ফেশ্বন জগতত কেতিয়াবা কাপোৰৰ তুলনাত দাম আৰু ডিজাইনৰ কথা বেছিকৈ চৰ্চিত হৈ পৰে। ভিক্টোৰিয়া ছিক্ৰেটৰ ফেণ্টাচি ব্ৰাৰ ক্ষেত্ৰতো একেধৰণৰ চৰ্চা চলি আছে। প্ৰায় আঠ বছৰৰ পাছত ৰাণৱেলৈ ঘূৰি অহা এই বিশেষ ব্ৰাটো এইবাৰ পিন্ধিছিল কাইলী জেনাৰে। ইয়াৰ মূল্য প্ৰায় ৫ কোটি ডলাৰ অৰ্থাৎ প্ৰায় ৪৬০ কোটি টকা বুলি জনা গৈছে। কিন্তু প্ৰশ্ন হয়, এই অন্তৰ্বাসটো কিয় ইমান বিশেষ হৈ উঠিছে?
৪,৪১০ টা হীৰা আৰু এটা ৭৫.৫৪ কেৰেটৰ হালধীয়া হীৰা
এই ফেণ্টাচি অন্তৰ্বাসটোক(ব্ৰাক) ইমান বিশেষ কৰি তোলাৰ কাৰণটো হ’ল ইয়াৰ হাজাৰ হাজাৰ হীৰা আছে। মুঠ ৪৪১০টা প্ৰাকৃতিক হীৰা ব্যৱহাৰ কৰা হৈছিল, য’ত এটা দুৰ্লভ ৭৫.৫৪ কেৰেটৰ হালধীয়া হীৰাও আছে।
এই হীৰাটো ফেন্সি ভিভিড য়েলো কেতেগ’ৰিত আছে আৰু ইয়াৰ উজ্জ্বল কাট দিয়া আছে, যিয়ে ইয়াৰ উজ্জ্বলতা আৰু সৌন্দৰ্য বৃদ্ধি কৰে। গোটেই ব্ৰাটো এনেদৰে ডিজাইন কৰা হৈছে যাতে হীৰাবোৰ বিভিন্ন কোণৰ পৰা জিলিকি উঠিব পাৰে।
১৫ গৰাকী শিল্পীয়ে ১০০০ ঘণ্টাত এই অন্তৰ্বাস তৈয়াৰ কৰে
এই দুৰ্লভ ব্ৰাটো প্ৰস্তুত কৰাটো কোনো সহজ কাম নাছিল। ১৫ জনীয়া ডিজাইনাৰৰ এটা দলে ইয়াক সৃষ্টি কৰিবলৈ ১০০০ ঘণ্টাৰো অধিক সময় লগাইছিল। কাপোৰৰ সলনি সোণ আৰু হীৰা ব্যৱহাৰ কৰা হৈছিল। ইয়াক সম্পূৰ্ণ হোৱাৰ পিছত ইয়াৰ ওজন প্ৰায় ৪ পাউণ্ড অৰ্থাৎ প্ৰায় ১.৮ কিলোগ্ৰাম বুলি কোৱা হয়।
৮ বছৰৰ পিছত পুনৰ ৰাণৱেলৈ উভতি আহিছে ফেণ্টাচি ব্ৰা
- ভিক্টোৰিয়া ছিক্ৰেটৰ ফেণ্টাচি ব্ৰা শেষবাৰৰ বাবে ২০১৮ চনত ৰাণৱেত দেখা গৈছিল, মডেল এলছা হস্কে পিন্ধিছিল। এতিয়া প্ৰায় আঠ বছৰৰ পাছত ব্ৰেণ্ডটোৱে ইয়াক পুনৰ প্ৰৱৰ্তন কৰিছে।
- এইবাৰ কাইলী জেনাৰক পিন্ধিবলৈ নিৰ্বাচিত কৰা হয়। বগা ডেউকা লৈ এঞ্জেলৰ ৰূপত কাইলীয়ে ৰেম্পত খোজ কাঢ়িলে। তেওঁৰ চেহেৰাটোৱে সকলোৰে দৃষ্টি আকৰ্ষণ কৰিছিল যদিও আটাইতকৈ চৰ্চিত ব্ৰাটো আছিল দাম আৰু ডিজাইন।
কাইলী জেনাৰ কোন?
কাইলী জেনাৰ এগৰাকী আমেৰিকান মডেল, ব্যৱসায়ী, আৰু টেলিভিছনৰ ব্যক্তিত্ব। ছচিয়েল মিডিয়াতো অতি জনপ্ৰিয়। ফেশ্বন আৰু সৌন্দৰ্যই সকলোকে আকৰ্ষণ কৰে। ভিক্টোৰিয়া ছিক্ৰেটৰ মুখ্য সৃষ্টিশীল বিষয়া এডাম চেলমেনৰ মতে কাইলীৰ প্ৰভাৱ কেৱল ফেশ্বনত সীমাবদ্ধ নহয়। তেওঁৰ জনপ্ৰিয়তা আৰু সাংস্কৃতিক পৰিচয়ে তেওঁক এই বিশেষ প্ৰত্যাৱৰ্তনৰ বাবে নিখুঁত কৰি তুলিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
