মৰ্মিতা মিত্ৰই জুবিন গাৰ্গৰ গীত বিকৃত কৰা বুলি সামাজিক মাধ্যমত চলিছে চৰ্চা৷ কেইবাগৰাকীও সচেতন ব্যক্তিয়ে সমালোচনা কৰিছে মৰ্মিতাৰ এই কাৰ্যক৷ শুকুৰবাৰে জুবিন গাৰ্গৰ ভগ্নী পামী বৰঠাকুৰেও মৰ্মিতাক অনুৰোধ জনাই কৰিছিল এই পোষ্ট, ‘সকলো শিল্পী – কলাকুশলী যি সকলে জুবিন দাৰ গীত সমূহ এইবাৰ ব’হাগৰ মঞ্চত অতি শ্ৰদ্ধা আৰু মৰমেৰে perform কৰিছে, তেওঁৰ সৃষ্টিৰাজীক সন্মান জনাইছে, সেই সকলোলৈকে আমাৰ পৰিয়ালৰ ফালৰ পৰা অশেষ ধন্যবাদ জনাইছো 
, যদিও ধন্যবাদ এটি সৰু শব্দ মাথোঁ।
, যদিও ধন্যবাদ এটি সৰু শব্দ মাথোঁ।মৰ্মিতা মিত্ৰ লৈ বিশেষ অনুৰোধ জনাইছো যাতে জুবিন গাৰ্গৰ গীত সমূহ শুদ্ধভাৱে মঞ্চত পৰিবেশন কৰে, কাৰণ জুবিন গাৰ্গৰ সৃষ্টিৰাজি শুদ্ধভাৱে জনতাৰ মাজত, নতুন প্ৰজন্মৰ মাজত প্ৰচলিত হ’ব লাগিব। Experimentation on musical compositions and improvisation on existing compositions must be very scientifically done and shall maintain the original flavour of the compositions.My best wishes are with her.’
পামী বৰঠাকুৰৰ এই বিশেষ পোষ্টটোৰ পাছতেই এইবাৰ মৰ্মিতাই মিত্ৰইয়ো সামাজিক মাধ্যমত দিছে বিশেষ পোষ্ট৷ মৰ্মিতাই লিখিছে, ‘ওপজা দিনৰ আন্তৰিক শুভেচ্ছা জনালোঁ, বা Dr-Palmee Borthakur 
মই নিজকে ধন্য অনুভৱ কৰিছোঁ যে আপুনি মোক আশীৰ্বাদ আৰু শুভেচ্ছা জনাইছে।
এগৰাকী অগ্ৰজ হিচাপে আপুনি মোক যিবোৰ দিশ আঙুলিয়াই দিছে, সেইবোৰ মই নিশ্চয়ভাৱে মনত ৰাখিম আৰু অনাগত দিনত মানি চলিবলৈ চেষ্টা কৰিম। মোৰ অজানিতে হোৱা ভুলবোৰ আগলৈও আঙুলিয়াই দিব বুলি মই আশাবাদী। আগতে মোৰ ভুলবোৰ শুধৰাবলৈ দাদা আছিল, কিন্তু এতিয়া তেওঁ কায়িকভাৱে আমাৰ মাজত নাই। সেইবাবে আপোনালোক আৰু অসমৰ মৰমিয়াল জনতাই মোৰ ভুলবোৰ শুধৰাই দিব বুলি আশা ৰাখিছোঁ।
কোৱা হয়- মানুহ মাত্রেই ভুল কৰে, আৰু মোৰো অজানিতে ভুল হ’ব পাৰে। কিন্তু অসমবাসীয়ে মনত আঘাত পোৱা কোনো কাম মই কেতিয়াও নকৰোঁ। নিজৰ ভন্টি হিচাপে মোক আশীৰ্বাদ কৰি আগুৱাই যোৱাত সহায় কৰিব বুলি মই গভীৰভাৱে বিশ্বাস কৰোঁ।
শ্ৰদ্ধাৰে, মৰ্মিতা মিত্ৰ’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
