অসম লাইভ২৪ঃ পৃথিৱীত ফালে আগবাঢ়ি আহিছে পাঁচটাকৈ গ্ৰহাণু৷ কোনকেইটা গ্ৰহাণু পৃথিৱীৰ দিশেৰে আগবাঢ়ি আহিছে সেইকেইটাৰ নামো উল্লেখ কৰিছে মহাকাশ বিজ্ঞানীয়ে৷ গ্ৰহাণু 2023 FU6, এই গ্ৰহাণুটো প্ৰায় ৪৫ ফুটৰ৷ পৃথিৱীৰ কাষলৈ আহি থকা গ্ৰহাণুটোৱে পৃথিৱীৰ পৰা ১,৮৭০,০০০ কিঃমিঃ আঁতৰেৰে পাৰ হৈ যাব৷
গ্রহাণু 2023 FS11, ৮২ ফুটৰ এই গ্ৰহাণুটো ৬,৬১০,০০০ কিলোমিটার দূৰত্বত পৃথিৱীৰ নিচেই কাষেৰে পাৰ হৈ যাব৷ এই দুই গ্ৰহাণুৰ পৰা পৃথিৱীৰ কোনোধৰণৰ ক্ষতি হোৱাৰ সম্ভাৱনা নাই বুলি জনাইছে মহাকাশ বিজ্ঞানীয়ে৷ আনহাতে গ্রহাণু 2023 FA7, এখন বিমানৰ আকাৰৰ এই গ্ৰহাণুটোও ক্ৰমশ পৃথিৱীৰ ফালে আগুৱাই আহিছে৷ ৯২ ফুটৰ এই গ্ৰহাণুটো পৃথিৱীৰ পৰা ২,২৫০,০০০ কিঃমিঃ দূৰত্বত আছে৷
গ্রহাণু 2023 FQ7 ও প্ৰায় ৬৫ ফুট আকাৰৰ এটা গ্ৰহাণু৷ এই গ্ৰহাণুটোও পৃথিৱীৰ ৫,৭৫০,০০০ কিঃমিঃ দূৰত্বৰে পাৰ হৈ যাব৷ গ্রহাণু 2023 FZ3 পৃথিৱীৰ ফালে আহি থকা অন্যতম এটা গ্ৰহাণু৷ এই গ্ৰহাণুটোও এখন বিমানৰ সমান৷ গ্ৰহাণুটো প্ৰায় ১৫০ ফুটৰ৷ প্ৰতি ঘণ্টাত ৬৭,৬৫৬ কিঃমিঃ বেগত পৃথিৱীৰ ফালে আহি থকা এই গ্ৰহাণুটোক লৈ চিন্তিত হৈছে মহাকাশ বিজ্ঞানীও৷
গ্ৰহাণুটো ৪,১৯০,০০০ কিঃমিঃ দূৰত্বত পৃথিৱীৰ নিচেই কাষ চাপিব৷ অৱশ্যে নাচাৰ বিজ্ঞানীয়ে কোৱা অনুসৰি এই গ্ৰহাণুৰ দ্বাৰা পৃথিৱীৰ ক্ষতি হোৱাৰ সম্ভাৱনা নাই৷ গ্ৰহাণুটোৰ গতি বিধিলৈ নজৰো ৰাখিছে মহাকাশ বিজ্ঞানীয়ে৷ বিজ্ঞানীয়ে প্ৰকাশ কৰা অনুযায়ী গ্ৰহাণুটো কোন দিশেৰে গতি কৰিব সেই কথা হঠকাই কোৱাটো টান৷ পৃথিৱীৰ কক্ষপথৰ খুব কাষেৰেই এই গ্ৰহাণু পাৰ হৈ যাব বুলি জনাইছে বিজ্ঞানীমহলে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
