অসম লাইভ ২৪ঃ ক’ৰোনা ভাইৰাছৰ বাবে সমগ্ৰ দেশ, সমগ্ৰ বিশ্ব এতিয়া স্তব্ধ। দেশৰ প্ৰায়সংখ্যক লোকেই নিজকে কোৱাৰেণ্টাইন কৰি ৰাখিছে। ঘৰতেই বিভিন্ন ধৰণে সময় অতিবাহিত কৰিছে। এনে সময়ছোৱাত বলিউড শিল্পীসকলে কেনেকৈ সময় কটাইছে। বলিউডৰ সুন্দৰী অভিনেত্ৰী কেটৰিনা কাঈফে কেনেকৈ সময় কটাইছে তাৰ এক ভিডিঅ’ ইনষ্টাগ্ৰামত আপলোড কৰিছে অভিনেত্ৰীগৰাকীয়ে। ভিডিঅ’টোত দেখা গৈছে কেটৰিনাই ভগ্নী ঈষাবেলৰ সৈতে ঝাড়ু লৈ নিজৰ ঘৰ নিজেই পৰিষ্কাৰ কৰিছে। ঘৰৰ সকলোখিনি প্ৰয়োজনীয় কাম নিজেই কৰিছে কেটৰীনা কাঈফে। ইয়াৰ উপৰিও আমনিদায়ক সময়বোৰ পাৰ কৰিছে গীতাৰ বজাই, গেম খেলি। ক’ৰোনা ভাইৰাছ আৰু দেশৰ পৰিস্থিতিক লৈ যথেষ্ট চিন্তিত কেটৰীনা। কিন্তু এই পৰিস্থিতিয়ে জীৱনৰ প্ৰতি থকা চিন্তা সলনি কৰিলে বুলিও মন্তব্য কৰিছে কেটৰীনাই। এই পৰিস্থিতিয়ে সকলোকে আত্মনির্ভৰশীল কৰি তুলিছে বুলি মন্তব্য কৰিছে কেটৰীনা কাঈফে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
