মুম্বাইৰ ঘৰ বিক্ৰী কৰিলে কংগনা ৰানাওটে! ৰাজনীতিত ভৰি দিয়েই অভিনয় এৰাৰ সিদ্ধান্ত ল’লে নেকি কংগনাই?

অভিনয়ৰ পৰা ৰাজনীতিত ভৰি দিছে কংগনা ৰানাউট৷ প্ৰথমবাৰ নিৰ্বাচনত প্ৰাৰ্থী হৈ জয়ী হৈছে তেওঁ৷ হিমাচলপ্ৰদেশত মণ্ডী কেন্দ্ৰত জয়ী হৈ তেওঁ এইবাৰ বিজেপিৰ সাংসদ৷ কিন্তু ইয়াৰ মাজতেই কংগনাই মুম্বাইত থকা নিজৰ ঘৰ বিক্ৰি কৰাৰ খবৰ ভাইৰেল হৈছে৷ মুম্বাইৰ বান্দ্ৰা এলেকাত থকা ঘৰতেই আছে কংগনাৰ প্ৰযোজনা সংস্থা ‘মণিকৰ্ণিকা ফিল্মছ’৷ সেই ঘৰেই বিক্ৰি কৰিছে কংগনা ৰাণাউটে৷

ৰাজনীতিৰ বাবে এতিয়া কংগনাই অধিকাংশ সময় কটাইছে দিল্লী আৰু হিমাচলপ্ৰদেশত৷ সেয়ে মুম্বাইৰ ঘৰটো বিক্ৰি কৰাৰ পৰিকল্পনা কৰে কংগনাই৷ প্ৰশ্ন হৈছে ঘৰ বিক্ৰি কৰি একেবাৰেই মুম্বাই এৰিব নেকি কংগনাই৷ শেষ কৰিলে নেকি অভিনয় কেৰিয়াৰ?

এই খবৰত এতিয়াও ছিলমোহৰ দিয়া নাই কংগনাই৷ ঘৰ ক্ৰয়-বিক্ৰয় সংক্ৰান্তিয় এটা ইউটিউব চেনেলে এই তথ্য প্ৰকাশ কৰিছে৷ এই বিক্ৰি হ’বলগীয়া সংস্থাৰ ঠিকনা দেখি বহুতেই সেয়া কংগনাৰ ঘৰ বুলি দাবী কৰিছে৷ কংগনাই তেওঁৰ ২মহলীয়া ঘৰটো ৪০কোটি টকাত বিক্ৰি কৰিছে৷ ঘৰৰ সৈতে ৫০০ বৰ্গফুটৰ গাড়ী ৰখা এটা এলেকাও আছে৷ এই ঘৰৰ ভিতৰৰ সাজ সজ্জাৰ বাবে বহু ধন খৰচ কৰিছিল কংগনাই৷

২০২০ চনত বৃহন্মুম্বই মিউনিচিপল কৰ্পৰেশ্বনৰ টাৰ্গেটতো পৰিছিল এই ঘৰ৷ বেআইনী নিৰ্মাণ হিচাপে চিহ্নিত কৰা হৈছিল কংগনাৰ ঘৰক৷ তাৰপাছতেই সেই ঘৰ ভঙাৰ সিদ্ধান্ত লয়৷ কিন্তু বম্বে হাইকৰ্টৰ পক্ষৰ পৰা স্থগিতাদেশ অহাৰ পাছতেই ঘৰতো ভাঙি পেলোৱাৰ কাম বন্ধ হয়৷ অৱশ্যে চৰ্চা চলিলেও কংগনাই অভিনয় এৰিবনে সেই সম্পৰ্কে কোনো স্পষ্ট মত প্ৰকাশ কৰা নাই৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ