পুৰুষৰ এইকেইটা অভ্যাসেই বঢ়াই মহিলাৰ ছাৰ্ভাইকেল কেন্সাৰৰ আশংকা, পুৰুষৰ কোনবোৰ অভ্যাসে বিপদ বৃদ্ধি কৰিব পাৰে? 

বৰ্তমান মহিলাসকলৰ মাজত ছাৰ্ভাইকেল কৰ্কটত আক্ৰান্ত ৰোগীৰ সংখ্যা দ্ৰুতগতিত বৃদ্ধি পাইছে, যি এক চিন্তাৰ এটা ডাঙৰ কাৰণ হৈ পৰিছে। বহু মহিলাই প্ৰথম অৱস্থাত লক্ষণবোৰক  সৰু সমস্যা বুলি ভাবি আওকাণ কৰে, যাৰ ফলত ক্ৰমান্বয়ে ৰোগ অধিক গুৰুতৰ হৈ পৰে। আচৰিত কথা এয়াই যে কেৱল মহিলাসকলে নিজৰ স্বাস্থ্যৰ প্ৰতি যত্ন লোৱাটো কমাই দিলেই এই সমস্যা নহয়৷  পুৰুষৰ কিছুমান অভ্যাসৰ বাবেও এগৰাকী মহিলাৰ হ’ব পাৰে ছাৰ্ভাইকেল কেন্সাৰ৷ কিন্তু সময়মতে প্ৰতিৰোধ আৰু সজাগতাৰ দ্বাৰা এই ৰোগ দ্ৰুতগতিত বিয়পি পৰা ৰোধ কৰিব পৰা যায়।

ছাৰ্ভাইকেল কেন্সাৰ কি আৰু ইয়াৰ সৃষ্টি কেনেকৈ হয়?

মহিলাৰ জৰায়ুৰ তলৰ অংশ অৰ্থাৎ ছাৰ্ভাইক্সত হোৱা কৰ্কট ৰোগ হ’ল ছাৰ্ভাইকেল কেন্সাৰ। প্ৰায়ে হিউমেন পেপিলোমা ভাইৰাছ (HPV) সংক্ৰমণৰ বাবে ই বিকশিত হয়। এই ভাইৰাছ অসুৰক্ষিত যৌন সম্পৰ্কৰ জৰিয়তে এজনৰ পৰা আন এজনলৈ বিয়পিব পাৰে, যাৰ ফলত ইয়াক আওকাণ কৰাটো বিপদজনক হৈ পৰে। প্ৰথম অৱস্থাত এইচ পি ভি সংক্ৰমণৰ ফলত কোনো ডাঙৰ লক্ষণ দেখা নাযায় যদিও সংক্ৰমণ দীৰ্ঘদিন ধৰি থাকিলে জৰায়ুৰ মুখৰ কোষত পৰিৱৰ্তন হ’বলৈ আৰম্ভ কৰে, যিটো পিছলৈ কেন্সাৰত পৰিণত হ’ব পাৰে। সময়মতে পৰীক্ষা কৰিলে ইয়াক প্ৰাৰম্ভিক পৰ্যায়ত ধৰা পেলাব পাৰি, অৱহেলা কৰিলে মৃত্যু হ’ব পাৰে।

পুৰুষৰ কোনবোৰ অভ্যাসে বিপদ বৃদ্ধি কৰিব পাৰে? 

পিৰিয়ডৰ সময়ত যৌন সম্পৰ্ক স্থাপন কৰাটো কিমান নিৰাপদ?

বহুতে ঋতুস্ৰাৱৰ সময়ত যৌন সম্পৰ্ক স্বাভাৱিক বুলি গণ্য কৰে যদিও বহু চিকিৎসকে ইয়াক সম্পূৰ্ণ নিৰাপদ বুলি নাভাবে। তথ্য অনুসৰি এই সময়ছোৱাত মহিলাৰ জৰায়ুৰ মুখ অধিক সংবেদনশীল হয়, যাৰ ফলত সংক্ৰমণ, ৰক্তক্ষৰণ আদিৰ সম্ভাৱনা বৃদ্ধি পাব পাৰে। যদিও ঋতুস্ৰাৱৰ সময়ত যৌন সম্পৰ্কৰ ফলত প্ৰত্যক্ষভাৱে ছাৰ্ভাইকেল কেন্সাৰ নহয়, তথাপিও যদি ইতিমধ্যে এইচ পি ভি সংক্ৰমণ থাকে তেন্তে ইয়াৰ সম্ভাৱনা বৃদ্ধি পাব পাৰে। গতিকে ঋতুস্ৰাৱৰ সময়ত যৌন সম্পৰ্ক পৰিহাৰ কৰাটোৱেই উত্তম।

এই লক্ষণসমূহ আওকাণ নকৰিব, ছাৰ্ভাইকেল কেন্সাৰৰ লক্ষণ

ছাৰ্ভাইকেল কেন্সাৰৰ পৰা হাত সাৰিবলৈ মহিলাসকলে নিজৰ স্বাস্থ্যৰ প্ৰতি সজাগ হোৱাটো অতি গুৰুত্বপূৰ্ণ। যদি শৰীৰত অস্বাভাৱিক লক্ষণ দেখা গৈছে তেন্তে সেইবোৰক আওকাণ কৰিলে পাছলৈ সমস্যা হব পাৰে৷ ইয়াক প্ৰতিৰোধ কৰিবলৈ এই গুৰুত্বপূৰ্ণ কথাবোৰ মনত ৰাখিব

এইচ পি ভি ভেকচিন লোৱাটো নিশ্চিত কৰকঃ চিকিৎসকৰ মতে এইচ পি ভি ভেকচিনক ছাৰ্ভাইকেল কেন্সাৰৰ সম্ভাৱনা হ্ৰাস কৰাত অতি সহায়ক বুলি গণ্য কৰা হয়, সেয়েহে সঠিক বয়সত এই ভেকচিন লোৱাটো মহিলাৰ বাবে উপকাৰী হ’ব পাৰে।

নিয়মীয়াকৈ শৰীৰৰ পৰীক্ষা কৰকঃ যদি কোনো মহিলাৰ বয়স ২১ বছৰৰ ওপৰৰ বা বিবাহিত হয়, তেন্তে সময়ে সময়ে স্ক্ৰীনিং টেষ্ট কৰাটো গুৰুত্বপূৰ্ণ যাতে আগতীয়া পৰিৱৰ্তন সময়মতে ধৰা পেলাব পৰা যায়।

অস্বাভাৱিক লক্ষণসমূহ আওকাণ নকৰিব: যদি যৌন সম্পৰ্কৰ পিছত তেজ ওলোৱা, যোনীত বিষ, দুৰ্গন্ধযুক্ত স্ৰাৱ, মাহেকীয়াৰ মাজত অত্যধিক ৰক্তক্ষৰণ, বা স্থায়ী দুৰ্বলতা আদি লক্ষণে দেখা দিয়ে, তেন্তে আপুনি তৎক্ষণাত চিকিৎসকৰ পৰামৰ্শ ল’ব লাগে।

নিৰাপদ যৌন সম্পৰ্ক অভ্যাস কৰকঃ কণ্ডম ব্যৱহাৰ কৰা আৰু একাধিক সংগীৰ পৰা আঁতৰি থাকিলে এইচ পি ভি সংক্ৰমণৰ সম্ভাৱনা হ্ৰাস কৰাত সহায়ক হ’ব পাৰে।

ধূমপান আৰু অস্বাস্থ্যকৰ জীৱনশৈলীৰ পৰা আঁতৰি থাককঃ  ধূমপান, ধঁপাত আৰু অস্বাস্থ্যকৰ জীৱনশৈলীয়ে শৰীৰৰ ৰোগ প্ৰতিৰোধ ক্ষমতা দুৰ্বল কৰি তুলিব পাৰে, যাৰ ফলত গুৰুতৰ ৰোগৰ সম্ভাৱনা বৃদ্ধি পাব পাৰে।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ