LPG ৰ গ্ৰাহকৰ বাবে ডাঙৰ খবৰ। প্ৰকৃত এল পি জি গ্ৰাহক চিনাক্তকৰণৰ বাবে পেট্ৰলিয়াম আৰু প্ৰাকৃতিক গেছ মন্ত্ৰালয়ে আধাৰ ভিত্তিক পৰীক্ষণ আৰম্ভ কৰিছে। গতিকে Indane, BharatGas আৰু HP Gas ৰ গ্ৰাহকে আধাৰ পৰীক্ষণ কৰিব লাগিব।
LPG eKYC ২০২৬ৰ নতুন নিয়ম অনুসৰি যদি কোনো গ্ৰাহকে ৩০ জুনৰ ভিতৰত আধাৰ ভিত্তিক বায়’মেট্ৰিক প্ৰমাণীকৰণ(Aadhaar Biometric Authentication) সম্পূৰ্ণ নকৰে, তেন্তে এল পি জি ৰাজসাহায্যৰ ধন তেওঁৰ বেংক একাউণ্টত জমা নহয়। অৰ্থাৎ Indane Gas, Bharat Gas আৰু HP Gas ৰ গ্ৰাহকে পূৰ্বৰ দৰে এল পি জি চিলিণ্ডাৰ বুকিং কৰিব পাৰিব আৰু লগতে চিলিণ্ডাৰ ডেলিভাৰীও লাভ কৰিব, কিন্তু তেওঁলোকে ৰাজসাহায্যৰ ধন ঘূৰাই নাপাব পাৰে আৰু চিলিণ্ডাৰৰ সম্পূৰ্ণ মূল্য নিজে বহন কৰিবলগীয়া হ’ব পাৰে। eKYC নকৰিলেও গেছ সংযোগ বিচ্ছিন্ন নহয়, কিন্তু LPG ৰাজসাহায্যৰ সুবিধা হেৰুৱাৰ সম্ভাৱনা আছে।
PMUY (প্ৰধানমন্ত্ৰী উজ্জ্বলা যোজনা)ৰ হিতাধিকাৰী পৰিয়ালকে ধৰি এলপিজি ৰাজসাহায্য লাভ কৰা গ্ৰাহকৰ বাবে LPG eKYC আৰু আধাৰ ভিত্তিক বায়’মেট্ৰিক পৰীক্ষণ বাধ্যতামূলক কৰা হৈছে।
কেন্দ্ৰীয় পেট্ৰলিয়াম মন্ত্ৰালয়ে স্পষ্ট কৰি দিছে যে সকলো গ্ৰাহকৰ বাবে এল পি জি ই-কে ৱাই চি বাধ্যতামূলক নহয়। ই কেৱল কোনজন গ্ৰাহকৰ বাবে প্ৰযোজ্য সেই বিষয়ে জানি লওক–পিএমইউৱাই (প্ৰধানমন্ত্ৰী উজ্জ্বলা যোজনা)ৰ হিতাধিকাৰী, যিসকলে প্ৰতি বছৰে ই-কেৱাইচি সম্পূৰ্ণ কৰিব লাগিব। পিএমইউৱাই নহোৱা গ্ৰাহকসকলেও যিসকলে এতিয়াও ই-কেৱাইচি সম্পূৰ্ণ কৰা নাই, তেওঁলোকেও এই প্ৰক্ৰিয়া কিন্তু সম্পূৰ্ণ কৰিব লাগিব। কিন্তু যিসকলে চলিত বিত্তীয় বৰ্ষত ইতিমধ্যে ই-কেৱাইচি সম্পূৰ্ণ কৰিছে আৰু পিএমইউৱাইৰ হিতাধিকাৰী নহয়, তেওঁলোকে পুনৰ ই-কেৱাইচি কৰাৰ প্ৰয়োজন নাই। ই-কে ৱাই চি সম্পূৰ্ণ হ’লে সাধাৰণ এল পি জি গ্ৰাহকে পুনৰ এই প্ৰক্ৰিয়াৰ মাজেৰে পাৰ হ’ব নালাগে। অৱশ্যে উজ্জ্বলা যোজনাৰ হিতাধিকাৰীসকলে প্ৰতি বছৰে ই-কে ৱাই চি আপডেট কৰিব লাগিব।
৩০ জুনৰ পিছত এতিয়া আপোনাৰ এল পি জি গেছৰ সংযোগ বিচ্ছিন্ন হ’ব নেকি? এই ক্ষেত্ৰত এতিয়ালৈকে কোনো চৰকাৰী ঘোষণা নাই যদিও ৩০ জুনৰ ভিতৰত এল পি জি ই-কে ৱাই চি সম্পূৰ্ণ নহয় তেন্তে গ্ৰাহকৰ গেছ সংযোগ বিচ্ছিন্ন হ’ব পাৰে। যদি আপুনি ৩০ জুনৰ এল পি জি ই-কে ৱাই চিৰ সময়সীমা পাৰ কৰে, তেন্তে ডাইৰেক্ট বেনিফিট ট্ৰেন্সফাৰ (ডি বি টি)ৰ জৰিয়তে লাভ কৰা এল পি জি ৰাজসাহায্যৰ ধন বন্ধ হ’ব পাৰে। কিন্তু ইয়াৰ ফলত আপোনাৰ এল পি জি গেছ সংযোগত কোনো ব্যাঘাত নজন্মে।
উল্লেখ্য যে, আপুনি আগৰ দৰে এল পি জি চিলিণ্ডাৰ বুকিং কৰি চিলিণ্ডাৰ আপোনাৰ ঘৰলৈ ডেলিভাৰী দিব আহিব, কিন্তু ৰাজসাহায্যৰ ধন আপোনাৰ বেংক একাউণ্টত জমা নহ’বও পাৰে। ই-কেৱাইচি নকৰাটোৱে আপোনাৰ এলপিজি ৰাজসাহায্যৰ বাবে যোগ্যতাত প্ৰভাৱ পেলাব পাৰে।
(এই প্ৰতিবেদন যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
