আমেৰিকাৰ জৰ্জিয়াৰ এক ভাৰতীয় পৰিয়ালৰ চাৰি সদস্যৰ হত্যাৰ ঘটনাৰ খবৰ বিশ্বজুৰি ভাইৰেল হৈ পৰিছে৷ কিয় হত্যা কৰা হ’ল তাৰ কাৰণ এতিয়াও স্পষ্ট নহয় যদিও পাৰিবাৰিক বিবাদেই এই ঘটনাৰ আঁৰৰ কাৰণ সেয়া অনুমান কৰিছে আৰক্ষীয়ে৷ কিন্তু কিহক লৈ এই বিবাদ, কিয় আত্মীয়কেই হত্যা কৰিছে অভিযুক্ত বিজয় কুমাৰে তাক লৈ সৃষ্টি হৈছে ৰহস্যৰ৷
প্ৰাথমিক তদন্তৰ পাছতে আৰক্ষীয়ে জনাইছে যে এই হত্যাকাণ্ডৰ পূৰ্বে আটলাণ্টাত থকা নিজৰ ঘৰত বিজয় আৰু তেওঁৰ পত্নী মিমু ডোগৰাৰ মাজত কাজিয়া হৈছিল৷ কথা কটাকটি আৰু তৰ্কাতৰ্কিও হয়৷ তাৰপিছতেই শুকুৰবাৰে নিশা পত্নী আৰু একমাত্ৰ সন্তানক লৈ লৰেন্সভিলৰ ব্ৰুক আই ভি কৰ্টত থকা এগৰাকী আত্মীয়ৰ ঘৰলৈ যায় বিজয়৷ তাতেই বিজয় মিমুৰ আত্মীয়ৰ ওপৰিও তেওঁলোকৰ দুই সন্তানো আছিল৷
শুকুৰবাৰে নিশা ২ বাজি ৩০ মিনিট৷ গিনেট কাউণ্টি পুলিছৰ ওচৰলৈ এটা খবৰ আহে যে আইভি কৰ্টত গুলি চলিছে৷ এক পৰিয়ালৰ চাৰিজন গুলিবিদ্ধ৷ খবৰ পায়েই ঘটনাস্থললৈ যায় পুলিছ৷ তাতেই ঘৰৰ পৰা চাৰিজনৰ দেহ উদ্ধাৰ কৰে৷ ইয়াৰোপৰি আলমাৰিৰ ভিতৰত থকা বিজয়ৰ সন্তান আৰু তেওঁৰ আত্মীয়ৰ দুই সন্তানক উদ্ধাৰ কৰা হয়৷ প্রাথমিকভাৱে আৰক্ষীয়ে জনাইছে যে গুলি চলাৰ পাছতেই তিনিটা শিশুৱে প্ৰাণৰ ভয়ত আলমাৰিৰ ভিতৰত আত্মগোপন কৰে৷ আৰক্ষীয়ে তিনিটা শিশুকে অক্ষত অৱস্থাত উদ্ধাৰ কৰিছে৷
প্ৰাথমিকভাৱে আৰক্ষীৰ অনুমান যে পাৰিবাৰিক বিবাদৰ বাবেই এই হত্যাকাণ্ড৷ কিন্তু নিজৰ ঘৰত অশান্তিৰ পাছত কিয় আত্মীয়ৰ ঘৰলৈ গৈছিল বিজয়, কিয় গুলি চলোৱাৰ ঘটনা সংঘটিত হ’ল, এই হত্যাকাণ্ডৰ নেপথ্যত কাৰণেই বা কি? এই সকলো প্ৰশ্নৰ উত্তৰ জানিবলৈ অভিযুক্ত বিজয়ক জেৰা কৰি আছে আৰক্ষীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
