দেশৰ টেলিভিশ্যন জগতৰ পৰা এক হৃদয়বিদাৰক খবৰ আহিছে। টিভি আৰু চলচ্চিত্ৰ জগতৰ এগৰাকী অভিনেত্ৰী সঞ্চিতা উগলেৰ মৃ*ত্যু হৈছে। মৃ*ত্যুৰ সময়ত সঞ্চিতাৰ বয়স আছিল ৩০ বছৰ। প্ৰাপ্ত তথ্য অনুসৰি দেওবাৰে সন্ধিয়া প্ৰায় ৭:৩০ বজাত মুম্বাইৰ ভাছাইস্থিত গৃহত সঞ্চিতাক মৃ*ত অৱস্থাত উদ্ধাৰ কৰা হয়। ইতিমধ্যে ঘটনাৰ তদন্ত আৰম্ভ কৰিছে আৰক্ষীয়ে। আৰক্ষীৰ প্ৰাথমিক তদন্তত অভিনেত্ৰীগৰাকীয়ে চৰ*ম পন্থা অৱলম্বন কৰা বুলি আৰক্ষীয়ে সন্দেহ প্ৰকাশ কৰিছে।
মৃত্যুৰ পূৰ্বে সঞ্চিতাই শ্বেয়াৰ কৰিছিল ইনষ্টাগ্ৰাম ৰীল
আশ্চৰ্যজনকভাৱে, মৃত্যুৰ কিছু সময় পূৰ্বেই সঞ্চিতাই ইনষ্টাগ্ৰামত এটা ৰীল ভিডিঅ’ শ্বেয়াৰ কৰিছিল। ৰীলটোত তেওঁক অতি আনন্দিত আৰু উচ্ছ্বসিত অৱস্থাত দেখা গৈছিল। সঞ্চিতাই পিতৃ-মাতৃ আৰু কনিষ্ঠ ভগ্নীৰ সৈতে একেলগে বাস কৰিছিল। ঘটনাৰ সময়ত ঘৰত সঞ্চিতাৰ বাসগৃহত কোনো নাছিল বুলি আৰক্ষীৰ প্ৰাথমিক তদন্তত প্ৰকাশ। ইপিনে সঞ্চিতা উগলেৰ আকস্মিক মৃ*ত্যুৰ খবৰটো বিয়পি পৰাৰ লগে লগে টিভি উদ্যোগত গভীৰ শোকৰ বন্যা বৈছে।
কেৱল ৩০ বছৰ বয়সতে লাভ কৰিছিল জনপ্ৰিয়তা
সঞ্চিতা উগলেই টেলিভিশ্যনৰ কেইবাখনো জনপ্ৰিয় ধাৰাবাহিকত অভিনয় কৰি দৰ্শকৰ মন জয় কৰিছিল। বিশেষকৈ ‘কুমকুম ভাগ্য’ আৰু ‘ৱাগলে কি দুনীয়া’ ধাৰাবাহিকত তেওঁৰ অভিনয়ে যথেষ্ট সমাদৰ লাভ কৰিছিল। ইয়াৰ উপৰিও সঞ্চিতাই ‘ছাৱা’ নামৰ ছবিখনত তাৰাবাইৰ চৰিত্ৰত অভিনয় কৰিছিল। সঞ্চিতা উগলেৰ অকাল বিয়োগে বিনোদনজগতক এক অপূৰণীয় ক্ষতি কৰিলে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
