হলীউড তাৰকা তথা WWE খেলুৱৈ জন ছিনা সম্প্ৰতি অনন্ত আম্বানী আৰু ৰাধিকা মাৰ্চেণ্টৰ বিয়ালৈ আহিছে৷ ভাৰতলৈ আহিছে তাৰকাগৰাকী৷ আম্বানী পুত্ৰৰ বিবাহৰ অনুষ্ঠানত সময় অতিবাহিত কৰিছে জন ছিনাই৷ দেশীয় পোছাকত জন ছিনাক দেখি বহুজনে প্ৰশংসাও কৰিছে৷ কেৱল পোছাকেই নহয় মূৰত পাগুৰী বান্ধি বিয়াৰ উৎসৱত নাচ-বাগ কৰাও দেখা গৈছে জন ছিনাক৷
এই বিয়াৰ অনুষ্ঠানত আহিয়েই তেওঁ লগ পাইছে দেখ বিদেশৰ একাধিক অতিথিক৷ এই অতিথিসকলৰ বহুসংখ্যক তেওঁৰ অনুৰাগীও৷ একাধিক ব্যক্তিৰ সৈতে সময় কটাই জীৱন সলনি হৈ গৈছে জন ছিনাৰ৷ তাৰমাজতেই তেওঁ এক্সযোগে শ্বেয়াৰ কৰিছে বিশেষ পোষ্ট৷ সেই পোষ্টত তেওঁ লিখিছে যে এজন ব্যক্তিৰ ওচৰত তেওঁ আজীৱন কৃতজ্ঞ থাকিব৷ দেশলৈ উভতি যোৱাৰ পাছতেই জন ছিনাই ছচিয়েল মিডিয়াত শ্বেয়াৰ কৰিছে বিশেষ পোষ্ট৷ তাত তেওঁ অনন্ত আম্বানী আৰু ৰাধিকাৰ বিয়াত যোগ দিয়াৰ অভিজ্ঞতা শ্বেয়াৰ কৰিছে৷ শ্বাহৰুখৰ সৈতে তেওঁৰ এখন ফটো শ্বেয়াৰ কৰি লিখিছে যে, তেওঁৰ জীৱনত ইতিবাচক প্ৰভাৱ পৰিছে৷
জন ছিনাই কি লিখিছে সামাজিক মাধ্যমত?
জন ছিনাই এক্স হেণ্ডেলত অনন্তৰ বিয়াত শ্বাহৰুখক লগ পোৱাৰ অভিজ্ঞতা শ্বেয়াৰ কৰিছে৷ তেওঁ লিখিছে, এয়া এক অনন্য অভিজ্ঞতা তথা আশ্চৰ্যজনক মুহূৰ্ত৷ ২৪ঘণ্টা অসাধাৰণভাৱে পাৰ হৈছে৷ এই সময়ক এতিয়াও মই বিশ্বাস কৰিব পৰা নাই৷ মই আম্বানী পৰিয়ালৰ প্ৰতি অত্যন্ত কৃতজ্ঞ আৰু মোৰ যেনেধৰনে স্বাগত জনাইছে মই মুগ্ধ হৈ পৰিছো৷ বহু অবিস্মৰণীয় মুহূ্ৰ্তৰে ভৰা এক অভিজ্ঞতা৷ যিয়ে মোক অগণিত নতুন বন্ধু লগ পোৱাৰ সুযোগ দিছে৷ ইয়াৰ মাজতেই শ্বাহৰুখ খান অন্যতম৷ তেওঁক ব্যক্তিগতভাৱে লগ পাই মোৰ জীৱনেই পজিটিভ হৈ পৰিছে৷ ’
জন ছিনাৰ এই পোষ্ট দেখামাত্ৰকেই শ্বাহৰুখ ভক্তই শ্বেয়াৰ কৰিছে বিশেষ পোষ্টটো৷ বহুতেই আকৌ জন ছিনাক পাগুৰীত সুন্দৰ দেখা বুলিও মন্তব্য কৰিছে৷ মুকেশ আম্বানীয়েও জন ছিনাক জনাইছে উষ্ণ আদৰণি৷
আহি আছে জন ছিনাৰ নতুন ছবি
কামৰ ক্ষেত্ৰত জন ছিনাক প্ৰিয়ংকা চোপ্ৰাৰ সৈতে দেখা যাব হেডছ অৱ ষ্টেট ছবিত৷ ইতিমধ্যেই ছবিখনৰ শ্বুটিং আৰম্ভ হৈছে৷ জন ছিনাৰ ওপৰিও বহু আন্তৰ্জাতিক ছেলিব্ৰিটি আহিছে আম্বানীৰ পুত্ৰৰ বিয়ালৈ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
