সাধাৰণতে জন্ম নিয়ন্ত্ৰণৰ বড়ি নাৰীয়ে ব্যৱহাৰ কৰে। পুৰুষৰ ক্ষেত্ৰতো জন্ম নিয়ন্ত্ৰণৰ এক ধাৰণাটো বহু বছৰ ধৰি চলি আছিল।
এতিয়া ইয়াৰ ট্ৰায়েলৰ অন্তত দেখা গৈছে যে এই বড়িবোৰে স্বাস্থ্যৰ বাবে ক্ষতিকাৰক নহয়। ইয়াৰ প্ৰভাৱে কোনো ধৰণে পুৰুষৰ যৌন ক্ষমতা হ্ৰাস নকৰে বুলি কোৱা হৈছে।
শেহতীয়াকৈ গৱেষকসকলে পুৰুষৰ বাবে দুটাকৈ জন্ম নিয়ন্ত্ৰণৰ বড়ি প্ৰস্তুত কৰিছে। তেওঁলোকে দাবী কৰে যে এই ধৰণৰ ঔষধৰ কোনো পাৰ্শ্বক্ৰিয়া নাই। এই ঔষধবোৰে মূলতঃ শৰীৰত টেষ্টষ্টেৰনৰ মাত্ৰা হ্ৰাস কৰে। আমেৰিকাৰ আটলাণ্টাত অনুষ্ঠিত বৈজ্ঞানিক সন্মিলনত এই অধ্যয়নৰ বিষয়ে আলোচনা কৰা হয়।
লগতে পঢ়ক আকৌ ৰেভ পাৰ্টিত ড্ৰাগছ! অন্য এক বলিউদ তাৰকাৰ পুত্ৰক গ্ৰেপ্তাৰ, অস্বস্তিত শ্ৰদ্ধা কাপুৰ!
DMAU আৰু 11B-MNTDC নামৰ ঔষধবোৰ প্ৰজেষ্টোজেনিক এণ্ড্ৰজেন নামৰ ঔষধৰ সৈতে একে। এই ঔষধবোৰে টেষ্টষ্টেৰনৰ মাত্ৰা আৰু শুক্ৰাণুৰ সংখ্যা কমায়।
নাৰীৰ তুলনাত ল’ৰাৰ বাবে গৰ্ভনিৰোধক বিকল্প অতি সীমিত। গৱেষকসকলে দাবী কৰিছে যে এই দুবিধ ঔষধৰ আৱিষ্কাৰে অপৰিকল্পিত গৰ্ভধাৰণ ৰোধ কৰাত গুৰুত্বপূৰ্ণ ভূমিকা পালন কৰিব পাৰে।
লগতে পঢ়ক অক্ষৰ কুমাৰৰ বেয়া দিন!
এই অধ্যয়নত অংশগ্ৰহণ কৰা ৭৫ শতাংশতকৈ অধিক পুৰুষে কয় যে তেওঁলোকে এই ঔষধ পুনৰ ব্যৱহাৰ কৰিবলৈ আগ্ৰহী।
গৱেষকসকলৰ মতে, এই ঔষধ ব্যৱহাৰ কৰিলে অবাঞ্চিত গৰ্ভধাৰণৰ সমস্যা আৰু অধিক হ্ৰাস পাব। অৱশ্যে এই বড়ি বজাৰৰ উপলব্ধ হ’বলৈ কিছু সময় লাগিব পাৰে। কিন্তু ইয়াৰ ব্যৱহাৰ ফলপ্ৰসু হ’লে ই মানৱ সমাজত এক বৈপ্লৱিক ৰূপান্তৰ আনিবলৈ সক্ষম হ’ব বুলি ধাৰণা কৰা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
