অসম লাইভ ২৪ঃ মিজোৰামৰ এজন ব্যক্তি। ব্যক্তিজনৰ নাম জিয়না চানা। জিয়না চানাৰ পত্নীৰ সংখ্যা ৩৯গৰাকী, সন্তানৰ সংখ্যা ৯৪ জন আৰু নাতি-নাতিনীৰ সংখ্যা ৩৩ জন। সৰ্বমুঠ ১৬৭ জনীয়া সদস্যৰে এক ভৰপূৰ সুখৰ সংসাৰ চানাৰ। এই পৰিসংখ্যাৰে ব্যক্তিজনৰ পৰিয়ালটোৱে বিশ্বৰ সৰ্ববৃহৎ পৰিয়ালৰ ৰেকৰ্ড গঢ়িছিল। পিছে এই সৰ্ববৃহৎ পৰিয়ালটোৰ মুৰব্বী জিয়না চানাৰ সোমবাৰে মৃত্যু হয়। তেওঁৰ মৃত্যুৰ খবৰ টুইটযোগে জানিবলৈ দিয়ে মিজোৰামৰ মুখ্যমন্ত্ৰীয়ে। মৃত্যুৰ সময়ত জিয়না চানাৰ বয়স আছিল ৭৬ বছৰ। জিয়না চানা দীৰ্ঘদিন ধৰি আক্ৰান্ত আছিল মধুমেহ আৰু উচ্চ ৰক্ত চাপত।
জিয়না চানাৰ এই পৰিয়ালটো আছিল বহুতৰে বাবে আকৰ্ষণৰ কেন্দ্ৰবিন্দু। কেইবাটাও বেণ্ডৰ বিজ্ঞাপনত দেখিবলৈ পোৱা গৈছিল পৰিয়ালটোক। আনকি পৰিয়ালটোক এবাৰ স্ব-চক্ষুৰে চাবলৈ মিজোৰামলৈ আহিছিল দেশী-বিদেশী পৰ্যটক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
