ছাইবাৰ অপৰাধীসকলৰ পৰা সাৱধানে থাকিবলৈ ফোনৰ ছেটিংছ যিমানেই সলনি নকৰক কিয়, কিন্তু জানেনে আপোনাৰ ব্যক্তিগত কাৰ্যকলাপত নজৰ ৰাখিছে গুগলে৷ দৈনিক আপুনি কাৰ সৈতে কথা পাতিছে, ইণ্টাৰনেটত কি কি বিচাৰিছে, আনকি আপোনাৰ ফোনৰ তালিকাত কাৰ কাৰ নম্বৰ সংৰক্ষিত আছে সেই বিস্তাৰিত তথ্য জমা আছে গুগলৰ হাতত৷ আপোনাৰ ফোনৰ পৰা ব্যক্তিগত তথ্য নিজৰ নজৰদাৰিত ৰাখিছে গুগলে৷ কি কি তথ্য গুগলে নিজৰ হাতত ৰাখিছে?
ফোনৰ কি কি তথ্য পঢ়ি পেলাই গুগলে?
ফোনত থকা ব্যক্তিগত তথ্য কেৱল পঢ়াই নহয় সেয়া নিজৰ ওচৰত সংৰক্ষণ কৰি ৰাখে গুগলে৷ কি কি সেই তথ্য?
১. ইউটিউবত দৈনিক কি কি ভিডিঅ’ বা ৰিল চাইছে বা চাৰ্ছ কৰিছে সকলোবোৰ গুগলৰ ওচৰত সংৰক্ষিত আছে৷
২. প্ৰতিদিনে কি কি ৱেবচাইটত ভুমুকি মাৰিছে সেয়া কিমান সময় আপুনি চাইছে বা ডাউনলোড কৰিছে সকলো খবৰ ৰাখে গুগলে৷
৩. আপোনাৰ অৱস্থানো নজৰত ৰাখে গুগলে৷ আপুনি এই মুহূৰ্তত ক’ত আছে, পূৰ্বে ক’ত আছিল, কোন কোন স্থানত ঘূৰাফুৰা কৰি আছে সকলোবোৰ জানে গুগলে৷ আনকি জি পি এছ ব্যৱহাৰ নকৰিলেও আই পি এড্ৰেছ বা ৱাইফাই সংযুক্তিৰ পৰাও গুগলে তথ্য বাহিৰ কৰি লয়৷
৪. জিমেইলত থকা যাৱতীয় মেইল, ফোন নম্বৰৰ তালিকাও গুগলৰ হাতত থাকে৷
৫. ইণ্টাৰনেটত দৈনিক কি চাইছে সেই তথ্য, আনকি ভয়েছ কমাণ্ডাৰ ৰেকৰ্ডিঙো সংৰক্ষিত আছে গুগলৰ ডাটা ছাৰ্ভাৰত৷
তথ্য সুৰক্ষিত ৰখাৰ উপায় কি?
ফোনৰ ছেটিংচ অপচনত গৈ গুগল টেপ কৰক৷ তাৰ পৰাই মেনেজ ইয়োৰ গুগল একাউণ্টলৈ যায়৷ ডাটা প্ৰাইভেচি বুলি এটা অপছন আছে তাতেই গৈ দেখা পাব আপোনাৰ ইণ্টাৰনেট আৰু এপ, লোকেচন আৰু ইউটিউবৰ তথ্য চাই গুগলে৷ প্ৰতিটো অপচন খুলি সেইসমূহ টাৰ্ন অফ কৰি দিয়ক৷
গুগলে যাতে আপোনাৰ ব্যক্তিগত তথ্য নিজৰ ওচৰত ৰাখিব নোৱাৰে তাৰ বাবে অটো ডিলিট অপছন অন ৰাখক৷ সময়সীমা ৩মাহ ৰাখক৷ ইয়াৰ ফলত ৩মাহৰ পাছে পাছে ডাটাসমূহ নিজেই ডিলিট হৈ পৰিব৷ ডাটা প্ৰাইভেছি অপচনলৈ গৈ মাই এড চেণ্টাৰলৈ যাওক আৰু সেয়া বন্ধ কৰি দিয়ক৷ আপুনি ইণ্টাৰনেটত কি কি চাইছে সেয়া জানিব নোৱাৰে গুগলে আৰু সেই সম্পৰ্কিত বিজ্ঞাপনো আপোনাক নেদেখুৱাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
