জানেনে, ৩১ বছৰ ধৰি ভাৰতত চলিছিল ১০,০০০ টকীয়া নোট, ৫০০০ৰো আছিল নোট
সময় অতি শক্তিশালী, কেতিয়া সলনি হ’ব কোনেও নাজানে। এই কথাষাৰ ভাৰতৰ মুদ্ৰা ব্যৱস্থাৰ লগতো খাপ খাই পৰে। ভাৰতীয় মুদ্ৰা ব্যৱস্থাত বহু ধৰণৰ নোট আহিছিল আৰু সময়ৰ লগে লগে বিদায় লৈছিল। ২০২৩ চনৰ ১৯ মে’ত বিমুদ্ৰাকৰণৰ পিছত অহা ২০০০ টকীয়া নোটখন বজাৰৰ পৰা আঁতৰোৱাৰ সিদ্ধান্ত লৈছে আৰ বি আইয়ে।
ভাৰতত বিমুদ্ৰাকৰণ প্ৰথম নহয়। বহুবাৰ এনেকুৱা হৈছে। আপুনি জানি আচৰিত হ’ব যে এটা সময় আছিল যেতিয়া ৫,০০০ আৰু ১০,০০০ টকীয়া নোটো ভাৰতৰ বিত্তীয় ব্যৱস্থাৰ এটা অংশ আছিল। ভাৰতত ৪০ বছৰ ধৰি চলিছিল ১০ হাজাৰ টকীয়া নোট। কিন্তু, সময়ৰ লগে লগে এইটোৱেও বিদায় ল’বলগীয়া হ’ল৷
‘বৃহৎ কামৰ বাবে ডাঙৰ নোট’ৰ ধাৰণাৰে ইংৰাজে ১৯৩৮ চনত ১০,০০০ টকীয়া নোট জাৰি কৰিছিল। এইখন ভাৰতীয় ৰিজাৰ্ভ বেংকে নিজেই ছপা কৰিছিল। এই নোটখন কেৱল সেই সময়ৰ নহয়, ভাৰতীয় মুদ্ৰাৰ ইতিহাসৰ সৰ্বোচ্চ মূল্যৰ নোট আছিল।
ইয়াক মূলতঃ বৃহৎ ব্যৱসায়িক লেনদেনৰ বাবে ব্যৱহাৰ কৰা হৈছিল। অৰ্থাৎ স্বাধীনতাৰ আগতে এজন সাধাৰণ মানুহৰ পকেটত হয়তো ৫০ পইচা নাথাকিলেও দহ হাজাৰ টকীয়া নোট ব্যৱসায়ীৰ হাতত দেখা গৈছিল।
৮ বছৰৰ ভিতৰতে ১০ হাজাৰ টকীয়া নোট পৰিত্যাগ কৰে আৰু ১৯৪৬ চনৰ জানুৱাৰী মাহত ব্ৰিটিছ চৰকাৰে এই নোট বন্ধ কৰাৰ সিদ্ধান্ত লয়। ক’লা ধন আৰু জমা বন্ধ কৰাৰ বাবে এই পদক্ষেপ লোৱা হৈছিল।
কিন্তু বন্ধ হোৱাৰ মাত্ৰ আঠ বছৰৰ পাছত অৰ্থাৎ ১৯৫৪ চনত পুনৰ ১০ হাজাৰ টকাৰ নোট ঘূৰি আহে ভাৰতলৈ। স্বাধীন ভাৰতত ১০ হাজাৰ টকীয়া নোটৰ লগতে ৫ হাজাৰ টকীয়া নোটৰ প্ৰচলন আৰম্ভ হৈছিল। কিন্তু, আগৰ দৰে এই দুয়োবিধ ডাঙৰ নোট সাধাৰণ জনতাৰ বাবে বৰ উপকাৰী নাছিল। এই নোটসমূহ সাধাৰণ জনতাৰ মাজত খুব কমেইহে ব্যৱহাৰ কৰা হৈছিল আৰু বেছিভাগেই ক’লা ধনৰ লেনদেনৰ বাবেহে ব্যৱহাৰ কৰিছিল।
১৯৭৮ চনত পুনৰ সময় সলনি হ’ল। ১৯৭৮ চনত ভাৰতৰ প্ৰধানমন্ত্ৰী মোৰাৰজী দেশাই ক’লা ব্যৱসায় বন্ধ কৰাৰ অভিযানত লিপ্ত হয়। তেওঁ উপলব্ধি কৰিলে যে ক’লা ব্যৱসায়ৰ বাবে ৫,০০০ আৰু ১০,০০০ টকীয়া নোট ব্যাপকভাৱে ব্যৱহাৰ কৰা হৈছে।
আৰ বি আইৰ তথ্য অনুসৰি ১৯৭৬ চনত মুঠ নগদ ধনৰ মাত্ৰ ২%হে এই উচ্চ মূল্যৰ নোটত আছিল। ইয়াৰ পিছত ১০ হাজাৰ টকীয়া নোট কেতিয়াও ভাৰতলৈ ঘূৰি নাহে। কিন্তু সামগ্ৰিকভাৱে এই নোটখন ৩২ বছৰ ধৰি ভাৰতীয় অৰ্থনীতিৰ অংশ হৈয়েই থাকিল
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
