অসম লাইভ২৪ঃ বিগত এক দশক ধৰি ভাৰতত বিলিয়নাৰৰ সংখ্যা উল্লেখনীয় হাৰত বৃদ্ধি পাইছে। ব্যৱসায়ীসকলৰ অধিকাংশই অসামান্য জীৱনযাপন কৰে। বিলাসবহুল গাড়ী, বিলাসবহুল ঘৰৰ প্ৰতি আগ্ৰহী হৈ উঠিছে বহুলোকেই। ইয়াৰ ভিতৰতেই এজন হৈছে কেৰালাৰ ব্যৱসায়ী কল্যাণৰামণ।কল্যাণ জুৱেলাৰ্ছ আৰু কল্যাণ ডেভলপাৰ্ছৰ চেয়াৰমেল আৰু মেনেজিং ডাইৰেক্টৰ হৈছে কল্যাণৰাম।
টিএছ কল্যাণৰামনৰ ব্যৱসায়ীক যাত্ৰা খুব কম বয়সতেই আৰম্ভ হৈছিল। ১২ বছৰ বয়সতেই এই যাত্ৰা আৰম্ভ হৈছিল। কল্যাণৰামন বৰ্তমান ভাৰতৰ অন্যতম ডাঙৰ জুৱেলাৰী ব্যৱসায়ী। কল্যাণ জুৱেলাৰ্ছৰ প্ৰথম ষ্টোৰখন খোলা হৈছিল ১৯৯৩ চনত। তেওঁ এই জুৱেলাৰ্ছৰ বৰ্তমান সময়ত মূল্য প্ৰায় ৮৪০৭ কোটি টকা। টিএছ কল্যাণৰাম এতিয়া কেৱল এই সম্পত্তিৰ মালিকেই নহয়। তেওঁৰ আছে তিনিখনকৈ ৰোলছ ৰয়েলছ, যাৰ মাজত এখন ৰোলছ ৰয়েলছ ফেণ্টম চিৰিজ১ আৰু ফেণ্টম চিৰিজ-২ মডেলৰ।
বিখ্যাত ৰোলছ ৰয়েলছৰ একোখন বাহনৰ দামেই প্ৰায় ১০ কোটি টকা। এই বিলাসবহুল গাড়ীত V12পেট্ৰল ইঞ্জিন আছে। ইয়াৰোপৰি তেওঁ এখন জেট হেলিকপ্টাৰৰো মালিক। এমবিয়াৰাৰ লিগেছী ৬৫০ৰ মালিক তেওঁ। যাৰ মূল্য প্ৰায় ১৭৮ কোটি টকা। কল্যানৰামৰ হাতত আছে বেল ৪২৭ হেলিকপ্টাৰো। এই হেলিকপ্টাৰ কানাডাত তৈয়াৰ কৰা। এই হেলিকপ্টাৰৰ দাম প্ৰায় ৪৮কোটি টকা।
কল্যাণ জুৱেলাৰ্ছ টি এছ কল্যানৰামনে প্ৰতিষ্ঠা কৰিছিল। ১৯৯৩চনত ভাৰতৰ কেৰালাত ৭৫লাখ টকাৰে তেওঁ পোনতে এই শ্বৰুম আৰম্ভ কৰে। প্ৰাথমিকভাৱে কল্যাণ জুৱেলাৰ্ছে দক্ষিণ ভাৰতৰ ৰাজ্য কেৰালা, তামিলনাডু, কৰ্ণাটক অন্ধ্ৰপ্ৰদেশ আৰু তেলেংগানাত আৰম্ভ হৈছিল। ২০১২ চনত গুজৰাটৰ আহমেদাবাদত এটা শ্বৰুম আৰম্ভ কৰি অমিতাভ বচ্চনক জাতীয় ব্ৰেণ্ড এম্বেচাডৰ হিচাপে ঘোষণা কৰে। বৰ্তমান কল্যাণৰামনৰ ভাৰতৰ বাহিৰতো ৩০ টাকৈ শ্ব ৰুম আছে। দেশ আৰু বিদেশসহিতে ২০২০ চনলৈকে কল্যাণ জুৱেলাৰ্ছৰ ১৩৭টাৰো অধিক শ্বৰুম আছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
