অসম লাইভ২৪ঃ ছুজুকিৰ বাহন কিমান সুৰক্ষিত? জোনমণিৰ দুৰ্ঘটনাৰ পাছতেই আকৌ এবাৰ সুৰক্ষাৰ প্ৰশ্ন উত্থাপিত হৈছে। ছুজুকিৰ বেছিভাগ গাড়ীৰেই সুৰক্ষাৰ দিশ একেবাৰেই দুৰ্বল। গ্লোৱেল এনকেপ ক্ৰেছ টেষ্টৰ প্ৰতিবেদনত প্ৰকাশ এই তথ্য।
মাৰুতিৰ বাহনসমূহ দুৰ্ঘটনাত পতিত হ’লে যাত্ৰীৰ নিৰাপত্তাৰ ক্ষেত্ৰত প্ৰশ্ন উত্থাপিত হয়৷ আন্তৰ্জাতিক প্লেটফৰ্ম, গ্লোবেল এনকেপ নামেৰে পৰিচিত সংস্থাটোৰ টেষ্টৰ বাবে বিশ্বৰ প্ৰায়সমূহ সংস্থাই নিজৰ বাহনসমূহ পঠিয়াই৷ এই ক্ৰেছ টেষ্টত বহুসংখ্যক বাহনেই ভাল ফলাফল দেখুৱাইছে যদিও ছুজুকিৰ বাহনৰ ফলাফল একেবাৰেই বেয়া৷ ছুজুকিৰ প্ৰায়সমূহ বাহনৰ লগতে এছপ্ৰেছ’ বাহনৰ সুৰক্ষাৰ ৰেটিঙো একেবাৰেই বেয়া৷
এছপ্ৰেছ’ই সুৰক্ষাৰ দিশত লাভ কৰিছিল ১ ষ্টাৰ। বেষ্ট ছেলিং কাৰ এছপ্ৰেছ’ৰ সুৰক্ষা ৰেটিং একেবাৰেই বেয়া৷ গ্লবেল এনকেপৰ তৰফৰ পৰা প্ৰকাশিত তথ্যমতে, ৩৪ পইণ্টত ২০.০৩ পইণ্ট লাভ কৰিছিল এছপ্ৰেছ’ বাহনখনে। শিশু সুৰক্ষা ৰেটিঙত ৪৬ পইণ্টৰ ভিতৰত লাভ কৰিছিল মাত্ৰ ৩.৫৩ পইণ্ট। ফ্ৰণ্ট বেৰিয়াৰ টেষ্টতো গাড়ীখনে লাভ কৰিছিল প্ৰায় ৮.৯ পইণ্ট। ছাইড ডিফৰ্মেৱল ক্ৰেছ টেষ্টত ১৭ ৰ ভিতৰত লাভ কৰিছিল ১১.৩ পইণ্ট।
সন্মুখৰফালে দুটাকৈ এয়াৰবেগ আছে এই বাহনত৷ কিন্তু টেষ্ট ৰিপৰ্টত প্ৰকাশ পোৱামতে এই এয়াৰবেগ পৰ্যাপ্ত নহয়৷ ইয়াৰোপৰি এই বাহনৰ আৰু এটা উল্লেখনীয় দিশ আঙুলিয়াই দিছিল গ্লোবেল এনকেপ টেষ্টে৷ এই বাহনত সুৰক্ষা একেবাৰে নথকা নহয়৷ মূৰত আঘাত নালাগিবৰ বাবে পৰ্যাপ্ত সুবিধা আছে বাহনখনত৷ কিন্তু বুকু আৰু আঁঠুৰ বাবে বিশেষ সুৰক্ষা নাই। এছপ্ৰেছ’ৰ ডাছবৰ্ডৰ পিছফালৰ ষ্ট্ৰাইকাৰ খুবেই দুৰ্বল। আঁঠুত আঘাত লগাৰ চাঞ্চ খুবেই বেছি। গাড়ীখনৰ ফুটৱেৰ আৰু বডীছেলো মজবুত নহয়। গাড়ীখনত কোনো শিশুৰ বাবে কোনো সুৰক্ষা নাই৷ ইলেক্ট্ৰনিক ষ্টেবিলিটি কণ্ট্ৰলো নাই বাহনখনত৷ এই সকলোবোৰ দিশ চালিজাৰি গ্লবেল এনকেপ টেষ্টত বাহনখনৰ ৰেটিং মাত্ৰ ১ ষ্টাৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
