অসম লাইভ ২৪ঃ ৩১নং ৰাষ্ট্ৰীয় ঘাইপথৰ দাঁতিত গছপুলি ৰোপণৰ নামত অনিয়ম। ৩ফুট উচ্চতাৰ সলনি ৰুলে এফুট উচ্চতাৰ পুলি। বনবিভাগৰ অকপট স্বীকাৰোক্তি। সামাজিক বনানিকৰণ আঁচনিৰ অধীনত নলবাৰী বিধায়ক জয়ন্ত মল্ল বৰুৱাই ৩১নং ৰাষ্ট্ৰীয় ঘাইপথৰ দুয়োকাষে নলবাৰীৰ গনেশ মন্দিৰৰ পৰা নোনা নদীলৈকে ১৮ কিলোমিটাৰ পথত গছপুলি ৰোপনৰ আঁচনি গ্ৰহণ কৰিছিল। এই উদ্দেশ্যে কৃষ্ণচূড়া, সোণাৰু, পলাশ, তগৰ, বকুলৰ পুলি ৰোপণৰ ব্যৱস্থা গ্ৰহণ কৰে। ৩৮ লাখ টকাৰ ব্যয়ৰে প্ৰায় ৬০০০ গছপুলি ৰোপণৰ লক্ষ্য স্থিৰ কৰি কামত আগবাঢ়ে। কিন্তু ইয়াতে আৰম্ভ হ’ল দুৰ্নীতি-অনিয়ম। তিনিফুট উচ্চতাৰ প্ৰতিটো পুলিৰ বাবদ নিৰ্ধাৰণ হৈছিল ৬৩০ টকাকৈ। কিন্তু অভিযোগ অনুসৰি, এফুট উচ্চতাৰ পুলিহে অধিকাংশ ৰোপণ কৰিছে ঠিকাদাৰে। এই কথা স্বীকাৰ কৰিছে বন বিভাগৰ কৰ্মচাৰীয়ে। ৰাষ্ট্ৰীয় ঘাইপথ প্ৰাধিকৰণৰ অনুদানেৰে চলা আঁচনিখনত ব্যাপক অনিয়ম সংঘটিত কৰাত ক্ষুব্ধ হৈ পৰিছে প্ৰকৃতিপ্ৰেমীসকল। এনেদৰে গছপুলি ৰোপনৰ নামতো অনিয়ম সংঘটিত হৈছে নলবাৰীত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
