আমাৰ শৰীৰ সুস্থ সৱল কৰি ৰাখিবলৈ শৰীৰক কেইবাটাও ভিটামিনৰ প্ৰয়োজন৷ ভিটামিন এ, ই, চি, বি ১২ আৰু কেইবাটাও৷ এই সকলোবোৰ ভিটামিনৰেই নিজা নিজা কাম আছে৷ এই ভিটামিনসমূহ কম বেছি হ’লেই শৰীৰত নানান প্ৰভাৱ পৰে৷ যেনেকৈ ভিটামিন বি১২ৰ অভাৱত বহু গুৰুতৰ সমস্যাই দেখা দিব পাৰে৷
সাধাৰণভাৱে মানুহে এই বিষয়ে খুব বেছি মূৰ নঘমালেও ডিএন এ চিন্থেচিছৰ পৰা আৰম্ভ কৰি শক্তি উৎপাদন, চেন্ট্ৰেল নাৰ্ভাছ চিষ্টেমৰ কাৰ্যকাৰীতা বজায় ৰখা এই সকলোবোৰতেই বেছ গুৰুত্বপূৰ্ণ ভূমিকা পালন কৰে এই ভিটামিনে৷ এই ভিটামিনৰ ঘাটি হ’লে শৰীৰত কি কি প্ৰভাৱ পৰে? জানক সবিশেষ৷
মুড ছুইং
এই ধৰক আপোনাৰ মন খুবেই ভাল হৈ আছে৷ কিন্তু তৎক্ষণাত আপোনাৰ খুব খং উঠিছে বা মন বেয়া হৈছে৷ মুডৰ এই ভাল এই বেয়াৰ কথাবোৰ আমি গুৰুত্ব নিদিও যদিও এয়াও এক অসুখ৷ মহিলাৰ ক্ষেত্ৰত পিৰিয়ডৰ সময়ত এই সমস্যা হয়৷ কোনো কাৰণ অবিহনেই এই সমস্যা হ’লেই বুজিব যে শৰীৰত ভিটামিন বি-১২ৰ ঘাটি হৈছে৷ ইয়াৰ ফলত অৱসাদ, কথা পাহৰি যোৱা আৰু কগনিটিভি ফাংছন বেয়া হোৱাৰ দৰে সমস্যাই দেখা দিব পাৰে৷
মুখত ঘা
বহুতৰেই মুখত মাজে মাজে বিভিন্ন স্থানত ঘা হৈ থাকে৷ ঘা হ’লে বিষ, জ্বলাপোৰা আদি সমস্যাই দেখা দিয়ে৷ ইয়াৰ কাৰণ হৈছে মাউথ আলছাৰ বা মুখৰ ঘা হ’ব পাৰে৷ শৰীৰত ভিটামিন বি-১২ৰ ঘাটি হ’লে মুখৰ ভিতৰত ঘা, জিভাত ঘা আদি হ’ব পাৰে৷ জিভা ৰঙা হৈ যাব পাৰে আনকি ফুলিও উঠিব পাৰে৷ এই ঘটনাসমূহ হ’লে অৱশ্যই ভিটামিন বি-১২ যুক্ত খাদ্য খোৱাৰ পৰিমান বঢ়াওক৷ শৰীৰ আৰু স্বাস্থ্য ভালে থাকিব৷
বন্ধ্যাত্ব
মহিলাৰ মাজত ভিটামিন বি-১২ৰ ঘাটি প্ৰায়েই দেখা যায়৷ অৱহেলা নকৰি সঠিকভাৱে খাদ্য খাওক৷ অন্যথা বন্ধ্যাত্বৰ দৰে জটিল অসুখে দেখা দিব পাৰে৷ বাৰে বাৰে চেষ্টা কৰিও প্ৰেগনেন্সি নহ’লে ভিটামিন বি ১২ সমৃদ্ধ খাদ্য খোৱাৰ পৰিমান বঢ়াওক৷ সমস্যাৰ সমাধান নহ’লে চিকিৎসকৰ পৰামৰ্শ লওক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
