IPL ২০২৫ৰ নিলামত কোন খেলুৱৈৰ ওপৰত সকলোৰে দৃষ্টি, সৰ্বপ্ৰথমে হ’ব নিলাম! এই খেলুৱৈৰ নাম শীৰ্ষত
শীঘ্ৰে আৰম্ভ হ’ব ইণ্ডিয়ান প্ৰিমিয়াৰ লীগ ২০২৫ ৰ বহু প্ৰত্যাশিত মেগা নিলাম। এই মেগা নিলাম চৌদি আৰৱৰ জেদ্দাৰ আবাদি আল জৱাহৰ এৰিনাত অনুষ্ঠিত হ’ব।
এই নিলাম ভাৰতৰ বাহিৰত দ্বিতীয়বাৰৰ বাবে অনুষ্ঠিত হ’ব। ইয়াৰ আগতে এবাৰ ডুবাইতো নিলাম অনুষ্ঠিত হৈছিল। মেগা নিলাম আৰম্ভ হোৱাৰ আগতে সকলোৰে মনত প্ৰশ্ন উত্থাপন হৈছে কোনজন খেলুৱৈ প্ৰথমে নিলাম হ’ব।
এইবাৰৰ মেগা নিলামত প্ৰথমে নিলাম কৰিব লগা খেলুৱৈসকলৰ ভিতৰত আছে ইংলেণ্ডৰ হোৱাইট বল ফৰ্মেটৰ অধিনায়ক জোছ বাটলাৰ, ভাৰতৰ শ্ৰেয়াছ আয়াৰ, ঋষভ পণ্ট আৰু আৰ্ছদীপ সিং, দক্ষিণ আফ্ৰিকাৰ কাগিছ’ ৰাবাদা আৰু অষ্ট্ৰেলিয়াৰ মিচেল ষ্টাৰক সম্ভাৱ্য প্ৰতিদ্বন্দ্বী।
যিহেতু এই ছয়জন খেলুৱৈয়েই মাৰ্কি ছেট ১ৰ অংশ, সেয়েহে তেওঁলোকৰ এজনৰ নাম বেলটৰ পৰা বাছি লৈ নিবিদা আৰম্ভ কৰা হ’ব। গতিকে এই ছয়জন খেলুৱৈৰ ভিতৰত এজন খেলুৱৈয়ে মেগা নিলামত প্ৰথমে নিবিদা দিয়াৰ সম্ভাৱনা অতিশয় বেছি।
প্ৰথম অৱস্থাত আইপিএল ২০২৫ৰ মেগা নিলামত মুঠ ১৫৭৪গৰাকী খেলুৱৈয়ে পঞ্জীয়ন কৰিছিল। অৱশ্যে পৰৱৰ্তী সময়ত ৫৭৪ গৰাকী খেলুৱৈক এই নিলামৰ বাবে চৰ্টলিষ্ট কৰা হয়, য’ত ৩৬৬ গৰাকী ভাৰতীয় খেলুৱৈ আৰু ২০৮ গৰাকী বিদেশী খেলুৱৈ অন্তৰ্ভুক্ত কৰা হয়। এই নিলামত অংশগ্ৰহণ কৰিব ৩১৮ গৰাকী অনকেপড ভাৰতীয় খেলুৱৈ আৰু ১২ গৰাকী অনকেপড বিদেশী খেলুৱৈ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
