দেশত ইটোৰ পিছত সিটো অপৰাধমূলক ঘটনা প্ৰায় প্ৰতিদিনে সংঘটিত হৈ আহিছে। কেতিয়া এনেকুৱা কিছুমান ঘটনা পোহৰলৈ আহে, যিবোৰ বিশ্বাস কৰিবলৈও কঠিন হৈ পৰে। এইবাৰ পোহৰলৈ আহিছে তেনে এক ঘটনা। মহাৰাষ্ট্ৰৰ অমৰাৱতী জিলাত ছ’চিয়েল মিডিয়াৰ জৰিয়তে বহু যুৱতীক প্ৰেমৰ ফান্দত পেলোৱে এজন যুৱকৰ কাহিনী পোহৰলৈ আহিছে। প্ৰথমে সামাজিক মাধ্যমত মিঠা মিঠা কথাৰে হাজাৰটো প্ৰলোভন আৰু তাৰ পিছত প্ৰেয়সীৰ সৈতে ফুৰিবলৈ গৈ অপকৰ্মত লিপ্ত হয় যুৱক।
এতিয়া এই গুৰুতৰ আৰু চাঞ্চল্যকৰ গোচৰ পোহৰলৈ আহিছে। এই গোচৰত আৰক্ষীয়ে পাৰতৱাড়া বাসিন্দা মহম্মদ আয়াজ ওৰফে তনবীৰক গ্ৰেপ্তাৰ কৰিছে। অভিযুক্তই প্ৰায় ১৮০ গৰাকী নাবালিকাক লক্ষ্য কৰি লৈছিল। সেই লম্পট প্ৰেমিকজনৰ বিৰুদ্ধে ৩৫০ টাতকৈও অধিক অশ্লীল ভিডিঅ’ ৰেকৰ্ডিং কৰাৰ অভিযোগ উত্থাপন হৈছে। এই সমগ্ৰ বিষয় পোহৰলৈ অহাৰ পিছত আৰক্ষী বিভাগত জোকাৰণিৰ সৃষ্টি কৰিছে।
WhatsApp আৰু Snapchatৰ জৰিয়তে ফান্দ
আৰক্ষীৰ প্ৰাৰম্ভিক তদন্তত পোহৰলৈ আহে যে অভিযুক্ত মহম্মদ আয়াজে নাবালিকা ছোৱালীৰ সৈতে যোগাযোগ কৰিবলৈ হোৱাটছএপ আৰু স্নেপচেটৰ দৰে জনপ্ৰিয় ছ’চিয়েল মিডিয়া প্লেটফৰ্ম ব্যৱহাৰ কৰিছিল। প্ৰথমে বন্ধুত্ব তাৰ পিছত প্ৰেমলৈ প্ৰলোভিত কৰিছিল।
ডিজিটেল প্ৰমাণৰ সন্ধানত নিয়োজিত চাইবাৰ চেল
গোচৰৰ গুৰুত্বৰ প্ৰতি লক্ষ্য ৰাখি এতিয়া স্থানীয় আৰক্ষীৰ সৈতে চাইবাৰ চেলে তদন্ত আৰম্ভ কৰিছে। আৰক্ষীয়ে অভিযুক্তৰ মোবাইল ফোনটো জব্দ কৰিছে, য’ত পুংখানুপুংখভাৱে পৰীক্ষা অব্যাহত আছে। বিষয়াসকলে কয় যে, এই বেয়া ভিডিঅ’সমূহ কোনো ৱেবছাইট বা ছ’চিয়েল মিডিয়া গ্ৰুপত প্ৰচাৰ হৈছে নেকি সেই বিষয়ে তেওঁলোকে তদন্ত কৰি আছে।
চাইবাৰ বিশেষজ্ঞৰ এটা দলে ডিজিটেল ফুটপ্ৰিণ্টৰ জৰিয়তে জানিবলৈ চেষ্টা কৰিছে যে এই জঘন্য কাণ্ডত অভিযুক্তৰ লগত কোনো ডাঙৰ গেং বা আন লোক জড়িত আছে নেকি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
