‘ককটেল ২’ৰ সফলতাৰ পিছত বৰ্তমান কৃতি চেনন পুনৰ চৰ্চাত। শেহতীয়াকৈ তেওঁৰ প্ৰেমিক কবীৰ বাহিয়াৰ সৈতে ৰাজহুৱা হোৱাৰ পিছতো তেওঁৰ প্ৰেম জীৱন এতিয়াও বাতৰিৰ শিৰোনামত আছে।
কৃতি চেননে ৩৬ বছৰ সম্পূৰ্ণ কৰিব। তেওঁৰ চলচ্চিত্ৰ কেৰিয়াৰ ১২ বছৰতকৈও অধিক আৰু এই সময়ছোৱাত তেওঁ অসংখ্য হিট ছবি দিছে। তেওঁৰ কেৰিয়াৰৰ আটাইতকৈ স্মৰণীয় ছবিখন হ’ল ‘মিমি’, যাৰ বাবে তেওঁ ৰাষ্ট্ৰীয় চলচ্চিত্ৰ বঁটা লাভ কৰে। এই ছবিখনৰ শ্বুটিঙৰ সময়তে তেওঁ Egg Freeze কৰাৰ সিদ্ধান্ত লয়।
কৃতি চেননে কয় যে মিমিৰ চৰিত্ৰটোৰ বাবে তেওঁৰ ওজন বৃদ্ধি কৰিবলগীয়া হৈছিল। ওজন বৃদ্ধিৰ প্ৰক্ৰিয়াৰ সময়ত তেওঁৰ এগ ফ্ৰীজিং কৰা হৈছিল, যাৰ ফলত ওজন বৃদ্ধি আৰু পেট ডাঙৰৰ দৰে শাৰীৰিক পৰিৱৰ্তনৰ সৈতে মোকাবিলা কৰাটো সহজ হৈ পৰিছিল।
আজিকালি মহিলাসকলে নিজৰ কেৰিয়াৰক অধিক গুৰুত্ব দিছে, যাৰ বাবে সোনকালে মাতৃ হ’ব নিবিচাৰে ৷ বয়স বৃদ্ধিৰ পিছত প্ৰজনন ক্ষমতাৰ সন্দৰ্ভত কোনো সমস্যাৰ পৰা হাত সাৰিবলৈ আজিকালি বেছিভাগ মহিলাই এগ ফ্ৰীজিং কৌশলৰ সহায় লৈছে ৷
কৃতি চেননে কয়, “মই এজনৰ লগত কথা পাতিছিলো, তেওঁ কৈছিল, যদি আপুনি এইটো কৰিব পাৰে, তেন্তে ই সৰ্বোত্তম কাম। এয়া আপুনি নিজকে দিব পৰা সৰ্বোত্তম উপহাৰ। সেইটো মোৰ মনত আবদ্ধ হৈ পৰিল। তাৰ পিছত যেতিয়া মোক ওজন বৃদ্ধি কৰিবলৈ কোৱা হ’ল, তেতিয়া মই ভাবিলোঁ যে এইটো সঠিক সময়।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
