অসমৰ গৌৰৱ তথা আন্তঃৰাষ্ট্ৰীয় পৰ্যায়ৰ বক্সাৰ লাভলীনা বৰগোহাঁই ৬ অক্টোবৰত মাতৃভূমি অসমলৈ উভতি আহিব। লভলিনা অসমত উপস্থিত হোৱাৰ উপলক্ষে ভাৰতীয় জনতা পাৰ্টীৰ যুৱ মৰ্চাৰ তৰফৰ পৰা বিশেষ আদৰণি অনুষ্ঠানৰ আয়োজন কৰা হৈছে।
তথ্য অনুসৰি, ৬ অক্টোবৰৰ সন্ধিয়া ৭.৩০ বজাত গুৱাহাটীৰ লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত লাভলীনা বৰগোহাঁইক উষ্ম আদৰণি জনোৱা হ’ব।
অসমৰ ক্ৰীড়াক্ষেত্ৰত লাভলীনাৰ অৱদান আৰু আন্তঃৰাষ্ট্ৰীয় মঞ্চত দেশ তথা ৰাজ্যক গৌৰৱান্বিত কৰাৰ বাবে তেওঁক আদৰণি জনাব বিজেপি যুৱ মৰ্চাই।
‘লৌহকন্যা’ক আদৰণিৰ বাবে সাজু অসম
বক্সিং ৰিঙত নিজৰ শক্তিশালী প্ৰদৰ্শনেৰে এছিয়ান গেমছত সোণৰ পদক অৰ্জন কৰে লাভলীনাই। পূৰ্বতে ৰূপৰ পদক জিকিছিল যদিও এইবাৰ সোণৰ পদক অৰ্জন কৰি দেশ-বিদেশত পৰিচিত হৈ পৰিছে। এতিয়া অসমৰ যুৱ প্ৰজন্মৰ বাবে এক অন্যতম প্ৰেৰণাৰ উৎস।
বিশেষকৈ আন্তঃৰাষ্ট্ৰীয় প্ৰতিযোগিতাসমূহত তেওঁৰ সফলতাই অসমৰ ক্ৰীড়াপ্ৰেমীৰ মাজত বিশেষ উৎসাহৰ সৃষ্টি কৰি আহিছে। সেয়ে লভলিনা অসমলৈ উভতি অহাৰ সময়ত বিমানবন্দৰত তেওঁক আদৰণি জনাবলৈ বিশেষ আয়োজন কৰা হৈছে।
৬ অক্টোবৰৰ সন্ধিয়া ৭.৩০ বজাত লোকপ্ৰিয় গোপীনাথ বৰদলৈ আন্তঃৰাষ্ট্ৰীয় বিমানবন্দৰত অনুষ্ঠিত হ’বলগীয়া এই আদৰণি অনুষ্ঠানত বিজেপি যুৱ মৰ্চাৰ কৰ্মকৰ্তা-সমৰ্থকৰ লগতে ক্ৰীড়াপ্ৰেমীসকলৰো উপস্থিতি থকাৰ সম্ভাৱণা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
