মুম্বাই বিমান বন্দৰৰ ডাষ্টবিনত উদ্ধাৰ সদ্যো** , ৪ দিনৰ পাছত ওলাল মাতৃৰ সন্ধান
মুম্বাই বিমান বন্দৰত উদ্ধাৰ হোৱা এটি সদ্যোজাতৰ ঘটনাই চাঞ্চল্যৰ সৃষ্টি কৰিছে। বিমান বন্দৰৰ শৌচালয়ৰ ডাষ্টবিনৰ পৰা চাফাই কৰ্মীয়ে উদ্ধৰা কৰে সদ্যোজাতৰ নিথৰ দেহ। যাৰ পাছতে তোলপাৰ লাগি যায় সকলোফালে।
লগে লগে বিমান বন্দৰৰ আৰক্ষীকো ঘটনা সন্দৰ্ভত খবৰ কৰা হয়। আৰক্ষীয়ে লগে লগে তদন্ত আৰম্ভ কৰে। সেই তদন্ততে পোহৰলৈ আহে সন্তানটিৰ মাতৃৰ পৰিচয়। এগৰাকী ১৬ বছৰীয়া কিশোৰী সেই সন্তানৰ মাতৃ।
চিচি টিভি কেমেৰাত আৱদ্ধ হয় কিশোৰী আৰু কিশোৰীৰ মাতৃৰ চেহেৰা। তাৰ পাচতে বিমানৰ টিকটৰ পৰা জানিব পৰা যায় দুয়োৰে পৰিচয়। মুম্বাইৰ পৰা ৰাঁচীলৈ গৈছিল দুয়ো মাতৃ-কন্যা।
আৰক্ষীয়ে দুয়োকে ধৰা পেলোৱাৰ পছতে পোহৰলৈ আহে সমগ্ৰ ঘটনা। এগৰাকী ১৬ বছৰীয়া কিশোৰী গৰ্ভৱতী হোৱাৰ বাবে অভিযুক্তৰ বিৰুদ্ধে POCSO আইনৰ আধাৰত গোচৰো ৰুজু কৰা হৈছে। আনহাতে কিশোৰীয়ে আৰক্ষীক দিয়া ভাষ্য অনুসৰি, সেই সন্তান জন্মৰ পাছত এৰি যোৱা নহয়, সেয়া মিছকেৰেজ।
৭ মাহৰ গৰ্ভৱতী আছিল কিশোৰী। ৰাঁচীত কোনো পৰিয়ালৰ অনুষ্ঠানত অংশ লোৱাৰ উদ্দেশ্যে যাব বিচাৰিছিল, কিন্তু দুৰ্ঘটনাবশতঃ কিশোৰী পৰি গৈ দুখ পোৱা বাবে ৰেল যাত্ৰা বাৰণ কৰি বিমানেৰে ৰাঁচীলৈ যাত্ৰা কৰে। কিন্তু যাত্ৰাৰ পূৰ্বে বিমান বন্দৰতে প্ৰসৱ আৰম্ভ হয় কিশোৰীৰ।
চিচি কেমেৰাতো ধৰা পৰিছে বিমানত উঠাৰ পূৰ্বে ছটফটাই ইফাল সিফাল কৰি আছিল কিশোৰী। তাৰ পাছত মহিলাৰ শৌচালয়ত প্ৰৱেশ মাতৃৰ সৈতে। আৰু শৌচালয়ৰ পৰাই কিছু সময় পাছত কাপোৰ সলাই ওলাই আহে কিশোৰী।
মাতৃয়ে দিয়া ভাষ্য অনুসৰি, সেয়া মিছকেৰেজ। সেয়া সন্তান জীৱিত নাছিল, বৰঞ্চ সেয়া ভ্ৰুণ আছিল। সেয়ে ডাষ্টবিনত পেলাই দিয়ে। আৰক্ষীয়ে এতিয়া মৰণোত্তৰ পৰীক্ষাৰ ফলাফলৰ বাবে অপেক্ষা কৰিছে। সেই ফলাফত হে জানিব পৰা যাব সেই সন্তান ভ্ৰুণ আছিল নে জন্মতে মৃত আছিল নেকি!
আৰক্ষীয়ে বৰ্তমানে দুয়ো মাতৃ-কিশোৰীৰে থানাত ভাষ্য সংগ্ৰহ কৰি নটিছ দি যাবলৈ দিয়ে। আনহাতে নিজে তদন্ত অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
