱেই বৰ্তমান যুগত নিজৰ সন্তানৰ ভৱিষ্যতকলৈ চিন্তিত৷ পিতৃ-মাতৃয়ে সেইবাবে সঞ্চয়ৰ কথা চিন্তা সৰুকালতেই কৰে৷ শিশুৰ বাবে কেইবাটাও এনে বিনিয়োগ প্ৰকল্প আছে৷ শেহতীয়ালৈ এম পি এছ বাৎসল্য প্ৰকল্পও আৰম্ভ কৰিছে৷ এই প্ৰকল্পই চক্ৰবৃদ্ধি সুদৰ সুবিধা প্ৰদান কৰে৷ সেই কাৰণেই আপোনাৰ সামান্য পৰিমাণো দীৰ্ঘ সময়ৰ অন্তত কোটি কোটি টকালৈ ৰূপান্তৰ হব পাৰে৷
এন পি এছ বাৎসল্য প্ৰকল্পৰ অধীনত ১৮ বছৰতকৈ কম বয়সীয়া শিশুসকলৰ বাবে একাউণ্ট খুলিব পাৰে৷ যদি আপুনি সন্তানৰ জন্মৰ পাছতেই একাউণ্টটো খোলে তেন্তে ১৮ বছৰ বয়স পৰ্যন্ত এই বাৎসল্য যোজনাৰ অধীনত এই একাউণ্টতো এন পি এছ একাউণ্টত পৰিণত হব৷
১১ কোটি টকা কেনেকৈ গোটাব পাৰিব?
এই প্ৰকল্পৰ অধীনত ১১ কোটি টকা জমা কৰিবলৈ হলে আপুনি প্ৰতিবছৰে ১০০০০ টকাকৈ বিনিয়োগ কৰিব লাগিব৷ অৰ্থা প্ৰতিমাহে ৮৩৪ টকা জমা কৰিব লাগিব৷ এই পৰিমাণ ১৮ বছৰ বয়স পৰ্যন্ত বিনিয়োগ কৰিব লাগিব৷ ইয়াৰপাছতেই একাউণ্টটো এটা সাধাৰণ এন পি এছ একাউণ্টলৈ ৰূপান্তৰিত হয় আৰু এই পৰিমাণ ৬০ বছৰ বয়স পৰ্যন্ত বাঢ়ি থাকে৷
১৮ বছৰে ক’ত বিনিয়োগ কৰিব?
আপুনি যদি সন্তানৰ নামত প্ৰতি বছৰে ১০ হাজাৰকৈ জমা কৰে তেন্তে ১৮ বছৰত মুঠ বিনিয়োগ হব ১.৮০ লাখ টকা৷ যদি আপুনি এই বিনিয়োগৰ ওপৰত প্ৰতি বছৰে ১০শতাংশ ৰিটাৰ্ণ পায় তেতিয়া ১৮ বছৰত এই অৰ্থ প্ৰায় ৫ লাখ টকালৈ বৃদ্ধি পাব৷ যদি আমি বিগত ২০ বছৰৰ তথ্য চাও তেন্তে এন পি এছে প্ৰায় ১২.৮০শতাংশ ৰিটাৰ্ণ দিছে৷ ১৮ বছৰ বয়সৰ পৰা ৬০ বছৰ বয়সলৈ ৬০ লাখ টকা জমা হব৷ আপুনি আপোনাৰ এই বিনিয়োগৰ ওপৰত সুদ পাব৷ আৰু কোনো অৰ্থ বিনিয়োগৰ প্ৰয়োজনো নহব৷
৬০ বছৰ বয়সলৈকে কিমান জমা হব?
আপুনি যদি নৱজাতক শিশুৰ নামেৰে এই একাউণ্ট খোলে তেন্তে তাৰ ১৮ বছৰ বয়স পৰ্যন্ত আপুনি বিনিয়োগৰ ওপৰত ১০শতাংশকৈ সুদ পাব৷ অৰ্থাৎ মুঠ জমা আৰু সুদসহিতে জমা হব ৫লাখ টকা৷ আপুনি ৬০ বছৰ বয়স পৰ্যন্ত এই ৫ লাখ জমা ৰাখিলে কোনো বেলেগ বিনিয়োগ নকৰাকৈয়ে আপুনি ৬০ বছৰত ২.৭৫ কোটি টকা জমা কৰিব৷ আপুনি যদি ১২.৮৬শতাংশ ৰিটাৰ্ণ পায় তেন্তে ৫লাখ টকা সন্তানৰ ৬০ বছৰত হ’বগৈ ১১.০৫ কোটি৷
কেনেকৈ শিশুৰ একাউণ্ট খুলিব?
- eNPS ৱেবচাইটলৈ যাওক৷
- NPS বাৎসল্য টেবৰ অধীনত Register Nowত ক্লিক কৰক৷
- অভিভাৱকৰ জন্ম তাৰিখ, পান, মোবাইল নম্বৰ আৰু ইমেইল লিখক৷
- OTP দিয়াৰ পাছতেই নথিভুক্তকৰণ আৰম্ভ হব৷
- শিশুটি আৰু অভিভাৱকৰ বিৱৰণ, প্ৰয়োজনীয় নথি আপলোড কৰক৷
- নূন্যতম ১০০০ টকাৰ প্ৰাথমিক বিনিয়োগ কৰক৷
- eSignintre ব্যৱহাৰ কৰি নথিভুক্ত কৰি আপোনাৰ একাউণ্ট খুলক৷
কেতিয়া এই ধন উঠাব পাৰিব?
তিনি বছৰৰ লক ইন পিৰিয়ডৰ পাছত পিতৃ মাতৃয়ে শিক্ষা, গুৰুতৰ অসুস্থতা বা ৭৫শতাংশতকৈ বেছি অক্ষমতাৰ বাবে ২৫শতাংশ পৰ্যন্ত ধন তুলি লব পাৰে৷ এই ধন সম্পূৰ্ণ ম্যাদৰ ভিতৰত তিনিবাৰ তুলিব পাৰে৷ ১৮ বছৰ বয়সত একাউণ্টটো সাধাৰণ এন পি এছ একাউণ্টত পৰিণত হব৷ এই সময়ত কমপক্ষেও ৮০শতাংশ টকা থৈ বাকী ২০ শতাংশ টকা নগদ উঠাই লব পাৰে৷ যদি মুঠ টকা ২.৫লাখতকৈ কম হয় তেতিয়া সম্পূৰ্ণ টকাই তুলি লব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
