দুৰ্বল হৈ পৰিছে নেকি আপোনাৰ বন্ধু তথা স্বামী, দেখাত সুস্থ-সবল হ’লেও থাকিব পাৰে এই সমস্যা
সাধাৰণ জীৱন যাপন কৰি থকা দেখাত একেবাৰে সুস্থ-সবল ব্যক্তি এজনো কেতিয়াবা কোনো ভিতৰুৱা সমস্যাত ভুগিব পাৰে। আজিকালিৰ দিনটো বহু ক্ষেত্ৰতে ভিতৰুৱা কোনো কোনো ৰোগ থকা দেখা বা শুনা যায়।
যি ৰোগৰ কথা হয়তো বহু পুৰুষেই মুকলিকৈ কবলৈ কিছু শংকা তথা লাজবোধ কৰে। এই ক্ষেত্ৰত এগৰাকী মহিলাই সহায় কৰিব পাৰে পুৰুষ সংগীক।
কিয় হয় সম্পৰ্কত দুৰ্বল , দুৰ্বলতাৰ কাৰণ হিচাপে কবলৈ গলে প্ৰথমেই আহে মানসিক কাৰণ। বিভিন্ন সমীক্ষাৰ পৰা দেখা গৈছে যে, অধিকাংশ ক্ষেত্ৰতে সম্পৰ্কত দুৰ্বলতাৰ কাৰণ শাৰীৰিক নহয়। বৰং মানসিক চিন্তা, ভয়, শোক, শংকা, উদ্বেগ আদি বিভিন্ন কাৰকে শাৰীৰিকভাৱে সক্ষম লোক এজনকো যৌন সম্পৰ্কত অক্ষম কৰি তুলিব পাৰে।
কৰ্মব্যস্ততা আৰু হীনমন্যতাও এটা সম্পৰ্কত পুৰুষৰ দুৰ্বলতাৰ কাৰণ হ’ব পাৰে। এনে ধৰণৰ কিবা কাৰণত এবাৰ বিফল হ’লে বহু পুৰুষ হতাশ হৈ পৰে আৰু পুনৰ বিফলতাৰ আশংকাই তেওঁক অধিক দুৰ্বল কৰি তোলে।
তেনে ধৰণৰ পূৰ্ব ধাৰণা বা বিফলতাৰ আশংকাত ভুগি মানসিক কাৰণত হোৱা বিফলতা চিকিৎসকৰ লগত মুকলিমূৰীয়াকৈ আলোচনা আৰু পৰামৰ্শ গ্ৰহণৰ যোগেদি সম্পূৰ্ণৰূপে নিৰাময় কৰিব পাৰি। এনে আলোচনা আৰু মানসিক চিকিৎসাৰ ফলত ৰোগীৰ মনলৈ আত্মবিশ্বাস ঘূৰি আহে আৰু পিছলৈ সফলতা লাভ কৰিবলৈ সক্ষম হয়।
শাৰীৰিক কাৰণো এই ক্ষেত্ৰত দেখা যায়, মানসিক কাৰণৰ লগতে অন্যান্য কিছুমান শাৰীৰিক ৰোগৰ কাৰণেও মানুহ এজন দুৰ্বলতা বা শাৰীৰিক অক্ষমতাত ভুগিব পাৰে। দীৰ্ঘদিন ধৰি ভুগি থকা উচ্চৰক্ত চাপ, মধুমেহ, স্নায়ু দুৰ্বলতা, অন্ত:স্ৰাৱী গ্ৰন্থিৰ অস্বাভাৱিক হৰমোন নি:সৰণ প্ৰক্ৰিয়া(থাইৰয়ড, পিটুইটেৰী, এড্ৰিনেল গ্ৰন্থি) শুক্ৰাশয়, অণ্ডকোষ, প্ৰোষ্টেট গ্লেণ্ড আৰু প্ৰজনন অংগৰ ৰোগ আদিৰ বাবেও দুৰ্বলতা বা অক্ষমতাই দেখা দিব পাৰে।
স্বপ্নদোষ, অতিমাত্ৰা হস্তমৈথুন বা অপ্ৰাকৃতিক ৰতিক্ৰিয়াৰ বাবেও সাময়িকভাৱে দুৰ্বলতাই দেখা দিব পাৰে। কিন্তু এনেধৰণৰ কাৰ্যই স্থায়ীভাৱে সমস্যা কৰিব নোৱাৰে। তথাপি অতিমাত্ৰা হস্তমৈথুন আৰু অপ্ৰাকৃতিক ৰতিক্ৰিয়াই বিৰূপ মানসিক প্ৰভাৱ পেলায়।
শীঘ্ৰ পতনো এক সমস্যা, বহুতো পুৰুষে ‘শীঘ্ৰ পতন’ নামৰ উপসৰ্গত ভোগে। তেনেলোকৰ উত্তেজনা আৰু ক্ষমতা স্বাভাৱিক যদিও উত্তেজনা অহাৰ লগে লগে বা শাৰীৰিক সংস্পৰ্শলৈ অহাৰ মুহূৰ্ততে বীৰ্য স্খলন হৈ যায়। তেনেধৰণৰ উপসৰ্গকে ‘শীঘ্ৰ পতন’ বোলা হয়।
কিছুমান পুৰুষৰ নাৰী সংগীৰ সৈতে স্পৰ্শ আদি প্ৰাৰম্ভিক প্ৰক্ৰিয়াৰ সময়তে বীৰ্য স্খলন হয়। কোনো কোনো লোকৰ নাৰীৰ শৰীৰ স্পৰ্শ মাত্ৰেই তীব্ৰ উত্তেজনা বশত: স্খলন হয়। এইসকল ‘শীঘ্ৰ পতন’ৰ ৰোগী।
শীঘ্ৰ পতনৰো প্ৰধান কাৰণ মানসিক যদিও শাৰীৰিক দুৰ্বলতা আৰু কোনো ধৰণৰ দীৰ্ঘদিনীয়া ৰোগৰ বাবে দুৰ্বলতাৰ দৰে শীঘ্ৰ পতনৰ উপসৰ্গই দেখা দিব পাৰে। এনে ধৰণৰ ৰোগীয়েই সাধাৰণতে স্বপ্নদোষৰো চিকাৰ হয়। অৰ্থাৎ ক্ষন্তেকৰ তীব্ৰ উত্তেজনা বশত: নিদ্ৰামগ্ন অৱস্থাতে বীৰ্য স্খলন হৈ যায়।
স্বপ্নদোষ যদিও দীৰ্ঘদিনীয়া অতৃপ্তিৰ ফলত হোৱা এক স্বাভাৱিক ঘটনা তথাপি এই উপসৰ্গ সঘনাই ঘটি থাকিলে ৰোগী মানসিকভাৱে ভাগি পৰে। এনেবিলাক লক্ষণে দেখা দিলে তৎক্ষণাত অভিজ্ঞ আয়ুৰ্বেদিক চিকিৎসকৰ পৰামৰ্শ লোৱা ভাল। আয়ুৰ্বেদত এনেধৰণৰ যৌন দুৰ্বলতাজনিত ৰোগৰ ভাল চিকিৎসা ব্যৱস্থা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
