জইছ-ই-মহম্মদ চিফ মহম্মদ মাছুদ আজাহাৰৰ ভাতৃ মহম্মদ তাহিৰ আনোয়াৰৰ মৃত্যুৰ খবৰ ভাইৰেল হৈ পৰিছে৷ ৰাষ্ট্ৰীয় সংবাদমাধ্যমতো প্ৰকাশ পাইছে এই খবৰ৷ কিন্তু তেওঁৰ মৃত্যু কেনেকৈ হ’ল সেই সম্পৰ্কে স্পষ্টকৈ জানিব পৰা হোৱা নাই৷ ইয়াৰ মাজতে প্ৰশ্ন উঠিছে ভাৰতীয় চোৰাংচোৱা সংস্থা RAWৰ হাততেই মৃত্যু হৈছে নেকি মহম্মদ তাহিৰ আনোৱাৰৰ?
তাহিৰ আনোয়াৰ জইছ-ই-মহম্মদৰ সৈতে ঘনিষ্ঠভাৱে যুক্ত আছিল৷ বহু বছৰ ধৰি এই সন্ত্ৰাসবাদী সংগঠনৰ বিভিন্ন কাৰ্যক্ৰমত সক্ৰিয়ভাৱে কাম কৰি আছিল৷ জইছৰ নিজস্ব চেনেলৰ মাধ্যমেৰে তেওঁৰ মৃত্যুৰ খবৰ নিশ্চিত কৰা হৈছে৷ ইয়াৰোপৰি জনোৱা হৈছে সোমবাৰে নিশা বাহাওয়ালপুৰৰ জামিয়া মছজিদ উছমান ৱালিত তাহিৰৰ জানাজা অনুষ্ঠিত হোৱাৰ কথা৷
তেওঁৰ মৃত্যুৰ কাৰণক লৈ এতিয়াও কোনো চৰকাৰী সূত্ৰই একো উল্লেখ কৰা কৰা নাই৷ এইখিনিতে উল্লেখ কৰা প্ৰয়োজন যে, জইছ-ই-মহম্মদ কোনো সৰুসুৰা সন্ত্ৰাসবাদী সংগঠন নহয়৷ নিজৰ কামৰ বাবে ভাৰত বিৰোধী কাৰ্যকলাপৰ বাবে কুখ্যাত এই সংগঠন খুবেই জনপ্ৰিয়৷ বহু সন্ত্ৰাসবাদী কাৰ্যকলাপ এই সংগঠনে কৰি থৈছে৷ তাৰ ভিতৰত ২০০১ চনৰ সংসদ আক্ৰমণ, ২০১৬ চনত পাঠানকোট এয়াৰবেচ আক্ৰমণ, উৰিৰ আৰ্মি কেম্পত আক্ৰমণ আৰু ২০১৯ চনত পুলৱামা আক্ৰমণত জইছৰ হাত আছে বুলি প্ৰকাশ কৰিছিল ভাৰতীয় চোৰাংচোৱা সংস্থাই৷ আৰু এই সন্ত্ৰাসবাদী সংগঠনৰ প্ৰধান মাছুদৰ ভাতৃৰো প্ৰাণ গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
