ভাৰত আমাৰ বন্ধু দেশ, ভাৰতৰ বাবে হৰমুজ খুলি দিছো, স্পষ্ট বাৰ্তা ইৰানৰ, অৱশ্যে দিছে এক চৰ্ত

যুদ্ধৰ ২৭ নম্বৰ দিনত ইৰানে স্পষ্টকৈ জনালে বন্ধু ৰাষ্ট্ৰ ভাৰতৰ বাবে তেওঁলোকে খুলি দিব হৰমুজ প্ৰণালী৷ কেইবাখনো দেশৰ জাহাজক হৰমুজ পাৰ হ’বলৈ নিদিলেও গ্ৰীণ কৰিডৰৰ সুবিধা কেইবাখনো দেশৰ বাবে খুলিছে ইৰানে৷ কেৱল ভাৰতেই নহয়, কোন কোন ৰাষ্ট্ৰক এই সংঘাতৰ পৰিস্থিতিতো বন্ধু বুলি ধাৰণা কৰিছে তেহৰানে সেয়াও স্পষ্ট কৰি দিলে ইৰানৰ বিদেশমন্ত্ৰী আব্বাছ আৰাঘচিৰ বিবৃত্তিত৷ ইৰানৰ এই ঘোষণাই স্বস্তি দিছে ভাৰতৰ ইন্ধনৰ চেক্টৰত৷

কি জনাইছে ইৰানে?

ইৰানৰ চৰকাৰী টিভিত দিয়া এক সাক্ষাৎকাৰত বিদেশমন্ত্ৰী আব্বাছ আৰাঘচিয়ে জনাইছে যে হৰমুজ প্ৰণালী মুঠেও বন্ধ নহয়৷ ভাৰতসহ যিসমূহ দেশক ইৰানে বন্ধু ধাৰণা কৰে তেওঁলোকৰ বাবে এই গুৰুত্বপূৰ্ণ জলপথ এতিয়াও খোলা আছে৷ এই চলাচল অৱশ্যে চৰ্তসাপেক্ষেহে হ’ব সেয়াও স্পষ্ট কৰিছে আৰাঘচিয়ে৷

আন্তৰ্জাতিক সংবাদসংস্থাৰ এক প্ৰতিবেদনত আৰাঘচিয়ে কয়, ‘পণ্য অনাৰ ক্ষেত্ৰত জাহাজৰ সুৰক্ষিত চলাচলৰ বাবে বিভিন্ন ৰাষ্ট্ৰৰ প্ৰধানসকলে আমাৰ সৈতে যোগাযোগ কৰি নিৰাপদ যাতায়াত নিশ্চিত কৰিবলৈ অনুৰোধ জনাইছে৷ এই দেশসমূহৰ মাজত আছে কেইবাখনো ৰাষ্ট্ৰ৷ আমি বন্ধু বুলি ধাৰণা কৰি অথৱা অন্য কোনো কাৰণত আমমি তেওংলোকৰ ছেফ স্পেছত ৰাখিছো৷ আমাৰ বাহিনীয়ে এই ভেছলসমূহক নিৰাপদ যাতায়াতৰ ব্যৱস্থা কৰি দিছে৷’

ভাৰতেই পাইছে প্ৰথম সেউজ সংকেত

ইৰানে প্ৰথমে যুদ্দৰ মাজতেই ভাৰতীয় জাহাজসমূহক হৰমুজ প্ৰণালীয়ে চলাচলৰ অনুমতি দিয়ে৷ কূটনৈতিক স্তৰত ভাৰতৰ সৈতে আলোচনাৰ পাছত এই সিদ্ধান্ত লোৱা হয় আৰু ভাৰতীয় পতাকাবাহী টেংকাৰসমূহক নিৰাপদে পাৰাপাৰৰ আশ্বাস দিয়া হৈছিল৷ কেৱল অনুমতি দিয়াই নহয়, বাস্তৱত একাধিক ভাৰতীয় জাহাজে ইতিমধ্যেই হৰমুজ প্ৰণালীয়ে পাৰ হৈছে৷ এলপিজি বহনকাৰী একাধিক ভাৰতীয় ভেছেল নৌসেনাৰ নিৰাপত্তাৰে নিৰাপদে এই পথ অতিক্ৰম কৰিছে৷ অন্যহাতে যুদ্ধৰ সময়ত ২৮ খন ভাৰতীয় জাহাজ হৰমুজৰ আশেপাশে আৱদ্ধ হৈ আছিল৷ তেওঁলোককো ধাপে ধাপে পাৰ কৰাৰ ব্যৱস্থা কৰা হয়৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ