আগন্তুক ২৬আগষ্টত পালিত হ’ব কৃষ্ণা জন্মাষ্টমী৷ পঞ্জিকা অনুসৰি ভাদ মাহৰ কৃষ্ণপক্ষৰ অষ্টমী তিথিত পালিত হয় জন্মাষ্টমী৷ এই দিনটোতেই শ্ৰীবিষ্ণুৰ অৱতাৰ কৃষ্ণ ধৰাধামত আবিৰ্ভূত হোৱা বুলি প্ৰচলিত বিশ্বাস৷ ভাৰতীয় সমাজত শ্ৰীকৃষ্ণক সকলোতকৈ আকৰ্ষণীয় পুৰুষ বুলি কোৱা হয়৷ তেওঁক এবাৰ চাবৰ বাবেই উন্মনা হৈ আছিল হাজাৰ হাজাৰ গোপিনী৷ কোনো কোনো বিশেষ ৰঙৰ প্ৰতি আকৰ্ষণ আছিল কৃষ্ণৰ৷ এইকেইটা ৰঙৰ পোছাক পিন্ধিবলৈ তেওঁ ভালপাইছিল৷ এই জন্মাষ্টমীত শ্ৰীকৃষ্ণৰ প্ৰিয় ৰঙৰ পোছাক পিন্ধিলে তেওঁৰ আশীৰ্বাদ আপোনাৰ ওপৰত বৰ্ষিত হ’ব৷ জানি থওক শ্ৰীকৃষ্ণৰ প্ৰিয় ৰং কি কি?
শ্ৰীকৃষ্ণৰ প্ৰিয় ৰং
শ্ৰীকৃষ্ণৰ প্ৰিয় ৰং হৈছে গোলপীয়া, ৰঙা, হালধীয়া আৰু ময়ুৰকণ্ঠী৷ জন্মাষ্টমীৰ দিনা এই ৰঙৰ পোছাক পিন্ধাটো অত্যন্ত শুভ৷ যশোদাই তেওঁৰ সন্তান কৃষ্ণক এইকেইটা ৰঙৰ পোছাক পিন্ধাই ভালপাইছিল৷ সৰুৰে পৰা সেয়ে এই ৰঙৰ প্ৰতি ভালপোৱা জাগি উঠিছিল কৃষ্ণৰ৷ তেওঁৰ জন্মতিথিত এই সকলো ৰঙৰ পোছাক পিন্ধিলে শ্ৰীকৃষ্ণৰ কৃপা আপোনাৰ ওপৰত বৰ্ষিত হয়৷
গোপী চন্দন
গোপী চন্দন ব্যৱহাৰ কৰি খুব ভাইপাইছিল শ্ৰীকৃষ্ণই৷ সেয়ে জন্মাষ্টমীৰ পুজাৰ দিনা আপুনি কপালত গোপী চন্দনৰ তিলক লগাব পাৰে৷ মনত শান্ত কৰাবলৈ এই তিলক অত্যন্ত উপকাৰী৷ গোপী চন্দনৰ তিলক জন্মাষ্টমীৰ দিনা কঁপালত লগালে টেনছন কমে আৰু মানসিক শান্তি লাভ কৰা সম্ভৱ৷
হাছনাহানা ফুল
শ্ৰীকৃষ্ণই হাছনাহানা ফুলৰ সুগন্ধ অত্যন্ত ভালপাইছিল৷ শ্ৰীকৃষ্ণৰ শৰীৰৰ পৰা সকলো সময়তে সুগন্ধ ভৰি থাকে৷ শাস্ত্ৰ অনুসৰি কৃষ্ণৰ শৰীৰ আছিল অষ্টগন্ধা৷ সুগন্ধৰ প্ৰতি তেওঁৰ আছিল পৃথক আকৰ্ষণ৷ সেয়ে জন্মাষ্টমীত পৰিস্কাৰ পৰিচ্ছন্ন হৈ গাত ফুলৰ গোন্ধৰ পাৰফিউম লগোৱা উচিত৷
বাঁহী
কৃষ্ণই বাঁহী বজাই অত্যন্ত ভালপায়৷ তেওঁৰ বাঁহীৰ সুৰে সকলোকে মোহিত কৰে৷ সেয়ে জন্মাষ্টমীত ঘৰত এটা বাঁহী অনাটো অত্যন্ত শুভ৷ জন্মাষ্টমীত শ্ৰীকৃষ্ণক বাঁহী নিবেদন কৰিলে তেওঁৰ কৃপাই আপোনাৰ জীৱনৰ সকলো সমস্যা দূৰ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
