অন্যায় আৰু অধৰ্মৰ বিৰুদ্ধে ন্যায় আৰু ধৰ্মৰ জয় হৈছিল মহাভাৰতৰ যুদ্ধত৷ কুৰুক্ষেত্ৰৰ এই যুদ্ধই প্ৰমাণ কৰিছিল যে জগতত অন্যায় অধৰ্ম বৃদ্ধি পালে বিষ্ণুৱে কিবা নহয় কিবা অৱতাৰ ধাৰণ কৰি মৰ্ত্যলৈ আহে আৰু পুনৰ ন্যায় প্ৰতিষ্ঠা কৰে৷ মহাভাৰতৰ যুদ্ধতো সেয়াই হৈছিল৷ কাৰণ বিষ্ণুৰ অৱতাৰ কৃষ্ণৰ পথপ্ৰদৰ্শনত সমাজত ন্যায় ধৰ্ম স্থাপন হয়৷ মহাভাৰতত এনে বহু ঘটনাৰ কথা উল্লেখ আছে যে এতিয়াও আমাৰ মনত শিহৰণৰ সৃষ্টি হয়৷ এই শিহৰণকাৰী এক ঘটনা হৈছে কৃষ্ণৰ ৰথ পুৰি যোৱা৷ মহাভাৰতৰ যুদ্ধৰ পাছত দাউ দাউকৈ জ্বলি উঠিছিল অৰ্জুনৰ ৰথ৷
অৰ্জুনৰ ৰথ কিয় জ্বলি উঠিছিল?
গাণ্ডীৱধনুৰ অধিকাৰী অৰ্জুনৰ ৰথৰ নাম আছিল নন্দীঘোষ৷ বৰুণ দেৱৰ পৰা এই ৰথ লাভ কৰিছিল অৰ্জুনে৷ চাৰিটা ঘোঁৰাই মিলি টনা এই ৰথৰ বৰণ আছিল বগা৷ সেয়ে অৰ্জুনক শ্বেতবাহন বুলিও কোৱা হয়৷ মহাভাৰতৰ যুদ্ধত স্বয়ং কৃষ্ণ আছিল অৰ্জুনৰ সাৰথী৷ এই ৰথৰ ধ্বজ্জাত হনুমান বিৰাজমান আছিল৷ আকৌ চকাত শেষনাগ অৰ্থাৎ বলৰাম৷ ইয়াৰফলত অৰ্জুনৰ ৰথ আৰু দিব্য হৈ উঠিছিল৷ যুদ্ধৰ সময়ত একাধিক যোদ্ধাৰ ৰথ ভাঙি গ’লেও অৰ্জুনৰ ৰথত সামান্যও আঁচোৰ পৰা নাছিল৷
যুদ্ধৰ শেষত ৰথৰ পৰা নামি পৰে অৰ্জুন
মহাভাৰতৰ যুদ্ধ সমাপ্ত হোৱাৰ পাছত কৃষ্ণ আৰু অৰ্জুনে ৰথৰ পৰা নামি পৰে৷ কিন্তু কৃষ্ণই নিজে ৰথৰ পৰা নমাৰ পূৰ্বেই অৰ্জুনক ৰথৰ পৰা নমাৰ ইংগিত দিয়ে৷ কিন্তু অৰ্জুনে জোৰ কৰি কৃষ্ণক প্ৰথম সেই ৰথৰ পৰা নামি যাবলৈ অনুৰোধ জনায়৷ অৰ্জুনৰ অনুৰোধ শুনি হাঁহি মুখেৰে কৃষ্ণই তেওঁক কয়, ‘তেওঁ অৰ্জুনৰ পূৰ্বে এই ৰথৰ পৰা নামি গ’লেই অঘটন ঘটি যাব পাৰে৷ কিন্তু অৰ্জুনে কৃষ্ণৰ কথা বুজিব নোৱাৰিলে৷ তাৰপাছত কৃষ্ণৰ কথা মানি ৰথৰ পৰা নামি যোৱাই শ্ৰেয় বুলি ধাৰণা কৰে অৰ্জুনে৷ ইয়াৰপাছতেই অৰ্জুন নামি পৰে ৰথৰ পৰা৷ অৰ্জুনৰ পাছে পাছে বজৰংবলী আৰু কৃষ্ণও নামে ৰথৰ পৰা৷ বজৰংবলী নমাৰ লগে লগেই সেই ৰথ দাউ দাউকৈ জ্বলি উঠে৷ সেই দৃশ্য দেখি আশ্চৰ্যচকিত হৈ কৃষ্ণক ইয়াৰ কাৰণ সোধে অৰ্জুনে?
অৰ্জুনক ৰথ পুৰি যোৱাৰ কাৰণ কি বুলি ক’লে কৃষ্ণই?
কৃষ্ণ অৰ্জুনক জনাই যে সেই ৰথ ভীষ্ম পিতামহ, দ্ৰোণাচাৰ্য আৰু কৰ্ণৰ দিব্যাস্ত্ৰৰ আঘাতত বহু পূৰ্বেই পুৰি গৈছিল৷ কৰ্ণৰ তীৰেই এই ৰথৰ সবাতোকৈ বেছি ক্ষতি কৰিছিল৷ ৰথত স্বয়ং কৃষ্ণ বিৰাজমান, ধ্বজ্জাত বজৰংবলীৰ অৱস্থান থকাৰ বাবেই ৰথখন অক্ষত দেখা গৈছিল৷ উল্লেখ্য যে কৰ্ণৰ বধৰ পাছত অৰ্জুনৰ মাজত অহংকাৰে জন্ম লয়৷ কৃষ্ণৰ এই কথা শুনাৰ পাছতেই অৰ্জূনৰ অহংকাৰ চূৰ্ণ হৈ পৰে৷ ইয়াৰ পাছতেই কৃষ্ণৰ সন্মুখত নতশীৰে সেৱা জনাই অৰ্জুনে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
