হৰমনপ্ৰীত কৌৰে নেতৃত্বৰ পৰা আঁতৰি দিয়াৰ পিছতে আজি জিম্বাবুৱেৰ বিৰুদ্ধে টীম ইণ্ডিয়াৰ T20 আৰু এদিনীয়া শৃংখলাৰ বাবে স্মৃতি মন্ধানাৰ নেতৃত্বত BCCI মহিলা দলৰ নিৰ্বাচক মণ্ডলীয়ে দল দুটা ঘোষণা কৰিছে। উল্লেখনীয় কথাটো হৈছে দুয়োটা দলতে নেতৃত্বৰ পৰা আঁতৰিলেও হৰমনপ্ৰীত কৌৰে খেলুৱৈ হিচাপে নিজৰ স্থান অক্ষুণ্ণ ৰাখিবলৈ সক্ষম হৈছে। ইপিনে T20 দলটোৰ বাবে যুৱ তাৰকা ছেফালি বৰ্মাক ভাৰপ্ৰাপ্ত অধিনায়কৰ দায়িত্ব দিয়াৰ বিপৰীতে এদিনীয়া দলটোৰ সহঃ অধিনায়িকাৰ দায়িত্ব দিয়া হৈছে অভিজ্ঞ অলৰাউণ্ডাৰ দিপ্তী শৰ্মাক।
ইয়াৰ লগতে অসমৰ ক্ৰীড়াপ্ৰেমীৰ বাবেও আহিছে এক সুখবৰ। অসমৰ ক্ৰিকেটাৰ জিণ্টিমণি কলিতাই প্ৰথমবাৰৰ বাবে ভাৰতীয় মহিলা ক্ৰিকেট দলত স্থান লাভ কৰিছে। জিম্বাবুৱেৰ বিৰুদ্ধে অনুষ্ঠিত হ’বলগীয়া T20 শৃংখলাৰ বাবে ঘোষণা কৰা ভাৰতীয় দলত জিণ্টিমণিক অন্তৰ্ভুক্ত কৰা হৈছে। ইয়াৰ লগে লগে প্ৰথমবাৰৰ বাবে টীম ইণ্ডিয়াৰ জাৰ্ছী পৰিধান কৰাৰ সুযোগ লাভ কৰিব অসমৰ জিণ্টিমণি কলিতাই। অসমৰ ক্ৰিকেটৰ বাবে এইটো এক উল্লেখযোগ্য সাফল্য হিচাপে বিবেচিত হৈছে।
জিম্বাবুৱেৰ বিৰুদ্ধে T20 শৃংখলাৰ মেচকেইখন ১৬ অক্টোবৰৰ পৰা ২০ অক্টোবৰলৈ ৰায়পুৰত অনুষ্ঠিত হ’ব। এই শৃংখলাৰ বাবে নিৰ্বাচিত ভাৰতীয় দলত অভিজ্ঞ খেলুৱৈৰ লগতে কেইবাগৰাকীও যুৱ ক্ৰিকেটাৰক সুযোগ দিয়া হৈছে। ভাৰতৰ T20I দলটো হৈছে—
স্মৃতি মান্ধানা (অধিনায়ক), শেফালি বাৰ্মা (সহ-অধিনায়ক), নিকি প্ৰসাদ, হৰমনপ্ৰীত কৌৰ, অনুষ্কা শৰ্মা, ৰিচা ঘোষ (উইকেটকীপাৰ), জি কামালিনী (উইকেটকীপাৰ), দীপ্তি শৰ্মা, প্ৰেমা ৰাৱাট, শ্ৰী চৰণী, নন্দিনী শৰ্মা, ক্ৰান্তি গৌড়, অৰুন্ধতী ৰেড্ডী, জিণ্টিমণি কলিতা আৰু মিন্নু মণি।
ইফালে, ভাৰতীয় মহিলা দলৰ ODI দলতো স্মৃতি মান্ধানাক নেতৃত্বৰ দায়িত্ব দিয়া হৈছে। দলটোত শেফালি বাৰ্মা, প্ৰতিকা ৰাৱাল, হৰমনপ্ৰীত কৌৰ, হৰলীন দেউল, তেজল হাছবানিছ, দীপ্তি শৰ্মা (সহ-অধিনায়ক), ৰিচা ঘোষ, যষ্টিকা ভাটিয়া, বৈষ্ণৱী শৰ্মা, নন্দিনী শৰ্মা, শ্ৰী চৰণী, ক্ৰান্তি গৌড়, ছায়ালী সাতঘৰে আৰু ৰেণুকা ঠাকুৰে স্থান লাভ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
