এগৰাকী ভাৰতৰ জোঁৱাই আনগৰাকী ভাৰতৰ সন্তান, যি হ’বলৈ গৈ আছে আমেৰিকাৰ উপৰাষ্ট্ৰপতি আৰু চোৰাংচোৱা সংস্থাৰ মুৰব্বী
আমেৰিকাত ৰাষ্ট্ৰপতি নিৰ্বাচন সম্পূৰ্ণ হৈছে। আমেৰিকাৰ ৪৭ সংখ্যক ৰাষ্ট্ৰপতি হ’বলৈ গৈ আছে ড’নাল্ড ট্ৰাম্প । ইয়াৰ লগতে প্ৰশাসনতো পৰিৱৰ্তন হোৱাৰ সম্ভাৱনাই দেখা দিছে। তাৰেই মাজতে বিশেষকৈ বিশ্বৰ দৃষ্টি কেন্দ্ৰীভূত হৈছে আমেৰিকাৰ উপৰাষ্ট্ৰপতি আৰু চোৰাংচোৱা সংস্থা চিআইএ (CIA)ৰ ওপৰত।
বিশেষকৈ ভাৰতৰ দৃষ্টি কেন্দ্ৰীভূত হৈছে এই দুটা পদত। কিয়নো এই দুয়োটা পদত থাকিব পাৰে ভাৰতৰ সৈতে সম্পৰ্ক থকা লোক। ইয়াৰে অৱশ্যে উপৰাষ্ট্ৰপতি পদৰ বাবে নাম চূড়ান্ত হৈছে। সেয়া হৈছে ভাৰতৰ জোঁৱাই। ভাৰতৰ উষা চিলুকুৰী ভ্যান্সৰ সৈতে বিবাহ হোৱা জেডি ভ্যান্স নিৰ্বাচিত হৈছে আমেৰিকাৰ উপ-ৰাষ্ট্ৰপতি হিচাপে।
উষা চিলুকুৰীৰ এতিয়া আমেৰিকাৰ ছেকেণ্ড লেডী হবলৈ গৈ আছে। উষাৰ পৰিয়াল অন্ধ্ৰপ্ৰদেশৰ বডলুৰু গাঁৱৰ পৰা ফ্ৰান্সলৈ উঠি গৈছিল। পাছত কলেজীয়া জীৱনত লগ পাইছিল জেডি ভ্যান্সক।
এইবাৰ আমেৰিকাৰ চোৰাংচোৱা সন্থা তথা বিশ্বৰে অন্যতম চোৰাংচোৱা সন্থা চি আই এৰ মূৰব্বীৰ কোন হব তাক লৈ জল্পনা কল্পনা। এই ক্ষেত্ৰত প্ৰায় নিশ্চিত হৈছে এগৰাকী ভাৰত সন্তানৰ। ডোনাল্ড ট্ৰাম্পৰ সৈতে বিশেষ সম্পৰ্ক থকা ভাৰতীয় সন্তান কাশ্যপ কাশ পেটেলৰ এই ক্ষেত্ৰত নাম উত্থাপন হৈছে।
ভাৰতীয় মূলৰ কাশ্যপ কাশ পেটেল যে ট্ৰাম্প চৰকাৰৰ চিআইএৰ মুৰব্বী হ’ব সেয়া নিশ্চিত বুলি বিবেচিত হৈছে। নিউয়ৰ্কৰ গাৰ্ডেন চিটিত জন্মগ্ৰহণ কৰিছিল কাশ্যপ কাশে। অৱশ্যে তেওঁৰ পৰিয়ালটো মূলতঃ গুজৰাটৰ বদোদৰাৰ। কাশ্যপ কাশৰ পিতৃ-মাতৃ প্ৰথমে ভাৰতৰ পৰা উগাণ্ডালৈ গৈছিল। য’ৰ পৰা তেওঁলোক ১৯৭০ চনত আমেৰিকালৈ উঠি যায়।
ৰিচমণ্ড বিশ্ববিদ্যালয়ৰ পৰা স্নাতক ডিগ্ৰী লাভ কৰিছে কাশ্যপ কাশ পেটেলে। আনহাতে তেওঁ ইউনিভাৰ্চিটি কলেজ লণ্ডনৰ পৰা আইনৰ অধ্যয়নো কৰিছিল। বিগত ৯ বছৰ ধৰি আদালতত অধিবক্তা হিচাপে প্ৰেকটিছ কৰিছিল কাশ্যপ কাশে। ইয়াৰ পিছত আমেৰিকাৰ ন্যায় বিভাগত যোগদান কৰে। তেওঁ ৰিপাব্লিকান পাৰ্টিৰ সৈতে জড়িত আৰু তেওঁক ট্ৰাম্পৰ অতি ঘনিষ্ঠ বুলি গণ্য কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
