আজি ৰাষ্ট্ৰসংঘৰ মহাসভাক সম্বোধন কৰিব নৰেন্দ্ৰ মোদীয়ে, অংশগ্ৰহণ কৰিব বিশ্বৰ ১৯৩ খন ৰাষ্ট্ৰই

অসম লাইভ ২৪ঃ আজি ৰাষ্ট্ৰসংঘৰ মহাসভাক সম্বোধন কৰিব প্ৰধানমন্ত্ৰী নৰেন্দ্ৰ মোদীয়ে৷ ৭৬ সংখ্যক সাধাৰণ সভাত অংশগ্ৰহণ কৰিব ভাৰতৰ প্ৰধানমন্ত্ৰীগৰাকীয়ে৷ বিশ্বৰ ১৯৩ খন ৰাষ্ট্ৰই অংশগ্ৰহণ কৰিব ৰাষ্ট্ৰসংঘৰ সাধাৰণ সভাত৷ ভাৰত সংযুক্ত ৰাষ্ট্ৰ সুৰক্ষা পৰিষদৰ অধ্যক্ষতা কৰে ভাৰতে৷ গতিকে বিশ্বৰ সকলো দেশৰ সন্মুখত ভাৰতে শক্তিশালী ৰূপত নিজৰ বিষয় উপস্থাপন কৰিব পাৰিব৷ জলবায়ু পৰিবৰ্তন, অৰ্থনৈতিক তথা কূটনৈতিক সম্পৰ্ক, মহিলা সৱলীকৰণ, সন্ত্ৰাসবাদ, ভেকচিনৰ উপলব্ধতা আদি বিভিন্ন বিষয় উত্থাপন কৰিব ভাৰতে৷ ইতিমধ্যে নিউয়ৰ্কত উপস্থিত হৈছে ভাৰতৰ প্ৰধানমন্ত্ৰীগৰাকী৷ টুইটযোগে নৰেন্দ্ৰ মোদীয়ে সদৰী কৰে এই কথা৷ কোৱাড ক্ৰান্তিৰ নেতাসকলৰ সৈতে ইতিমধ্যে মিলিত হৈছে নৰেন্দ্ৰ মোদী৷ শুকুৰবাৰে আমেৰিকাৰ ৰাষ্ট্ৰপতি জ’ বাইডেন আৰু উপ-ৰাষ্ট্ৰপতি কমলা হেৰিছক সাক্ষাৎ কৰে মোদীয়ে৷ গনতন্ত্ৰ, সন্ত্ৰাসবাদ, জলবায়ু পৰিবৰ্তন, ভাৰত-আমেৰিকাৰ দ্বিপাক্ষিক সম্পৰ্ক আদি বিভিন্ন বিষয়ত বৈঠকত মিলিত হয় প্ৰধানমন্ত্ৰী মোদী৷

Landed in New York City. Will be addressing the UNGA at 6:30 PM (IST) on the 25th. pic.twitter.com/CUtlNZ83JT

— Narendra Modi (@narendramodi) September 25, 2021

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ